16:16 04.07.2023
Հայաստանի Հանրապետության գլխավոր դատախազ Աննա Վարդապետյանը հուլիսի 4-ին Եկատերինբուրգում մասնակցել է Կոռուպցիայի հակազդման միջպետական խորհրդի 8-րդ նիստին և անդամ երկրների բարձրաստիճան պաշտոնյաների հետ քննարկել կոռուպցիայի դեմ պայքարի արդի հարցերն ու դրանք հաղթահարելու ուղիները:
Նիստին մասնակցել են նաև Ռուսաստանի Դաշնության գլխավոր դատախազ Իգոր Կրասնովը, Բելառուսի Հանրապետության գլխավոր դատախազ Անդրեյ Շվեդը, Ղրղզստանի Հանրապետության գլխավոր դատախազ Կուրմանկուլ Զուլուշևը, Ղազախստանի Հանրապետության Հակակոռուպցիոն ծառայության ղեկավար Ասխաթ Ժումագալին և Տաջիկստանի Հանրապետության Ֆինանսական վերահսկողության ու կոռուպցիայի դեմ պայքարի գործակալության տնօրեն Սուլայմոն Սուլթոնզոդան:
Աննա Վարդապետյանը, նախքան ելույթին անցնելը, շնորհավորել է ռուս գործընկերոջը՝ Իգոր Կրասնովին, Խորհրդի նախագահի պաշտոնը ստանձնելու կապակցությամբ և հույս հայտնել, որ նիստի արդյունքները կնպաստեն կոռուպցիայի դեմ պայքարում դատախազական արձագանքման մեխանիզմների արդյունավետ կիրառման զարգացմանը։
ՀՀ գլխավոր դատախազն իր ելույթում անդրադարձ է կատարել նախորդ ժամանակահատվածում կոռուպցիայի դեմ պայքարի ոլորտում Հայաստանի Հանրապետության ձեռնարկած միջոցառումներին և ընդգծել, որ կոռուպցիայի դեմ պայքարը շարունակում է մնալ Հայաստանի Հանրապետության պետական քաղաքականության առաջնահերթ ուղղություններից մեկը: Այս համատեքստում Աննա Վարդապետյանը կարևորել է մի շարք միջազգային կառույցների կողմից Հայաստանի՝ կոռուպցիայի դեմ պայքարի ուղղությամբ կատարած աշխատանքներում առաջընթացի արձանագրումը:
Աննա Վարդապետյանը գործընկերներին է ներկայացրել 2019 թվականից հետո Հայաստանում հակակոռուպցիոն ինստիտուցիոնալ մարմինների ստեղծման ուղղությամբ ձեռնարկված աշխատանքները։
Գլխավոր դատախազն անդրադարձել է նաև շահերի բախման ինստիտուտի բարեփոխումներին, հայտարարագիր ներկայացնող անձանց շրջանակի ընդլայնմանը, պաշտոնատար անձանց և քաղաքացիական ծառայողների կողմից ստացված նվերների գրանցման պարտավորությանը, ազդարարման համակարգի բարելավմանը, Հակակոռուպցիոն հաղորդակցության գործողությունների ծրագրի շրջանակում իրականացված աշխատանքներին, ինչպես նաև պաշտոնատար անձի կողմից ձեռնարկատիրական գործունեությանն ապօրինի մասնակցելու վերաբերյալ ՀՀ օրենսդրությամբ նախատեսված կարգավորումներին:
Ամփոփելով խոսքը՝ ՀՀ գլխավոր դատախազն ընդգծել է, որ Հայաստանն ունի կամք և վճռականություն՝ կոռուպցիայի դեմ պայքարում իրական արդյունքներ գրանցելու համար:
22:12 09.05.2025
Ալոնսոն լքել է գերմանական «Բայեր» ակումբի գլխավոր մարզչի պաշտոնը
21:01 09.05.2025
Սուպերհամակարգիչը նշել է Եվրոպա լիգայի եզրափակչի ֆավորիտին
22:12 09.05.2025
Ալոնսոն լքել է գերմանական «Բայեր» ակումբի գլխավոր մարզչի պաշտոնըԻսպանացի մասնագետ Խաբի Ալոնսոն կհեռանա գերմանական «Բայեր» ակումբի գլխավոր մարզչի պաշտոնից։ Այս մասին նշվում է Լևերկուզենի թիմի պաշտոնական կայքում։ Ալոնսոն գերմանական թիմը գլխավորում է 2022 թվականի հոկտեմբերից։ Նրա գլխավորությամբ «Բայերը» նվաճել է Գերմանիայի առաջնությունը, Գերմանիայի գավաթը և Սուպերգավաթը։ Մասնագետը գերմանական ակումբի հետ անցկացրել է 138 խաղ՝ միջինում խաղի ընթացքում վաստակելով 2.16 միավոր։ Մարզիչն ունի 89 […] ...
21:49 09.05.2025
Ուկրաինան արտաքսում է երկու հունգարացի դիվանագետներիՈւկրաինայում Հունգարիայի դեսպանը կանչվել է Ուկրաինայի արտաքին գործերի նախարարություն։ Կիևը որոշել է արտաքսել երկու հունգարացի դիվանագետների։ Այս մասին X-ում հայտարարել է Ուկրաինայի ԱԳ նախարար Անդրեյ Սիբիգան։ «Երկու հունգարացի դիվանագետներ պետք է լքեն մեր երկիրը 48 ժամվա ընթացքում։ Մենք հենց նոր կանչեցինք Հունգարիայի դեսպանին արտաքին գործերի նախարարություն և նրան հանձնեցինք համապատասխան նոտա: Մենք գործում ենք Հունգարիայի […] ...
21:34 09.05.2025
Առևտրաժամանցային կենտրոնի տանիքում բռնկված հրդեհը մարվել է (թարմացված)Մայիսի 9-ին, ժամը 16։03-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի «Ռիո Մոլ» առևտրաժամանցային կենտրոնի տանիքից ծուխ է նկատվում։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ, Բժշկական ապահովման վարչության, Հրդեհաշիջման և փրկարարական աշխատանքների կազմակերպման բաժնի հերթապահ խմբերը։ […] ...
21:18 09.05.2025
Մեքսիկան դատի է տվել Google-ին՝ Մեքսիկական ծոցի անվանափոխության համարՄեքսիկայի իշխանությունները դատական հայց են ներկայացրել Google-ի դեմ՝ Google Maps ծառայությունում Մեքսիկական ծոցը Ամերիկյան ծոց անվանափոխելու համար։ Այս մասին հայտարարել է լատինաամերիկյան երկրի նախագահ Կլաուդիա Շեյնբաումը։ «Դատական հայցն արդեն ներկայացվել է, … և այն դեռևս քննության փուլում է: Մենք միայն ուզում ենք, որ ԱՄՆ կառավարության հրամանը (խմբ.Մեքսիկական ծոցը Ամերիկյան ծոց վերանվանելու) կատարվի։ Ամերիկյան ծոցի վերաբերյալ […] ...
21:01 09.05.2025
Սուպերհամակարգիչը նշել է Եվրոպա լիգայի եզրափակչի ֆավորիտինOpta սուպերհամակարգիչը անվանել է 2024/25 թվականների Եվրոպա լիգայի եզրափակչի ֆավորիտին, որտեղ կմրցեն երկու անգլիական թիմեր՝ «Տոտենհեմը» և «Մանչեսթեր Յունայթեդը»։ Այս մասին հաղորդում է Opta Sports -ը: «Տոտենհեմը» գավաթը նվաճելու 49.3% հավանականություն ունի, մինչդեռ «Մանչեսթեր Յունայթեդը»՝ 50.7%: Այս թվերը ստացվել են եզրափակիչի 10,000 սիմուլյացիաների անցկացման արդյունքում։ ՈՒԵՖԱ Եվրապա լիգայի եզրափակիչը տեղի կունենա մայիսի 21-ին Իսպանիայի Բիլբաո […] ...
