18:13 23.05.2023
123 մասնակից, 4 առաջին, 5 երկրորդ, 18 երրորդ կարգի դիպլոմներ․ Շիրակի մարզպետ Մուշեղ Մուրադյանը մարզպետի աշխատակազմի պատասխանատուների հետ այսօր հյուրընկալել է 2022-2023 ուստարվա դպրոցականների հանրապետական առարկայական օլիմպիադաների շիրակցի հաղթողներին։ Տեղեկացնում են Շիրակի մարզպետի աշխատակազմից։
Ողջունելով ու շնորհավորելով աշակերտներին, նրանց մանկավարժներին ու ծնողներին հաղթանակի համար՝ Շիրակի մարզպետը նշել է, որ տքնաջան աշխատանքի ու ձգտումի արդյունքում է հնարավոր եղել նման արդյունքներ գրանցել, այստեղ է, որ զգացվում է թե աշակերտի, թե մանկավարժի, թե ծնողի համատեղ աշխատանքը․
«Անչափ ուրախ եմ ձեզ հյուրընկալելու և ձեզ նման խոստումնալից աշակերտների հետ հանդիպելու համար, հպարտ եմ, որ ունենք այսպիսի գրագետ աշակերտներ։ Համոզված եմ, որ դուք եք նպաստելու մեր երկրի բարեկեցիկ ապագայի կերտմանը: Մեր ապագան դուք եք, կյանքի նոր շեմ ոտք դնելով դուք մեր երկիրն առավել հզոր կդարձնեք, քանզի գիտելիքահեն տնտեսությամբ ու գիտելիքով հարուստ մասնագետներով կկարողանանք ժամանակակից մարտահրավերների դեմ պայքարել։ Հաջողություններ ու նորանոր ձեռքբերումներ եմ մաղթում ձեզ»։
Աշակերտները շնորհակալություն են հայտնել մարզպետին ընդունելության ու հոգատար վերաբերմունքի համար, որից հետո ծավալվել է ջերմ ու անմիջական զրույց, դպրոցականները մարզպետին պատմել են առաջիկա անելիքներից ու ապագայի ծրագրերից, կիսվել իրենց տեսլականով, լսել մարզպետի կարծիքն ու քննարկել տարբեր հարցեր։
Նշենք, որ այս տարի հանրապետական առարկայական օլիմպիադաներին Շիրակի մարզի 123 դպրոցական է մասնակցել: Նրանցից 4-ը արժանացել է առաջին, 5-ը՝ երկրորդ, 18-ը՝ երրորդ կարգի դիպլոմների, իսկ 29-ը՝ գովասանագրերի:
Շիրակի մարզպետն այսօր հանձնել է երկրորդ և երրորդ կարգի դիպլոմները։
Հանրապետական առարկայական օլիմպիադաներն անցկացվել են 16 առարկայից: Շիրակցի դպրոցականներն աչքի են ընկել հայոց լեզու և գրականություն, անգլերեն, գերմաներեն, ռուսերեն լեզուներից, ինֆորմատիկայից, պատմությունից, հայոց եկեղեցու պատմությունից, քիմիայից, աշխարհագրությունից։
18:14 14.05.2025
Թրամփը չի բացառել իր մասնակցությունը Ստամբուլում կայանալիք ռուս-ուկրաինական բանակցություններինԱՄՆ նախագահ Դոնալդ Թրամփը չի բացառել Ռուսաստանի և Ուկրաինայի միջև մայիսի 15-ին Թուրքիայում նախատեսված բանակցություններին իր մասնակցությունը, սակայն չգիտի՝ արդյոք Ռուսաստանի նախագահ Վլադիմիր Պուտինը կմասնակցի՞, թե՞ ոչ։ Ինչպես «Արմենպրես»-ը տեղեկանում է Reuters-ից, այս մասին Կատար մեկնելիս նախագահական ինքնաթիռում լրագրողների հետ զրույցում նշել է Թրամփը։ «Նա (խմբ.՝ Պուտինը) կցանկանար, որ ես այնտեղ լինեմ, և դա հնարավոր […] ...
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
17:54 14.05.2025
Բենզինի ռեզերվուարում բռնկված հրդեհը մարվել էՄայիսի 14-ին` ժամը 09:37-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի փողոցում, նախնական տվյալներով, այրվում է բենզինի դատարկ ռեզերվուար: Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային […] ...
17:45 14.05.2025
Համագործակցության հուշագիր՝ Քրեակատարողական ծառայության և ԵՊՀ սոցիոլոգիայի ֆակուլտետի միջևԱյսօր՝ մայիսի 14-ին, ՀՀ արդարադատության նախարարության քրեակատարողական ծառայության և Երևանի պետական համալսարանի սոցիոլոգիայի ֆակուլտետի միջև կնքվել է համագործակցության հուշագիր, որը ստորագրել են Ծառայության պետ Ծովինար Թադևոսյանը և ֆակուլտետի դեկան Արթուր Մկրտիչյանը։ Համագործակցության անհրաժեշտությունը պայմանավորված է քրեակատարողական համակարգում սոցիալական աշխատանքի ինստիտուտի զարգացման կարևորությամբ, ազատազրկված անձանց վերասոցիալականացման քաղաքականության ամրապնդմամբ, ինչպես նաև քրեակատարողական ոլորտում գիտության և պրակտիկայի միջև […] ...
17:39 14.05.2025
Ընտրակաշառք տալու և ստանալու դեպքերի առթիվ քննված քրեական վարույթով նախաքննությունն ավարտվել էՀՀ հակակոռուպցիոն կոմիտեի կողմից ձեռնարկված օպերատիվ-հետախուզական միջոցառումների արդյունքում նախաձեռնված քրեական վարույթով պարզվել է, որ Գյումրի համայնքի՝ 2025 թվականի մարտի 30-ին նշանակված ավագանու արտահերթ ընտրություններին մասնակցող կուսակցությունների դաշինքի թեկնածուն Գյումրի քաղաքի բնակչին խոստացել է ընտրակաշառք՝ ընտրությանը մասնակցելու, ինչպես նաև իր ներկայացրած կուսակցությունների դաշինքի օգտին քվեարկելու համար ընտրողների հավաքագրում ապահովելու դիմաց: Մասնավորապես՝ նախաքննությամբ պարզվել է, որ հիշյալ […] ...
