22:03 20.06.2023
ԵՊՀ ամերիկյան հետազոտությունների կենտրոնում տեղի ունեցավ «Ամերիկագիտություն» մագիստրոսական կրթական ծրագրի շրջանավարտների դիպլոմների հանձնման արարողությունը, որին հաջորդեց Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինի հետ հանդիպումը։ Այդ մասին հայտնում են ԵՊՀ-ից։
Դեսպանի հետ հանդիպման նպատակն էր քննարկել Հայաստանում ԱՄՆ դեսպանատան աջակցությամբ իրականացվող կրթական ծրագրի կարևորությունն ու առանձնահատկությունները, ինչպես նաև վերհանել հետագա համագործակցության զարգացման ուղիները։
Հանդիպմանը ներկա էին նաև կրթական ծրագրի ղեկավար Վահագն Ագլյանը, ծրագրի շրջանակում դասավանդող ԵՊՀ դասախոսները, որոնք ներկայացրին կրթական ծրագրի առանձին բաղադրատարրեր, ինչպես նաև անդրադարձան ԱՄՆ-ի, ամերիկագիտության և առհասարակ հայ-ամերիկյան հարաբերությունների հանդեպ հետաքրքրվածությանը, որը տարեցտարի աճում է՝ կրթական ծրագրում ներգրավելով ավելի շատ ուսանողների։
Հանդիպման ավարտին հարցուպատասխանի միջոցով երկուստեք ներկայացրին իրենց հետաքրքրող հարցերի պատասխանները, ինչպես նաև շրջանավարտների կարիերայի և հետբուհական կրթության հեռանկարները։
Քրիստինա Քվինն այնուհետև հանդիպեց ԵՊՀ ռեկտոր Հովհաննես Հովհաննիսյանի հետ՝ քննարկելու ԱՄՆ կրթական հաստատությունների և Հայաստանում ԱՄՆ դեսպանատան հետ համագործակցության ընդլայնման հնարավորությունները։ Հանդիպման ընթացքում ուրվագծվեցին նոր կապերի հաստատման, հետազոտական ծրագրերի, ուսանողների փոխանակման ծրագրերի ու ակադեմիական համատեղ նախաձեռնությունների իրականացման ուղիները, որոնք անկասկած կխթանեն միջմշակութային փոխանակումն ու ակադեմիական գերազանցությունը:
ԵՊՀ ռեկտորը շնորհակալություն հայտնեց դեսպանին՝ երկու երկրների միջև կրթական կապերի ամրապնդման գործում ցուցաբերած մեծ հետաքրքրության համար:
Նշենք, որ «Ամերիկագիտություն» մագիստրոսական կրթական ծրագիրն իրականացվում է Արիզոնայի պետական համալսարանի հետ համագործակցության շրջանակում՝ ներառյալ դասավանդողների կարգավիճակում ASU (School of Social Transformation) դասախոսական կազմի, ինչպես նաև Fulbright ծրագրերի ASU հետազոտողների և դասախոսների ներգրավումը։ Ավելին՝ կրթական ծրագրի դասախոսական կազմի ներկայացուցիչները մեծ ծրագրի մեկնարկի նախաշեմին Արիզոնայի պետական համալսարանում անցել են վերապատրաստման հատուկ ծրագիր և մշակել «Ամերիկագիտություն» կրթական ծրագրում ընդգրկված դասընթացները։
13:44 14.05.2025
Իրանը և ԵՄ 3 երկրները Ստամբուլում բանակցություններ կանցկացնենԻրանը և ԵՄ 3 երկրները (Մեծ Բրիտանիա, Գերմանիա և Ֆրանսիա) մտադիր են մայիսի 16-ին Ստամբուլում բանակցություններ անցկացնել փոխարտգործնախարարների մակարդակով՝ Իրանի միջուկային ծրագրի շուրջ ստեղծված ճգնաժամը լուծելու համար։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։ «Ուրբաթ օրը Ստամբուլում բանակցություններ կանցկացվեն փոխարտգործնախարարների մակարդակով», – լրագրողներին ասել է դիվանագետը։ ...
13:36 14.05.2025
Գիտնականները 24 ժամվա ընթացքում գրանցել են երկրորդ հզոր արևային բռնկումըՉորեքշաբթի օրը Արեգակի վրա գրանցվել է X դասի հզոր բռնկում, հայտնում է Վ.Ի.-ի անվան Կիրառական երկրաֆիզիկայի ինստիտուտը (IPG): Հաղորդագրության մեջ ասվում է, որ մայիսի 14-ին 4087 (N16E65) արեգակնային բծերի խմբում ռենտգենյան տիրույթում գրանցվել է X2.5 ուժգնությամբ 32 րոպե տևողությամբ բռնկում։ Ավելի ուշ գրանցվել է M դասի ուժեղ բռնկում, որը տևել է 15 րոպե։ Արեգակնային բռնկումները […] ...
13:32 14.05.2025
Լյուքսեմբուրգում մեկնարկել է Եվրոպայի խորհրդի նախարարների կոմիտեի նիստը, որին մասնակցում է Արարատ ՄիրզոյանըԼյուքսեմբուրգում մեկնարկել է Եվրոպայի խորհրդի նախարարների կոմիտեի նիստը, որին մասնակցում է ՀՀ ԱԳ նախարար Արարատ Միրզոյանը: Կայացել է պաշտոնական դիմավորման և համատեղ լուսանկարման արարողությունը: ...
13:27 14.05.2025
ՄԻՊ-ը տեղեկություններ է ստանում ուսուցիչ-աշակերտ-ծնող հարաբերություններում անհանդուրժողականության դրսևորումների վերաբերյալՀՀ մարդու իրավունքների պաշտպանի աշխատակազմում պարբերաբար տեղեկություններ են ստացվում տարբեր հանգամանքներով պայմանավորված՝ հանրակրթական ուսումնական հաստատություններում դասապրոցեսի բնականոն ընթացքի խաթարումների, ուսուցիչ-աշակերտ-ծնող հարաբերություններում անհանդուրժողականության դրսևորումների վերաբերյալ: Մարդու իրավունքների պաշտպանի աշխատակազմում սոցիալական ցանցերի և զանգվածային լրատվության միջոցների հրապարակումների մշտադիտարկման արդյունքում արձանագրվել է, որ Արմավիրի մարզի Փարաքար համայնքի Մերձավան գյուղի միջնակարգ դպրոցում տեղի է ունեցել միջադեպ, որի ժամանակ որոշ […] ...
13:21 14.05.2025
«Զվարթնոցի» համայնքային ոստիկաններն ապօրինի ձեռնարկատիրությամբ զբաղվելու դեպք են բացահայտելՕպերատիվ-հետախուզական մանրակրկիտ միջոցառումներից հետո Համայնքային ոստիկանության «Զվարթնոց» օդանավակայանի բաժնի ծառայողները մայիսի 12-ին` ժամը 18-ին, ապօրինի ձեռնարկատիրությամբ զբաղվելու, հարկեր, տուրքեր չվճարելու հիմնավոր կասկածանքով ժամանման սրահում ձերբակալել ու բաժին են տեղափոխել Արմավիրի մարզի Մերձավան գյուղի բնակիչ 23-ամյա երիտասարդի: Ըստ տեղեկությունների` երիտասարդը ամիսներ շարունակ Երևան ժամանող անձանցից ստացել է թանկարժեք բջջային հեռախոսներ: Երիտասարդի խուզարկությամբ հայտնաբերվել է ութ բջջային […] ...
13:11 14.05.2025
Թրամփը կոչ է արել Սիրիային կանխել ԻՊ-ի վերածնունդըԱՄՆ նախագահ Դոնալդ Թրամփը Սիրիայի վարչակազմի նոր ղեկավար Ահմեդ ալ-Շարաայի հետ Էր-Ռիադում հանդիպման ժամանակ կոչ է արել Սիրիայի իշխանություններին կարգավորել Իսրայելի հետ հարաբերությունները Աբրահամի համաձայնագրերի շրջանակներում և կանխել «Իսլամական պետություն» ահաբեկչական խմբավորման վերածնունդը։ Այս մասին X-ում հայտնել է Սպիտակ տան մամուլի քարտուղար Քերոլայն Լիվիթը։ Նրա խոսքով՝ ամերիկացի առաջնորդը «կոչ է արել նախագահ ալ-Շարաային մեծ աշխատանք […] ...
