16:59 15.11.2023
ՀՀ ԿԳՄՍ նախարարության Բարձրագույն կրթության և գիտության կոմիտեն հայտարարում է «Հեռավար լաբորատորիաների հիմնադրում – 2024» մրցույթ:
Մրցույթի հիմնական նպատակը արտերկրի գիտնականների ղեկավարությամբ ՀՀ պետական գիտական կազմակերպությունում հեռանկարային, ժամանակակից գիտական ուղղություններով նոր ստորաբաժանումների ստեղծումն է: Միաժամանակ, մրցույթը կնպաստի ներպետական և միջազգային համագործակցության խթանմանը, Սփյուռքի գիտական ներուժի ներգրավմանը, երիտասարդ հետազոտողների և ասպիրանտների ներգրավմանը, միջազգային հետազոտական միջավայրին երիտասարդ հետազոտողների ինտեգրմանը և այլն:
Մրցույթին կարող են ներկայացվել 60 ամիս տևողությամբ նախագծեր՝ գիտական և գիտատեխնիկական գործունեության բոլոր բնագավառներից: Նախագիծը մշակող և իրականացնող գիտահետազոտական խումբը կարող է ունենալ մեկ կամ երկու արտերկրի ղեկավար և 2-5 անդամ` համաղեկավար և կատարողներ: Համաղեկավարը և կատարողները մրցույթին դիմելիս կարող են լինել ինչպես ՀՀ, այնպես էլ օտարերկրյա քաղաքացիներ, և նախագծի իրականացման ընթացքում պետք է լինեն ՀՀ քաղաքացիներ կամ ռեզիդենտներ և բնակվեն ՀՀ-ում: Իսկ խմբի ղեկավարը շարունակելու է իր գործունեությունը արտերկրի գիտական կենտրոնում՝ նախագծի իրականացման ընթացքում տարեկան առնվազն 4 շաբաթ անցկացնելով հայաստանյան ընդունող կազմակերպությունում, ինչպես նաև նախագծի կատարման ընթացքում հանրագումարային առնվազն 60 օր ժամկետով իր ներկայացրած գիտական կազմակերպությունում ընդունելով գիտական խմբի անդամներին։
Գիտության ոլորտ երիտասարդ հետազոտողների ներգրավման նպատակով կան որոշակի տարիքային սահմանափակումներ. այսպես, խմբի համաղեկավարը պետք է ծնված լինի 1983 թ. հունվարի 1-ից հետո, պարտադիր է խմբում երիտասարդ գիտնականների ներգրավումը:
Նախագծի իրականացման ընթացքում՝ մինչև 24 ամիսը լրանալը, կազմակերպությունում, որտեղ աշխատում է գիտական խումբը, կձևավորվի նոր գիտական ստորաբաժանում (խումբ, լաբորատորիա, բաժին)՝ համաղեկավարի (ստորաբաժանման ղեկավար) և կատարողների (ստորաբաժանման աշխատակիցներ) ընդգրկմամբ, որտեղ աշխատակիցների գումարային աշխատաժամանակի տևողությունը պետք է լինի առնվազն շաբաթական 120 ժամ (3 Full Time Equivalent. FTE)։
Նախագծի իրականացման ընթացքում խմբի ղեկավարի համար նախատեսվում է հոնորար ՀՀ-ում գտնվելու ժամանակահատվածի համար (մինչև 3 մլն դրամ նախագծի իրականացման ողջ ընթացքի համար), խմբի անդամների աշխատանքի վարձատրության միջին չափը սահմանված է 300 հազար դրամ: Նախահաշվով նախատեսված են ծախսեր նաև սարքերի, նյութերի և ծառայությունների ձեռքբերման, գործուղումների, լաբորատորիայի ենթակառուցվածքի բարելավման և նախագծի կատարման համար անհրաժեշտ այլ ծախսերի համար։
Ներկայացված նախագծերի գիտական փորձաքննության ժամանակ հաշվի են առնվելու խմբի ղեկավարի, համաղեկավարի, կատարողների մասնագիտական համապատասխանությունը նախագծի նպատակներին, կազմակերպությունում իրականացման նախադրյալները, համապատասխանությունը ոլորտի զարգացման միտումներին, համագործակցության նպատակահարմարությունը, գիտական արդյունքների տնօրինումը և տարածումը և այլն:
Մրցույթին դիմելու համար խմբի ղեկավար(ներ)ին ու խմբի անդամներին ներկայացվող պահանջներին, ինչպես նաև նախագծի իրականացման ընթացքում և ավարտին ակնկալվող արդյունքներին մանրամասն կարելի է ծանոթանալ մրցույթի հրավերից:
Մրցույթի վերաբերյալ հարցերին պատասխանելու նպատակով դեկտեմբերի 13-ին Բարձրագույն կրթության և գիտության կոմիտեում (Օրբելի եղբայրների 22) կկազմակերպվի տեղեկատվական հանդիպում (Info Day):
Մրցույթին մասնակցելու հայտն անհրաժեշտ է ուղարկել rl-armenia-2024.hesc.am առցանց համակարգի միջոցով մինչև 2024 թ. հունվարի 19-ը:
17:30 31.07.2025
Նախագահ Վահագն Խաչատուրյանն այցելել է Ներքին Խնձորեսկ, Տեղ և Կոռնիձոր բնակավայրերՍյունիք կատարած մարզային այցի ընթացքում նախագահ Վահագն Խաչատուրյանն այցելել է Ներքին Խնձորեսկ, Տեղ, Կոռնիձոր բնակավայրեր, զրուցել բնակիչների հետ, հետաքրքրվել վերջին շրջանում տարբեր հիմնախնդիրների լուծման ուղղությամբ իրականացված ծրագրերի մասին, պատասխանել բարձրացված հարցերին։ Հանրապետության նախագահը հարգանքի տուրք է մատուցել Ղարաբաղյան պատերազմներում զոհվածների հիշատակին և ծաղիկներ դրել Տեղում և Կոռնիձորում կանգնեցված հուշակոթողների մոտ։ ...
17:20 31.07.2025
Պետական սահմանն ապօրինի հատելու մեղադրանքով հետախուզվողը Վրաստանից տեղափոխվել է ՀայաստանՀուլիսի 29-ին Քրեական ոստիկանության գլխավոր վարչության օպերատիվ-ուղեկցող խմբի կողմից Վրաստանից Հայաստան է տեղափոխվել օտարերկրացի 20-ամյա մի երիտասարդ, որը 2024 թվականի ապրիլի 10-ից հետախուզվում էր պետական սահմանն ապօրինի հատելու մեղադրանքով. խափանման միջոցը՝ կալանք։ 20-ամյա երիտասարդը ներկայացվել է Քրեական ոստիկանության Տավուշի մարզային վարչություն։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն […] ...
17:09 31.07.2025
Ծանրորդ Գրիգոր Ղազարյանը՝ պատանիների Եվրոպայի առաջնության ոսկե մեդալակիրԻսպանիայի մայրաքաղաք Մադրիդում ընթացող պատանիների Եվրոպայի առաջնության տղաների 84 կգ քաշային կարգում Հայաստանի հավաքականի անդամ Գրիգոր Ղազարյանը երկամարտի 338 կգ (148+190 կգ) արդյունքով նվաճել է չեմպիոնի կոչումը: Պոկում վարժությունում հայ ծանրորդը երեք հաջող մոտեցում է կատարել՝ գլխավերևում պահելով 140 կգ, 145 կգ, 148 կգ կշռող ծանրաձողերը: Պոկում վարժության երրորդ մոտեցմամբ` 148 կգ, Ղազարյանը սահմանել է […] ...
16:58 31.07.2025
ՃՏՊ Երևան-Մեղրի ավտոճանապարհին․ կա տուժածՀուլիսի 31-ին` ժամը 12։48-ին, Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհին տեղի է ունեցել ՃՏՊ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Մեղրի ավտոճանապարհին բախվել են «Lexus» և «Seat» մակնիշների ավտոմեքենաները. կա տուժած: Փրկարարները […] ...
16:48 31.07.2025
Սարգիս Շնորհալու «Մեկնութիւն յոթ Կաթողիկէ թղթոց» աշխատությունը կտեղափոխվի Մատենադարան12-րդ դարի մեծագույն գործիչ Սարգիս Շնորհալու «Մեկնութիւն յոթ Կաթողիկէ թղթոց» աշխատության գնման և Մեսրոպ Մաշտոցի անվան հին ձեռագրերի գիտահետազոտական ինստիտուտ-Մատենադարան տեղափոխման համար ՀՀ կառավարության պահուստային ֆոնդից կհատկացվի 93 մլն դրամ: Համապատասխան որոշումն ընդունվել է գործադիրի այսօրվա նիստում: Ըստ հիմնավորման՝ «ԻՆԼԻԲՐԻՍ Գիլհոֆեր ՆՖԳ» (INLIBRIS Gilhofer Nfg) ավստրիական հին և հազվագյուտ գրքերի ու ձեռագրերի մասնագիտացված ընկերությունն ամիսներ […] ...
16:39 31.07.2025
«Բարսելոնան» համագործակցության պայմանագիր է ստորագրել Կոնգոյի Դեմոկրատական Հանրապետության կառավարության հետ«Բարսելոնան» Կոնգոյի Դեմոկրատական Հանրապետության կառավարության հետ համագործակցության պայմանագիր է ստորագրել։ Այս մասին հայտնում է ակումբի պաշտոնական կայքը։ Կողմերի համաձայնագիրը չորս տարով է։ Մինչև 2028/29 մրցաշրջանի ավարտը «Բարսելոնայի» բոլոր պրոֆեսիոնալ թիմերի մարզումային համազգեստների վրա կլինի R.D. Congo – Cœur d’Afrique (ԿԴՀ-ն Աֆրիկայի սիրտն է) գրությամբ տարբերանշան։ Mundo Deportivo-ի տվյալներով` «Բարսելոնան» համագործակցության ամբողջ ընթացքում կվաստակի մոտ 44 […] ...
