15:12 04.11.2023
Մատենադարանի նոր մասնաշենքի դահլիճում նոյեմբերի 4-ին տեղի է ունեցել ուխտագնացություն Բանանցի Ծեր ու Պահապան Ավետարանին:
«Արմենպրես»-ի հաղորդմամբ՝ Բանանցի Ծեր ու Պահապան Ավետարանը տեսնելու և ուխտի էին եկել «Գարդման-Շիրվան-Նախիջևան» համահայկական միության անդամներ, Գարդման գավառի Բանանց գյուղից 1980-ականների վերջին բռնի տեղահանված բնակիչներ։
Մատենադարանի փոխտնօրեն Վահե Թորոսյանն «Արմենպրես»-ի հետ զրույցում նշել է, որ այս Ավետարանը համարվում է ամբողջապես պահպանված հնագույն ավետարաններից մեկը և այդ իմաստով չափազանց կարևորություն ունի։ Դատելով ուսումնասիրություններից՝ ենթադրվում է, որ այն կարող է ստեղծված լինել 7-րդ դարում։
Ըստ զրուցակցի՝ հայտնի չէ նաև ձեռագրի ստեղծման վայրը։ Այն ժամանակին պահվել է Հավուց Թառի վանքում, իսկ 16-րդ դարից սկսած՝ Բանանց գյուղում, որտեղ այն կոչել են «Ծեր» կամ «Պահապան» Ավետարան։ Այնուհետև Ավետարանը նվիրաբերվել է Վեհափառ Հայրապետ Վազգեն Ա կաթողիկոսին, իսկ նա նվիրել է Մատենադարանին։
Հնությամբ պայմանավորված՝ հենց այս ձեռագիրն է ընտրվել որպես ՀՀ նախագահների երդմնակալության արարողության ժամանակ կիրառվող Ավետարան։
««Բանանցի Ծեր» Ավետարանը Մատենադարանի և ընդհանրապես հայ ձեռագրական հավաքածուների գլխավոր զարդերից մեկն է՝ իբրև հնագույն ամբողջական ավետարան։ Նրա նշանակությունն իր զորությամբ չափազանց մեծ է»,-ընդգծեց Թորոսյանը՝ հավելելով, որ առաջին անգամ ուխտագնացությունը կազմակերպվել է 2019 թվականին, որին հաջորդած դեպքերը՝ մասնավորապես 2020 թվականի 44-օրյա պատերազմն ու վերջին իրադարձությունները կարևոր նշանակություն են հաղորդել այս ավանդույթին։
Ուխտի եկածները շնորհակալություն են հայտնել Մատենադարանի տնօրինությանը իրենց կորսված գյուղի մասունք համարվող Ավետարանը տեսնելու և այս հնարավորությունն ընձեռելու համար։
Ուխտն ամփոփվել է Ավետարանին մասնակիցների ձեռնադրմամբ և խոնարհումով:
21:14 06.08.2025
Թրամփ. Պուտինի և Ուիթկոֆի հանդիպումը շատ արդյունավետ էրՌուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիտկոֆի հանդիպումը եղել է շատ արդյունավետ: Այս մասին հայտնել է ԱՄՆ նախագահ Դոնալդ Թրամփը իր Truth Social սոցիալական ցանցում: «Իմ հատուկ բանագնաց Սթիվ Ուիտկոֆը հենց նոր շատ արդյունավետ հանդիպում ունեցավ Ռուսաստանի նախագահ Վլադիմիր Պուտինի հետ։ Մեծ առաջընթաց է գրանցվել։ Ես մեր եվրոպացի դաշնակիցներին տեղեկացրել եմ […] ...
21:05 06.08.2025
ԱՄՆ-ի լավագույն թենիսիստները կմրցեն Տորոնտոյի մրցաշարի կիսաեզրափակչումՏորոնտոյում կայացել է «Մասթերս 1000» կարգի մրցաշարի քառորդ եզրափակչի երկու հանդիպում: ԱՄՆ-ի առաջին ռակետ Թեյլոր Ֆրիցը 6:3, 7:6 հաշվով հաղթել է աշխարհի 11-րդ ռակետ Անդրեյ Ռուբլյովին: Կիսաեզրափակիչում Թեյլորը մրցելու է ԱՄՆ-ի երկրորդ ռակետ Բեն Շելթոնի հետ: 22-ամյա թենիսիստը վստահ հաղթանակի է հասել Ալեքս Դե Մինորի հետ պայքարում: Գրանցվել է 6:3, 6:4 հաշիվը: Մինչև այդ խաղն […] ...
20:54 06.08.2025
Գազամատակարարման պլանային դադարեցումներ՝ Արագածոտնի մարզի մի շարք հասցեներում«Գազպրոմ Արմենիա» ընկերությունից տեղեկացնում են, որ պլանային աշխատանքներ իրականացնելու նպատակով՝ օգոստոսի 7-ին ժամը 09:00-ից մինչև ժամը 18:00-ն, կդադարեցվի Արագածոտնի մարզի Ապարան քաղաքի, Կայք բնակավայրի գազասպառողների, նշված բանակավայրերում գործող տարբեր նշանակության հանրային կազմակերպությունների գազամատակարարումը։ ...
20:42 06.08.2025
Կայացել է Ներդրումային ծրագրերին աջակցող միջգերատեսչական հանձնաժողովի նիստըՓոխվարչապետ Տիգրան Խաչատրյանի գլխավորությամբ կայացել է Ներդրումային ծրագրերին աջակցող միջգերատեսչական հանձնաժողովի հերթական նիստը։ Այս մասին հայտնել են Կառավարության մամուլի ծառայությունից: Նիստի մեկնարկին մանրամասն անդրադարձ է կատարվել նախորդ նիստերի ընթացքում քննարկված՝ գործարար միջավայրի բարելավմանն ուղղված կարգավորումների և առանձին ներդրումային ծրագրերի կարգավիճակին, ինչպես նաև դրանց վերաբերյալ տրված հանձնարականների կատարման ընթացքին։ Այնուհետև քննարկվել են միջգերատեսչական որոշումներ պահանջող առանձին […] ...
20:33 06.08.2025
DefenceWeb. Հարավաֆրիկյան Հանրապետությունը, Ռուսաստանը և Չինաստանը համատեղ ռազմածովային զորավարժություններ կանցկացնենՀարավաֆրիկյան Հանրապետությունը, Ռուսաստանը և Չինաստանը այս տարվա նոյեմբերին Աֆրիկայի ափերի մոտ կանցկացնեն համատեղ ծովային զորավարժություններ՝ «Mosi 3» («Ծուխ 3») կոդային անվամբ։ Այս մասին հայտնել է տեղական DefenceWeb լրատվական պորտալը։ Զորավարժությունները կանցկացվեն Ատլանտյան օվկիանոսում՝ Հարավաֆրիկյան Հանրապետության ափերի մոտ։ Հարավաֆրիկյան Հանրապետությունը կընդունի զորավարժությունները, իսկ Չինաստանը կղեկավարի դրանք։ Ինչպիսի նավեր կմասնակցեն զորավարժություններին, առայժմ հայտնի չէ: Հունիսին Հարավաֆրիկյան Հանրապետությունում […] ...
20:20 06.08.2025
Թոմաս Փարթին գրավի դիմաց ազատ է արձակվել«Արսենալի» նախկին ֆուտբոլիստ Թոմաս Փարթին Լոնդոնի դատարանում ցուցմունք է տվել, հայտնում է Mundo Deportivo-ն: Ֆաբրիցիո Ռոմանոյի հաղորդմամբ՝ դատարանը նրան գրավի դիմաց ազատ արձակելու որոշում է կայացրել: Ինչպես և ակնկալվում էր, Փարթին կմիանա իսպանական «Վիլյառեալին»: Հուլիսի 1-ից ազատ գործակալի կարգավիճակում գտնվող Փարթիին մեղադրանք է առաջադրված՝ բռնաբարության 5, ինչպես նաև սեռական ոտնձգության 1 դեպքով: Նրա փաստաբանը նախկինում […] ...
