20:00 22.08.2018
Հայաստանի պետական տնտեսագիտական համալսարանի Գյումրու մասնաճյուղում առերևույթ կոռուպցիոն հանցագործությունների դեպքի առթիվ հարուցված քրեական գործի վերաբերյալ պարզաբանումներ են ներկայացրել Շիրակի մարզի դատախազի տեղակալը, բուհի նախկին ռեկտոր Սամսոն Դավոյանի պաշտպանն ու համալսարանի տնօրենի պաշտոնակատար Կարեն Պետրոսյանը:
Պետրոսյանը նշել է, որ ոստիկանության Մուշի բաժնի հետաքննիչները օրեր առաջ պահանջել են իրենց փոխանցել 2014-2018 թվականների ամփոփաթերթիկները, մատյանների կրկնօրինակներն ու որոշ հաշվապահական փաստաթղթեր։
«Պահանջվող փաստաթղթերում շատ կոնկրետություն կար, իրենք կոնկրետ փաստաթղթեր են մեզնից պահանջել, որը ենթադրում է, որ որոշակի նախնական տեղեկատվություն են ունեցել»,- նշել է բուհի տնօրենի պաշտոնակատարը:
Շիրակի մարզի դատախազի տեղակալ Վահե Միրզոյանը SHANTNEWS.AM-ի թղթակցին հայտնել է, որ 2018 թվականի օգոստոսի 8-ին ՀՀ ոստիկանության Շիրակի մարզային վարչության Մուշի բաժնում ստացվել են տվյալներ այն մասին, որ ՀՊՏՀ-ի Գյումրիի մասնաճյուղի 24 ուսանողներ չեն ներկայացել դասընթացներին, բայց փոխադրվել են հաջորդ կուրս։ Հարցաքննվել է 5-6 ուսանող և բուհի մի քանի աշխատակից:
«Գործ հարուցելու համար անհրաժեշտ են բավարար հիմքեր, այսինքն՝ տվյալներ են ձեռք բերվել առերևույթ հանցագործություն կատարած լինելու վերաբերյալ, հետևաբար հարուցվել է քրեական գործ, առանց հիմքերի քրեական գործ չի հարուցվում»,- նշել է Վահե Միրզոյանը:
Բուհի նախկին ռեկտոր Սամսոն Դավոյանի պաշտպան Արամայիս Հայրապետյանն էլ տեղեկացրել է, որ իր պաշտպանյալը ծանուցումներ չի ստացել ու հարցաքննությունների չի հրավիրվել։ Նույնիսկ հարուցված քրեական գործի մասին տեղյակ չեն եղել ու միայն համացանցից են իմացել դատախազության հաղորդագրության մասին։ Փաստաբանը նաև նշել է, որ հայտարարության մեջ խախտվել է իր պաշտպանյալի անմեղության կանխավարկածը։
«Որոշման բովանդակությունը կոնկրետ պարոն Դավոյանի մասով նույնական է մեղադրանքին, այսինքն՝ քրեական գործի հարուցման մասին եզրահանգումներ են առկա անձի կողմից հանցագործություն կատարելու մասին, որը անմեղության կանխավարկածի խախտում է, ակնհայտ է, որ տրվել է գնահատական, այն էլ քրեական գործը հարուցելու որոշման մեջ»,- նշել է Արամայիս Հայրապետյանը:
Փաստաբանը նաև հավաստիացրել է, որ իր պաշտպանյալը պատշաճ ծանուցում ստանալու դեպքում պատրաստ է ներկայանալ իրավապահ մարմիններին և չի խուսափում հարցաքննությունից։
16:16 27.07.2025
Ռուբիո. Վաշինգտոնն ու Պեկինը պետք է պահպանեն հարաբերությունները և համագործակցենՎաշինգտոնն ու Պեկինը պետք է պահպանեն հարաբերությունները և, եթե հնարավոր է, գտնեն համագործակցության ոլորտներ։ Այս մասին Fox News-ին տված հարցազրույցում հայտարարել է ԱՄՆ պետքարտուղար Մարկո Ռուբիոն։ «Միացյալ Նահանգները և Չինաստանը աշխարհի երկու ամենահզոր և կարևոր երկրներն են, ուստի մենք պետք է պահպանենք հարաբերությունները։ Մենք պետք է կարողանանք խոսել նրանց հետ և, եթե հնարավոր է, գտնել […] ...
16:09 27.07.2025
Իտալիայի չեմպիոնը նոր դարպասապահ կունենա«Նապոլին» ձեռք կբերի «Տորինոյի» դարպասապահ Վանյա Միլինկովիչ-Սավիչին: Այս մասին հաղորդում է ինսայդեր Ֆաբրիցիո Ռոմանոն։ Իտալիայի չեմպիոնը սերբ դարպասապահի տրանսֆերի հարցում ամբողջական համաձայնության է հասել և նրա տեղափոխության համար 4 տարվա ընթացքում կվճարի 21 միլիոն եվրո։ Գործարքում կներառվի նաև «Նապոլիի» հարձակվող Սիրիլ Նգոնգը, որը վարձավճարով կտեղափոխվի «Տորինո»։ 28-ամյա Միլինկովիչ-Սավիչը «Տորինո» է տեղափոխվել 2017թ. հուլիսին, 158 խաղից […] ...
15:59 27.07.2025
Իսրայելի ռազմաօդային ուժերը մարդասիրական օգնություն են հասցրել Գազայի բնակիչներինԻսրայելի պաշտպանության ուժերը հայտարարել են, որ մարդասիրական օգնության յոթ կոնտեյներ են օդից իջեցրել Գազայի հատվածի բնակիչներին։ «Քաղաքական ղեկավարության հրահանգներին համապատասխան, Իսրայելի պաշտպանության ուժերը մարդասիրական օգնության օդից իջեցում են իրականացրել՝ որպես մարդասիրական օգնության մուտքը Գազայի հատված ապահովելու և հեշտացնելու իրենց շարունակական ջանքերի մաս», – ասվում է հայտարարության մեջ։ «Միջազգային կազմակերպությունների հետ համատեղ իրականացված մատակարարումը բաղկացած էր […] ...
15:47 27.07.2025
Վարդավառը Իրական Հայաստանի ամենատոնն է. Նիկոլ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է. «Վարդավառը Իրական Հայաստանի ամենատոնն է, որ գովերգում է ապրելու, կյանքը վայելելու, երջանիկ լինելու բնական մղումը եւ մեզ հետագծում մինչեւ մեր արմատների ամենախորքերը։ Վարդավառը գովերգ է մեր նահատակներին, որ մեզ ապրելու, կյանքը վայելելու եւ հարատեւ պետություն ունենալու հնարավորություն են շնորհել։ Այդ հնարավորությունը մենք բաց չենք թողնի։ Շնորհավոր […] ...
15:40 27.07.2025
Ռուբիո. Թրամփը դեռևս ցանկանում է, որ Ուկրաինայի հակամարտությունը կարգավորվիԱՄՆ նախագահ Դոնալդ Թրամփը շարունակում է հետաքրքրված լինել Ուկրաինայի հակամարտության կարգավորմամբ և ցանկանում է տեսնել դրա ավարտի ուղղությամբ կոնկրետ քայլեր, ասել է ԱՄՆ պետքարտուղար Մարկո Ռուբիոն։ «Սա նրա (Թրամփի) պատերազմը չէ, բայց նա ցանկանում է, որ այն ավարտվի», – Fox News-ին տված հարցազրույցում ասել է նա: Ռուբիոյի խոսքով՝ Թրամփը հիասթափված է, որ (Ռուսաստանի առաջնորդ) Վլադիմիր […] ...
15:28 27.07.2025
«Բարսելոնան» չի տուգանվի Ռեշֆորդի տրանսֆերային իրավունքը չգնելու դեպքում«Բարսելոնան» տուգանք չի վճարի «Մանչեսթեր Յունայթեդին» Մարկուս Ռեշֆորդի տրանսֆերային իրավունքը ձեռք չբերելու համար: Այս մասին հայտնում է The Athtletic-ը։ Նախնական տեղեկություններով` «Բարսելոնան» վարձակալության ավարտին անգլիացի ֆուտբոլիստի տրանսֆերային իրավունքը չգնելու դեպքում անգլիական ակումբին ստիպված կլիներ վճարել 5 միլիոն եվրո տուգանք։ «Մանչեսթեր Յունայթեդը» նման պրակտիկա արդեն կիրառել է «Չելսիի» հետ պայմանագրով, երբ լոնդոնյան ակումբը հրաժարվեց Ջեյդոն Սանչոյի […] ...
