12 05 2024

$

388.01
4.20
€

418.24

+9.09 ^oC

Մերկելն առնվազն չի վախենում Ռուսաստանից. Focus-ն անդրադարձել է Գերմանիայի կանցլերի՝ Հվ. Կովկաս այցին

ՏԱՐԱԾԱՇՐՋԱՆ

19:25 25.08.2018

Գերմանական Focus պարբերականն անդրադարձել է Գերմանիայի կանցլեր Անգելա Մերկելի՝ Հարավային Կովկաս կատարած այցին՝ նշելով, որ Հայաստանում և Ադրբեջանում պաշտոնական այցով դեռ որևէ կանցլեր չէր եղել: Լրատվամիջոցը շեշտում է, որ Մերկելի այցը տարածաշրջան «քաղաքականապես զգայուն նախաձեռնություն է»:

Ըստ Focus-ի՝ Մերկելի այս այցը, ամենայն հավանականությամբ, կզայրացնի ՌԴ նախագահ Վլադիմիր Պուտինին, քանի որ նույնիսկ Խորհրդային Միության փլուզումից գրեթե 30 տասնամյակ անց Մոսկվան չի ցանկանում հրաժարվել տարածաշրջանում ունեցած իր ազդեցությունից:

Պարբերականը յուրաքանչյուր երկրի խնդիրներին անդրադարձել է առանձին-առանձին:

Վրաստան

Հոդվածի հեղինակը նշում է, որ 2008թ. օգոստոսյան պատերազմը շրջադարձային էր, քանի որ Ռուսաստանն առաջին անգամ ռազմական հակամարտության մեջ մտավ իր հարևանի հետ, որն արդեն արևմտյան կողմնորոշում ուներ: Վրաստանն այժմ պաշտպանություն է փնտրում և ցանկանում է ԵՄ-ի լիիրավ անդամ դառնալ, ավելին՝ անդամակցել ՆԱՏՕ-ին: ՌԴ վարչապետ Դմիտրի Մեդվեդևը նշել էր, որ Վրաստանի անդամակցությունը ՆԱՏՕ-ին կարող է «սարսափելի հակամարտություն հրահրել»: Պարբերականը նշում է, որ քանի որ Գերմանիան չի ցանկանում Ռուսաստանի հետ հարաբերությունները լիովին փչացնել, Մերկելը մեծ հույսեր չի տվել, որ նշված երկու կառույցներին անդամակցությունն արագ տեղի կունենա:

Ադրբեջան

Պարբերականը նշում է, որ Մերկելի այցն Ադրբեջան, ամենայն հավանականությամբ, նույնպես դուր չի գալիս Պուտինին: Նավթով և գազով հարուստ Ադրբեջանը Գերմանիային և Եվրոպային հետաքրքրում է նախևառաջ որպես էներգիա մատակարարող երկիր: Հոդվածում նաև ասվում է, որ Տրանսանատոլիական գազամուղը (TANAP) Եվրոպական միությանը կազատի ռուսական գազից կախվածությունից:

Հայաստան

Հոդվածում նշվում է, որ դիվանագիտական առումով Մերկելի այցը բարդանում է Հայաստանի ու Ադրբեջանի միջև թշնամական հարաբերությունների պատճառով՝ կապված Լեռնային Ղարաբաղի հակամարտության հետ: Լրատվամիջոցը նշում է, որ Հայաստանն Ադրբեջանի ագրեսիայից խուսափելու հարցում պաշտպանություն է ակնկալում Մոսկվայից, ուստի պահպանում է Ռուսաստանի հետ սերտ հարաբերությունները:

Այս ամենը նշանակում է, որ Մերկելն առերեսվում է ամենատարբեր շահերի, թշնամանքների և ռազմավարական ծրագրերի հետ, այդ պատճառով էլ սա բարդ այց է: Այն փաստը, որ կանցլերը նախաձեռնել է այս այցը, ապացուցում է, որ Մերկելն առնվազն չի վախենում Ռուսաստանից, գրում է Focus պարբերականը։

Հիշեցնենք, որ Հարավային Կովկաս եռօրյա այցի շրջանակներում Անգելա Մերկելը նախ՝ եղել է Վրաստանում, այնուհետև Հայաստանում, որից հետո մեկնել է Բաքու:

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 11.05.2024
Ոստիկանությունը ջրցան մեքենաներ է կիրառել Թել Ավիվում հակակառավարական ցույցը ցրելու համար

Կապակցված լուրեր

21:11 11.05.2024

Վահագն Խաչատուրյանն ընդունել է Գլենդելի քաղաքապետ Էլեն Ասատրյանին

ԱՄՆ Կալիֆորնիա նահանգ կատարած աշխատանքային այցի շրջանակներում նախագահ Վահագն Խաչատուրյանը Լոս Անջելեսի իր կեցավայրում ընդունել է Գլենդելի քաղաքապետ Էլեն Ասատրյանին: Հանդիպման ընթացքում Գլենդելի քաղաքապետը Հանրապետության նախագահին է ներկայացրել քաղաքի մեծաթիվ հայկական համայնքի նախաձեռնությունների, ինչպես նաև տեղի կազմակերպությունների և հայաստանյան պաշտոնական դիվանագիտական օղակների համագործակցության խթանման, առկա խնդիրների և դրանց լուծման ուղղությամբ անհրաժեշտ քայլերի ձեռնարկման վերաբերյալ տեղեկատվություն: […] ...

20:46 11.05.2024

Միրզոյան- Բայրամով բանակցություններն ու սահմանազատման գործընթացը. Ռոբերտ Ղևոնդյանի դիտարկումները

Ալմաթիում երկօրյա բանակցություններ, սահմանազատման նախնական գործընթաց ու դրա հետ կապված բողոքի ակցիաներ: Այս թեմաները տիրապետող էին այս շաբաթ: Դրանք ի՞նչ եզրակացությունների տեղիք են տալիս: Թեմաներին անդրադարձել է Անվտանգային քաղաքականության հետազոտական կենտրոնի փորձագետ Ռոբերտ Ղևոնդյանը «Հեռանկարի» տաղավարում: Ամբողջական հարցազրույցը՝ տեսանյութում: ...

20:11 11.05.2024

Մ. Մելքոնյանի անվան ռազմամարզական վարժարանի սաները պատմում են կրթական լայն հնարավորությունների մասին

Մ. Մելքոնյանի անվան ռազմամարզական վարժարանի սաները պատմում են հաստատության կրթական լայն հնարավորությունների մասին Մանրամասն՝ տեսանյութում: ...

18:19 11.05.2024

Վարչապետն այցելել է Արմավիրի մարզի տարբեր համայնքներ

Վարչապետ Նիկոլ Փաշինյանն այցելել է Արմավիրի մարզ: Վարչապետը կանգառներ է ունեցել այն բնակավայրերի դպրոցներում, որտեղ կառուցված մարզադահլիճներում արձանագրվել էին տարբեր խնդիրներ և թերություններ, ինչպես նաև եղել այլ բնակավայրերում՝ ծանոթացել նոր օբյեկտների կառուցման աշխատանքներին: Նախորդ այցի ընթացքում Նիկոլ Փաշինյանը պատասխանատուներին հանձնարարել էր վերացնել թերությունները և աշխատանքներն իրականացնել սահմանված չափորոշիչներին համապատասխան: Վարչապետի առաջին կանգառը եղել է Էջմիածին […] ...

16:31 11.05.2024

Էկոնոմիկայի նախարարը Դետրոյթում մասնակցել է «Ամերիկյան երկրների մրցունակության փոխանակում» ծրագրին

ՀՀ Էկոնոմիկայի նախարար Գևորգ Պապոյանը և նախարարի տեղակալ Նարեկ Հովակիմյանը ԱՄՆ Միչիգան նահանգի Դետրոյթ քաղաքում մասնակցել են «Ամերիկյան երկրների մրցունակության փոխանակում» (ACE) ծրագրին։ Միջոցառման եզրափակիչ մասում Հայաստանը պաշտոնապես հայտարարվել է որպես ծրագրի հաջորդ հյուրընկալող երկիր։ ՀՀ-ն, որպես դիտորդ, երրորդ երկիրն է ԱՄՆ մայրցամաքից դուրս, որտեղ իրականացվելու է այս ծրագիրը։ Էկոնոմիկայի նախարար Գևորգ Պապոյանը, ողջունելով միջոցառման […] ...

15:50 11.05.2024

ՀՀ նախագահն ԱՄՆ-ում հանդիպել է կուսակցությունների ու միությունների անդամների հետ

Հանրապետության նախագահ Վահագն Խաչատուրյանն ԱՄՆ-ում այսօր էլ ընդունել է «Ռամկավար ազատական», «Սոցիալ-դեմոկրատ Հնչակյան» կուսակցությունների անդամներին, հանդիպել իրանահայերի և իրաքահայերի միությունների ներկայացուցիչների հետ: «Ռամկավար ազատական» կուսակցության Արևմտյան Ամերիկայի շրջանային վարչության ատենապետի և վարչության ներկայացուցիչների հետ հանդիպման ընթացքում քննարկվել է Հայաստանում և Սփյուռքում առկա մարտահրավերների և դրանց հաղթահարման ուղիների վերաբերյալ հարցերի լայն շրջանակ: Ավանդական կուսակցության ղեկավարությունը շեշտել […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.