21:30 24.08.2018
ՀՀ վարչապետին առընթեր ընտրական օրենսդրության բարեփոխումների հանձնաժողովն առաջիկա օրերին խորհրդարանին կներկայացնի օրենսդրական մի փաթեթ, որով փոփոխություններ է նախատեսվում նաև «Վարչական իրավախախտումների» մասին օրենքում: Փոփոխությունների գլխավոր նպատակն է վերջ տալ, այսպես կոչված, «ամենաթողությանը» ընտրական տեղամասերում:
Ավելի քան 2 տասնամյակ հայաստանյան գրեթե բոլոր ընտրություններում՝ անկախ նրանից՝ դրանք համապետակա՞ն, թե՞ տեղական ինքնակառավարման մարմինների ընտրություններ են, տեղամասային ընտրական հանձնաժողովներում մի արատավոր երևույթ էր նկատվում:
Տվյալ հանձնաժողովներում շատ դեպքերում կարգ ու կանոն հաստատողները ոչ թե հանձնաժողովի անդամներն էին, այլ ինչ-ինչ անհայտ անձինք, այսպես կոչված, «թաղի լավ տղերքը», ովքեր ընտրությունների օրը դառնում էին Մայր Թերեզայից էլ բարեգութ ու մարդասեր և «վատ տեսնող, վատ քայլող, գրել-կարդալ չիմացող» տատիկ-պապիկներին ուղեկցում տեղամասեր, «օգնում նրանց ընտրություն կատարելու հարցում» կամ էլ վերակացուի աչալրջությամբ հսկում տեղամասում կատարվող ամբողջ շարժին, մուտք ու ելքին, երբեմն նույնիսկ միջամտում հանձնաժողովի աշխատանքներին:
Այս երևույթներին վերջակետ դնելու համար կառավարությունում ձևավորված Ընտրական օրենսդրության բարեփոխումների հանձնաժողովը առաջարկում է փոփոխություններ կատարել «Վարչական իրավախախտումների մասին» օրենքում ու տեղամասային ընտրական հանձնաժողովներում խաղի նոր կանոններ սահմանել:
Համաձայն այդ փոփոխության՝ տեղամասային ընտրական հանձնաժողովին իրավունք է տրվում նախազգուշացնել այն անձանց, ովքեր քվեարկության նախապատրաստման, քվեարկության և արդյունքների ամփոփման ժամանակ տեղամասում գտնվելու իրավասություն չունեն, սակայն պարբերաբար հայտնվում են տեղամասում: «Վատ հասկացողները»,«համը հանողներն» ու հանձնաժողովի զգուշացումը անտեսողները կտուգանվեն 50 հազար դրամի չափով:
Նախագիծը նոր խաղի կանոններ է սահմանում նաև տեղամասային ընտրական հանձնաժողովում գտնվելու իրավունք ունեցող անձանց համար, այն է՝ հանձնաժողովի անդամները, նաև վստահված անձինք ու դիտորդները, ինչպես նաև ԶԼՄ ներկայացուցիչները պետք է օրենքով սահմանված կարգով, տեսանելի ձևով կրեն իրենց վկայականները: Եթե պահանջը չի կատարվում, ապա սահմանվում է տուգանք 20 հազար դրամի չափով:
Վարչական օրենսգրքի նախագծով առաջարկվում է նաև մեկ այլ սկզբունքային նոր մոտեցում, որը մինչ այդ չի եղել հայաստանյան օրենսդրությունում: Առաջարկվում է իրավունք տալ թեկնածուներին, կուսակցություններին, կուսակցությունների դաշինքներին, վստահված անձանց ու դիտորդական առաքելություններին վարչական իրավախախտում արձանագրելու դեպքում առանց ընտրական հանձնաժողովին դիմելու միանգամից դիմել դատարան` խախտումն իրականացրած տվյալ անձին վարչական պատասխանատվության ենթարկելու պահանջով:
Այս դրույթը, սակայն, իրավագետների մի մասի կողմից վիճելի է համարվում, քանի որ, ըստ նրանց, եթե չկա հանձնաժողովի արձանագրությունը, ապա շատ դժվար կլինի ապացուցելը, թե տվյալ անձը կատարե՞լ է նման խախտում, թե՞ ոչ:
17:14 04.07.2025
Տաջիկստանի իրավապահների կողմից հետախուզվողը հայտնաբերվեց «Զվարթնոց» օդանավակայանումՀամայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների շնորհիվ հուլիսի 2-ին օդանավակայանում ձերբակալվել և բաժին է տարվել օտարերկրյա քաղաքացի 44-ամյա մի տղամարդ: Նա ապրիլի 30-ից Տաջիկստանի Հանրապետության իրավապահ մարմինների կողմից հետախուզվում էր թմրամիջոցների ապօրինի շրջանառության մեղադրանքով. խափանման միջոցը՝ կալանք։ Հետախուզվողի հայտնաբերման մասին հայտնվել է ՀՀ-ում Ինտերպոլի ԱԿԲ և Դատախազությանը: ...
17:09 04.07.2025
Զառիթափ-Նոր Ազնաբերդ-ՀՀ սահման ավտոճանապարհի մի հատվածում կատարվում են միջին նորոգման աշխատանքներՀ-42 /Մ-2/-Զառիթափ-Նոր Ազնաբերդ-ՀՀ սահման հանրապետական նշանակության ավտոճանապարհի 9.5կմ հատվածում կատարվում են միջին նորոգման աշխատանքներ։ Ճանապարհն անցնում է Վայոց ձորի մարզով։ Միջին նորոգման շրջանակներում տեղադրվում է ասֆալտբետոնե ծածկ։ Կլրացվեն-կհարթեցվեն նաև կողնակները, նորոգված ճանապարհը կգծանշվի, կտեղադրվեն ուղղորդիչ սյուներ։ Միջին նորոգումը կատարվում է ՀՀ պետական բյուջեի միջոցներով։ ...
17:02 04.07.2025
Ամեն ինչ կանեմ, որպեսզի Աշխարհի ակումբային առաջնությունն այլևս երբեք չկայանա․ Խավիեր ՏեբասԼա Լիգայի նախագահ Խավիեր Տեբասը կրկին քննադատել է Աշխարհի ակումբային առաջնությունը, որն անցկացվում է ԱՄՆ-ում։ «Ամեն ինչ կանեմ, որպեսզի Աշխարհի ակումբային առաջնությունն այլևս երբեք չկայանա։ Այս մրցաշարը լուրջ վնաս է հասցնում ֆուտբոլային օրացույցին», – Տեբասի խոսքերն են մեջբերում իսպանական լրատվամիջոցները։ Հիշեցնենք, որ Աշխարհի ակումբային առաջնությունում 1/8 եզրափակիչն ավարտվել է, և պայքարը շարունակում է ութ թիմ։ ...
16:58 04.07.2025
Բացահայտվել է Լոռու մարզում կատարված ավազակության դեպքը. 2 անձ կալանավորվել էՀՀ քննչական կոմիտեի Լոռու մարզային քննչական վարչությունում նախաձեռնված քրեական վարույթի նախաքննության ընթացքում ձեռնարկված քննչական գործողությունների, ինչպես նաև ՆԳՆ աշխատակիցների կողմից համատեղ իրականացված պլանավորված և հետևողական աշխատանքների արդյունքում ձեռք են բերվել առերևույթ փաստական տվյալներ, որ 2025 թվականի մարտի 14-ին երկու անձ ապօրինի մուտք են գործել Վանաձոր քաղաքի բնակչուհի Ք.Բ.-ի բնակարան, ատրճանակները պահել են վերջինիս և նրա անչափահաս […] ...
16:54 04.07.2025
Դրախտիկ գյուղի բնակիչը կամավոր հանձնել է հանգուցյալ պապի զենք-զինամթերքըԲնակչության շրջանում պարբերաբար անցկացվող բացատրական աշխատանքի արդյունքում քաղաքացիները շարունակում են ապօրինի պահվող զենք-զինամթերքը հանձնել ոստիկանություն: Հուլիսի 2-ին Դրախտիկ գյուղի 42-ամյա բնակիչը Համայնքային ոստիկանության Ճամբարակի բաժին է բերել որսորդական հրացան, տարբեր տրամաչափերի 144 փամփուշտ, փամփուշտների համար նախատեսված շղթա, պահեստատուփեր, ծխագլանակ։ Նա հայտնել է, որ զենք-զինամթերքը պատկանել է հանգուցյալ պապին։ ՆԳՆ ոստիկանությունը հորդորում է ապօրինի պահվող զենք-զինամթերքը […] ...
16:50 04.07.2025
Վերաքննիչ դատարանն անփոփոխ է թողել Սամվել Կարապետյանի կալանքի որոշումըՀՀ վերաքննիչ քրեական դատարանը՝ դատավոր Արմեն Դանիելյանի նախագահությամբ, անփոփոխ է թողել Երևանի ընդհանուր իրավասության դատարանի որոշումը, որով «Տաշիր» ընկերությունների խմբի հիմնադիր, «Հայաստանի էլեկտրական ցանցեր» ընկերության սեփականատեր Սամվել Կարապետյանը երկու ամսով կալանավորվել է։ «Արմենպրես»-ի հաղորդմամբ՝ գործարարը կմնա կալանքի տակ։ Սամվել Կարապետյանի պաշտպանական խումբը նախապես վերաքննիչ բողոք էր ներկայացրել՝ վիճարկելով կալանքի որոշումը, սակայն այն մակագրվել էր դատավոր […] ...
