11:52 15.09.2023
ՀՀ ներքին գործերի նախարարի տեղակալ Արփինե Սարգսյանը սեպտեմբերի 14-ին ընդունել է ԱՄՆ նախագահի գործադիր գրասենյակի կառավարման և բյուջեի վարչության կառավարման գծով փոխտնօրեն Դասթին Բրաունին։
Ողջունելով ներկաներին՝ Արփինե Սարգյանը բարձր է գնահատել ԱՄՆ Միջազգային զարգացման գործակալության և ՀՀ-ում ԱՄՆ դեսպանության հետ ձևավորված սերտ և արդյունավետ համագործակցությունը տարբեր ուղղություններում։
Փոխնախարարը նշել է, որ Ներքին գործերի նախարարությունում իրականացվող բարեփոխումների օրակարգում մեծ կարևորություն է տրվում քաղաքացիներին մատուցվող հանրային ծառայությունների արդյունավետության և մատուցման որակի բարձրացմանը, ինչը մեծապես կնպաստի տարբեր ոլորտներում քաղաքացիների կյանքի որակի բարելավմանը։
Սարգսյանը նշել է, որ հանրային կառավարման ու թվայնացման բարեփոխումների շրջանակներում ՆԳ նախարարության համակարգմամբ իրականացվում են «Ավտոմեքենայի ներմուծում ու գրանցում (հաշվառում)» դրվագի արդիականացման պիլոտային ծրագրի ստեղծման և ներդրման աշխատանքները, որոնք թույլ կտան ավտոմեքենային վերաբերող անհրաժեշտ գործողությունները կատարել թվային հարթակում։ Այս աշխատանքների շրջանակներում նախարարությունը համագործակցելու է Հայաստանի տեղեկատվական համակարգերի գործակալության, ԱՄՆ Միջազգային զարգացման գործակալության ու Ավստրալիայի կառավարության հետ և ձեռնամուխ է լինելու համատեղ ջանքերով գործընթացի իրականացմանը։ Սարգսյանը հայտնել է, որ Ծրագրի իրականացման համար արդեն իսկ ստեղծվել է միջգերատեսչական աշխատանքային խումբ, որն ակտիվորեն զբաղվելու է ծրագրի մշակման և ներդրման հետ կապված աշխատանքներով։
Սարգսյանը հույս է հայտնել, որ ԱՄՆ Միջազգային զարգացման գործակալության աջակցությամբ հնարավոր կդառնա ՏՀԶԿ երկրների կողմից լայնորեն կիրառվող «sludge audit» մեթոդաբանությամբ ստեղծվող այս ծրագիրը կյանքի կոչել ՀՀ-ում։
Դասթին Բրաունը շնորհակալություն է հայտնել ջերմ ընդունելության համար և բարձր գնահատել ՆԳ նախարարության ջանքերը՝ ուղղված հանրային թվայնացման գործընթացի իրականացմանը։ Բրաունն աջակցություն է հայտնել իրականացվող աշխատանքներին, ինչպես նաև փաստել ԱՄՆ Միջազգային զարգացման գործակալության՝ արդիական փորձի փոխանակմանբ Ծրագրին օժանդակելու պատրաստակամությունը։
Կողմերը քննարկել են թվայնացման օրակարգում երկկողմ հետաքրքրություն ներկայացնող այլ հարցեր։
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
