22:30 18.11.2023
Ստեփանակերտի ողբերգական պայթունից ծանր վնասվածքներ ստացած և բուժում ստանալու համար Բելգիա տեղափոխված երիտասարդներից երկուսը՝ Աշոտն ու Ալեքսն արդեն կազդուրվել են, շուտով դուրս կգրվեն «Ռեյն Աստրայդ» զինվորական հիվանդանոցից։ Երրորդ տուժածի՝ Սամվելի բուժումը դեռ շարունակվում է։
Բրյուսելում «Արմենպրես»-ի թղթակցի փոխանցմամբ՝ Բելգիայի արտաքին գործերի նախարար Հաջա Լահբիբը հանդիպել է բուժառուներին, նրանց մայրերին և Աշոտի երեք ամյա քրոջը՝ Եվային։
Հանդիպումը կազմակերպվել էր «Պողոսյան» հիմնադրամում՝ նախարարի խնդրանքով․ հանդիպումն անցել է ջերմ և ոչ պաշտոնական մթնոլորտում։ Պողոսյան հիմնադրամում այս օրերին ներկայացված է Հայաստանին նվիրված «Հայաստան, Սրբազանի ժամանակը» խորագրով ցուցահանդեսը: Հանդիպման վայրի ընտրությունը ցույց է տալիս նախարար Լահբիբի հավատարմությունն ու կարեկցանքն արցախցի հյուրերի տառապանքներին։
Հանդիպամանը ներկա էր նաև «Պողոսյան» հիմնադրամի համահիմնադիր, հովանավոր և արվեստագետ Ժան Պողոսյանը, ինչպես նաև Բելգիայի հայերի կոմիտեի անդամները։ Նախարարը ժամանակ տրամադրեց իր հյուրերից յուրաքանչյուրի հետ զրուցելուն և հետաքրքրվեց տղաների առողջությամբ։ Հաջա Լահբիբի հարցին, թե ընտանիքները հնարավորություն ունեցե՞լ են փոքր-ինչ տեսնել երկիրը, նրանք պատասխանեցին, որ բժիշկների կողմից սա երիտասարդների առաջին դուրս գալու թույլտվությունն է։ Մյուս կողմից, երիտասարդների մայրերն արդեն մի քանի անգամ կարողացել են այցելել Բրյուսել՝շնորհիվ մի խումբ հայ կանանց, որոնք ջանում էին նրանց առօրյան ավելի հաճելի դարձնել։
Մտքերի փոխանակումից հետո արցախցի հյուրերը շրջեցին ցուցահանդեսի սրահում՝ «Պողոսյան» հիմնադրամի տնօրեն Լումա Սալոմեի ընկերակցությամբ։ Հանդիպման ավարտին նախարար Հաջա Լահբիբը և «Պողոսյան» հիմնադրամը նվերներ հանձնեցին տղաներին, ինչպես նաև փոքրիկ Եվային, նրանց մաղթեցին շուտափույթ ապաքինում և ապահով վերադարձ։
Հյուրերի նվիրական երազանքն է վերադառնալ տուն՝ Լեռնային Ղարաբաղ, որտեղից բռնի տեղահանվել են Ադրբեջանի ռազմական ագրեսիայի հետևանքով։
Բելգիայի հայերի կոմիտեի փոխնախագահ Արմինե Հարեյանը նախարարի հետ զրույցի ժամանակ ընդգծեց՝ իրենց ակնկալիքն ու հույսն է, որ միջազգային հանրության օգնությամբ ու պաշտպանությամբ և Բելգիայի աջակցությամբ արցախահայության անվտանգ և երաշխավորված վերադարձն իրականություն դառնա։
21:34 30.06.2025
Ինչո՞ւ Մարուքյանը առաջարկեց Աջապահյանի, այլ ոչ թե Բագրատ Գալստանյանի թեկնածությունը«Լուսավոր Հայաստան» կուսակցության նախագահ Էդմոն Մարուքյանն առաջարկում է վարչապետին իմպիչմենտ հայտնել և իր փոխարեն վարչապետի թեկնածու ներկայացնել Միքայել արքեպիսկոպոս Աջապահյանին: Հիշեցնենք, Շիրակի թեմի առաջնորդը կալանավորվեց ռազմական հեղաշրջում իրականացնելու կոչեր հնչեցնելու մեղադրանքով: Թեմային «Հեռանկար»-ի տաղավարում անդրադարձել է Էդմոն Մարուքյանը: ...
21:29 30.06.2025
Արզական-Բջնի ավտոճանապարհին վթար է տեղի ունեցել, 6 մարդ տեղափոխվել է հիվանդանԿոտայքի մարզային փրկարարական վարչության ճգնաժամային կառավարման կենտրոն հունիսի 30-ին ժամը 13:48-ին ահազանգ է ստացվել, որ Արզական-Բջնի ավտոճանապարհին տեղի է ունեցել ՃՏՊ, կան տուժածներ: Ըստ Փրկարար ծառայության տարածած հաղորդագրության, դեպքի վայր մեկնած փրկարարները պարզել են, որ Արզական-Բջնի ավտոճանապարհի 2-րդ կմ-ի մոտակայքում բախվել է երկու «Opel» մակնիշի ավտոմեքենա:Մինչ փրկարարների կանչի վայր հասնելը՝ վարորդները և չորս ուղևոր հոսպիտալացվել […] ...
21:22 30.06.2025
Հայաստանի և Ֆրանսիայի նախագահները զրուցել են տարածաշրջանային զարգացումների շուրջՄԱԿ-ի Զարգացման ֆինանսավորման չորրորդ միջազգային համաժողովի շրջանակում Հանրապետության նախագահ Վահագն Խաչատուրյանը զրույց է ունեցել Ֆրանսիայի նախագահ Էմանուել Մակրոնի հետ։ Նախագահներն անդրադարձել են տարածաշրջանային ընդհանուր իրավիճակին և զարգացումներին։ Մտքեր են փոխանակվել երկկողմ համագործակցության օրակարգային հարցերի շուրջ։ ...
21:13 30.06.2025
Կանադան վերսկսում է առևտրային բանակցությունները ԱՄՆ-ի հետԿանադան և Միացյալ Նահանգները վերսկսում են առևտրային բանակցությունները, կողմերին հաջողվում է ժամանակավորապես լուծել իրենց տարաձայնությունները։ Նախկինում Կանադան, ի պատասխան Թրամփի 25% մաքսատուրքերի, նախատեսում էր թվային ծառայությունների հարկ սահմանել ամերիկյան ընկերությունների վրա. ծրագիրը նախատեսում էր Amazon-ի, Google-ի և Meta-ի նման ընկերությունների կանադական շահույթի 3%-ը գանձել։ Հարկերը կկիրառվեին հետադարձ ուժով, այնպես որ ընկերությունները ստիպված կլինեին անմիջապես վճարել […] ...
21:06 30.06.2025
ՀՀ ժողովրդավարական արժեքները պետք է պաշտպանվեն՝ հիբրիդային սպառնալիքների և երկրի ներքին գործերին միջամտելու փորձերի պայմաններում. Կալասը՝ ՓաշինյանինՎարչապետ Նիկոլ Փաշինյանն ընդունել է Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասին:Ինչպես «Արմենպրես»-ին տեղեկացրին ՀՀ վարչապետի աշխատակազմից, hանդիպման ընթացքում քննարկվել են Հայաստան-Եվրոպական միություն հարաբերությունների օրակարգին, ժողովրդավարական ինստիտուտների ամրապնդմանը, իրավունքի գերակայության և կառավարման բարեփոխումների ուղղությամբ համագործակցության խորացման հնարավորություններին վերաբերող հարցեր:Վարչապետ Փաշինյանը շնորհակալություն է հայտնել ԵՄ-ին՝ Հայաստանին ցուցաբերվող շարունակական աջակցության համար և […] ...
