17:56 13.04.2023
ՀՀ բարձր տեխնոլոգիական արդյունաբերության նախարար Ռոբերտ Խաչատրյանը ապրիլի 12-ին ընդունել է Հայաստանում ՄԱԿ-ի զարգացման ծրագրերի (ՄԱԶԾ) մշտական ներկայացուցիչ Նաթիա Նացվլիշվիլիի գլխավորած պատվիրակությանը։
Նախարար Ռոբերտ Խաչատրյանը ողջունել է հյուրերին, ներկայացրել նախարարության գործունեության շրջանակներն ու իրականացվող աշխատանքները, պատրաստակամություն հայտնել քննարկելու նախարարության և ՄԱԶԾ-ի միջև համատեղ ծրագրերի իրականացման հնարավորությունները։
Նաթիա Նացվլիշվիլին շնորհակալություն է հայտնել ընդունելության համար, այնուհետև մանրամասներ ներկայացրել ՄԱԶԾ 2021-2025թթ. Հայաստանի ծրագրային փաստաթղթի վերաբերյալ, նշել, որ այն նպատակ ունի առաջընթաց ապահովել չորս հիմնական ուղղություններում՝ Կայուն ու ներառական սոցիալ-տնտեսական զարգացում, Բնապահպանական կայունություն ու ճկունություն, Ժողովրդավարական կառավարում ու գենդերային հավասարություն և Ապացույցների վրա հիմնված քաղաքականություն, ֆինանսավորում և նորարարություն:
ՄԱԶԾ մշտական ներկայացուցիչը նախարարին է ներկայացրել նաև ՄԱԶԾ կողմից իրականացվող Tech2Life նախաձեռնությունը, որի նպատակն է աջակցող տեխնոլոգիաների զարգացման համար Հայաստանում նպաստավոր միջավայր ստեղծելը և ստարտափ ընկերություններին ներգրավվելը:
Նախարար Ռոբերտ Խաչատրյանը նշել է, որ ներկայացված բոլոր ուղղություններն էլ շատ կարևոր են, նաև ընդգծել է, որ ԲՏԱ նախարարության գործառույթների և հետաքրքրությունների շրջանակներում են Ապացույցների վրա հիմնված քաղաքականություն, ֆինանսավորում ու նորարարություն ուղղությունը և Tech2Life նախաձեռնությունը, որոնց շուրջ կարող են համագործակցել՝ ավելի մանրամասն աշխատանքային խմբերով քննարկումներից հետո։
Հանդիպման ընթացքում անդրադարձ է կատարվել ՀՀ բարձր տեխնոլոգիական արդյունաբերության նախարարության և ՄԱԶԾ-ի միջև գործակցության հնարավորությանն առնչվող մի շարք հարցերի։ Նշվել է նաև, որ նախարարության և ՄԱԶԾ-ի միջև համագործակցությունը կարող է խթանել Հայաստանում բարձր տեխնոլոգիաների և նորարարության զարգացմանը, թվային անվտանգության ապահովմանը, փոխկապակցված ոլորտներում տեխնոլոգիական լուծումների ներդրմանը։
17:55 11.07.2025
Վարազդատ Հարոյանը կարիերան կշարունակի Հունգարիայում
17:55 11.07.2025
Վարազդատ Հարոյանը կարիերան կշարունակի ՀունգարիայումՀայաստանի ազգային հավաքականի ավագ Վարազդատ Հարոյանը Երևանի «Փյունիկից» հեռանալուց հետո տեղափոխվել է հունգարական «Կազինցբարցիկա»։ Այս մասին հաղորդում է հունգարական ակումբի մամուլի ծառայությունը: «Ես պայմանագիր եմ կնքել, քանի որ ազգային հավաքականում իմ թիմակիցներից, ովքեր այստեղ են խաղում, տեղեկացել եմ, որ Հունգարիայի առաջնությունը բարձր որակի է, երկիրն էլ շատ գեղեցիկ է: Գիտեմ, որ սա ակումբի առաջին տարին […] ...
17:50 11.07.2025
Քաղաքացին Քարաբերդ գյուղի լճի մոտ զենք-զինամթերք էր թողելԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են հանձնում ոստիկանություն: Համայնքային ոստիկանության Անիի բաժնի ծառայողների և Շիրակի մարզի պարեկների բացատրական աշխատանքի արդյունքում հուլիսի 9-ին ոստիկանություն զանգած քաղաքացին հայտնել է, որ հայրը 44-օրյա պատերազմի մասնակից է և Քարաբերդ գյուղի լճի մոտ զենք-զինամթերք է թողել։ Բաժնից նշված հասցե մեկնած օպերատիվ խումբը հայտնաբերել է […] ...
17:45 11.07.2025
Արսեն Թորոսյանը մասնակցել է Ուկրաինայի վերականգնման 4-րդ համաժողովինՀՀ ԱԺ առողջապահության հարցերի մշտական հանձնաժողովի նախագահ, «Քաղաքացիական պայմանագիր» խմբակցութան պատգամավոր Արսեն Թորոսյանն Իտալիայի եւ Ուկրաինայի խորհրդարանների հրավերով Հռոմում մասնակցել է Ուկրաինայի վերականգնման 4-րդ համաժողովին: Համաժողովի շրջանակում Արսեն Թորոսյանն առանձնազրույց է ունեցել Ուկրաինայի Գերագույն ռադայի առաջին փոխնախագահ Օլեքսանդր Կորնիյենկոյի հետ: Հանձնաժողովի նախագահը նաեւ ելույթ է ունեցել խորհրդարանականների համար կազմակերպված քննարկման ժամանակ: «Հարգելի՛ գործընկերներ, թույլ տվեք […] ...
17:40 11.07.2025
Ժաննա Անդրեասյանն Ապարանում հանդիպել է Հայ-վրացական երիտասարդական հավաքի մասնակիցների հետՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ՀՀ 2025 թ. երիտասարդական մայրաքաղաք Ապարանում հանդիպել է Հայ-վրացական երիտասարդական հավաքի մասնակիցներին։ Եռօրյա միջոցառման ընթացքում հայ և վրացի երիտասարդների համար կազմակերպվել են քննարկումներ ու աշխատարաններ՝ նպատակ ունենալով զարգացնելու նրանց առաջնորդության հմտությունները, խթանելու ակտիվ քաղաքացիության ձևավորումը և բարձրացնելու երիտասարդների մասնակցությունը համայնքային և հասարակական կյանքում։ Ողջունելով հավաքի […] ...
17:35 11.07.2025
Վարչապետի գլխավորությամբ քննարկվել է քրեակատարողական համակարգի բարեփոխման հայեցակարգըՀՀ վարչապետ Նիկոլ Փաշինյանի գլխավորությամբ տեղի է ունեցել աշխատանքային խորհրդակցություն, որի ընթացքում քննարկվել է Արդարադատության նախարարության քրեակատարողական համակարգի բարեփոխման հայեցակարգը: Քննարկմանը մասնակցել են ՀՀ գործադիր, օրենսդիր և դատաիրավական համակարգի մարմինների ղեկավարներ և ներկայացուցիչները: Արդարադատության նախարար Սրբուհի Գալյանը ներկայացրել է Քրեակատարողական համակարգի զարգացման առաջնահերթություններն ու ուղղությունները: Անդրադարձ է կատարվել, մասնավորապես՝ քրեակատարողական հիմնարկների կարողությունների զարգացմանը, ծառայողների աշխատանքային […] ...
