15:59 04.09.2018
«Հելսինկյան Ասոցիացիա» իրավապաշտպան ՀԿ նախագահ, փաստաբան Իննա Կարապետյանցը պնդում է, որ այսօր հասարակությունը նոր իշխանություններից ակնկալում է մեծ փոփոխություններ, ու այդ փոփոխություններից մեկը, ըստ նրա, կարող է լինել համաներումը:
Փաստաբանն ընդգծել է, որ ինքն անձամբ անձնական որևէ շահագրգռվածություն չունի, քանի որ որևէ քրեակատարողական հիմնարկում հարազատ կամ բարեկամ չունի: Իրավապաշտպան գործունեություն իրականացնող կառույցի ղեկավարի պնդմամբ՝ հասարակության շատ շերտեր մեծ ակնկալիք ունեին նոր իշխանություններից ու արդեն 4-րդ ամիսն է՝ ինչ սպասում են համաներմանը: Ավելին, իրավապաշտպանի պնդմամբ՝ հասարակությունում ակնկալիք կար, որ համաներումը պետք է կիրառվի Սահմանադրության տոնի առիթով, սակայն այդ օրն էլ հուսախաբ եղավ:
«Ցավոք արդարադատության նախարարությունից մենք որևէ ազդակ չտեսանք: Մենք այսքան ժամանակ լռել ենք, որովհետև ազնվորեն սպասում էինք, որ արդարադատության նախարարությունը հնարավոր է՝ ինչ-որ գործողություններ անի, եթե ոչ հուլիսի 5-ի Սահմանադրության տոնի կապակցությամբ, գոնե սեպտեմբերի 21-ի՝ Անկախության տոնի կապակցությամբ մենք կունենանք համաներում»,- նշել է իրավապաշտպանը՝ միաժամանակ չթաքցնելով, որ այդ հարցի շուրջ առանձնազրույց է ունեցել արդարադատության փոխնախարար Վիգեն Քոչարյանի հետ ու վրդովվել նրա պատասխանից:
Իննա Կարապետյանցի պնդմամբ՝ փոխնախարարն իրեն ասել է, որ համաներում իրականացնելու հասարակական պահանջ չկա:
«Նախ էդ պահանջը կա, իրենք իրականությանը չեն տիրապետում, ինչպես որ չէր տիրապետում Սերժ Սարգսյանը, և դա եղավ նրա ամենամեծ բացթողումը, այդպես էլ չփոփոխված փոխնախարարները, նախկինից մնացած փոխնախարարները, կարծում եմ՝ ուղղակի սաբոտաժ են անում»,- հայտարարել է իրավապաշտպանը՝ պնդելով, որ չունենալով համաներման որևէ պրոյեկտ՝ նրանք փորձում են տապալել ոլորտը:
Իրավապաշտպանի տեղեկացմամբ՝ անգամ Ստալինի մահից հետո Բերիայի նման ագրեսիվ քաղաքական գործիչը հսկայական, մեծ համաներում հայտարարեց, որի արդյունքում նույնիսկ քաղաքական բանտարկյալներն ազատվեցին: Իսկ Հայաստանում, նույնիսկ իշխանափոխությունից հետո, ըստ իրավապաշտպանի, առ այսօր կան քաղաքական բանտարկյալներ, ու դա, նրա գնահատմամբ, որևէ կերպ արդարացնել հնարավոր չէ:
«Հելսինկյան ասոցիացիա» իրավապաշտպան կազմակերպությունը մշակել է համաներում հայտարարելու իր նախնական նախագծի տարբերակը, ունի այն տարածելու և այսպես կոչված հասարակական պահանջ ձևավորելու մտադրություն:
23:33 06.05.2025
Ես սպասում եմ զանգի. Բայրամյան«Ռոստովի» հայ կիսապաշտպան Խորեն Բայրամյանը խոսել է Հայաստանի ազգային հավաքականում հանդես գալու ցանկության մասին։ «Ես ցանկանում եմ խաղալ Հայաստանի ազգային հավաքականի կազմում։ Իրոք շատ եմ կարոտում իմ թիմակիցներին։ Բայց որոշումը կայացնում է գլխավոր մարզիչը։ Բոլորը գիտեն, թե ինչ հարաբերություններ եմ ունեցել իմ նախկին մարզչի հետ։ Հիմա մեկ այլ մասնագետ է եկել։ Ջոն վան տ՛ Սխիպը […] ...
23:28 06.05.2025
Չարենցի փողոցում հին նատրիումային լուսատուները փոխարինվել են ժամանակակից LED լուսատուներովԵրևանի քաղաքապետ Տիգրան Ավինյանը ֆեյսբուքի իր էջում տեսանյութ է հրապարակել Չարենցի փողոցի գիշերային լուսավորությունից՝ կից գրելով․ «Չարենցի փողոցում հին նատրիումային լուսատուները փոխարինել ենք նոր, ժամանակակից LED լուսատուներով, որոնք ավելի պայծառ ու էներգախնայող են»։ Մանրամասները՝ տեսանյութում։ ...
23:21 06.05.2025
Բախվել են «Porsche Cayenne»-ը և «Volkswagen Vento»-ն, ինչի հետևանքով «Porsche Cayenne»-ը բախվել է ծառինԱյսօր՝ մայիսի 6-ին, ավտովթար է տեղի ունեցել Երևանում։ Ժամը 16։40-ի սահմաններում Զորավար Անդրանիկ և Տիչինա փողոցների խաչմերուկում բախվել են Երևանի բնակիչներ 23-ամյա Հենրիկ Ս․-ի վարած «Porsche Cayenne» մակնիշի և 42-ամյա Վարդան Կ․-ի վարած «Volkswagen Vento» մակնիշի ավտոմեքենաները, ինչի հետևանքով «Porsche Cayenne»-ը բախվել է հաստաբուն ծառի։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների բարեբախտաբար […] ...
23:12 06.05.2025
«Լիդսը» դառնալու է Եվրոպայի լավագույն ակումբներից․ Մարատե«Լիդսի» սեփականատեր Պարագ Մարատեն հայատրարել է ակումբի հավակնոտ ծրագրերի մասին, գրում է Sky Sports-ը: «Պրեմիեր լիգայի ուղեգիր նվաճելն ընդամենը ճանապարհի սկիզբն է: Մենք պետք է շարունակենք առաջ գնալ: Մենք խնդիրներ կունենանք, բայց կհասնենք մեր նպատակին և կդառնանք Եվրոպայի լավագույն ակումբներից»,- ասել է «Լիդսի» ղեկավարը: «Լիդսը» 2024/25 մրցաշրջանում հաղթել է Չեմպիոնշիփը և հաջորդ մրցաշրջանում հանդես կգա […] ...
23:01 06.05.2025
Բաքվի ու Մոսկվայի միջև նոր դիվանագիտական առճակատում է. ինչի՞ հետ է դա կապվածԲաքուն Մոսկվային մեղադրում է ադրբեջանական ինքնաթիռի կործանման վերաբերյալ հետաքննությունն արհեստականորեն ձգձգելու ու մեղավորներին թաքցնելու մեջ: Հիշեցնենք՝ «Ազալ» ավիաընկերությանը պատկանող ինքնաթիռը կործանվել էր Ղազախստանի օդային տարածքում՝ ենթադրաբար Ռուսաստանի հակաօդային համակարգի կողմից խոցվելու հետևանքով: Թեմայի շուրջ «Հորիզոնի» տաղավարում մանրամասներ է հայտնել Արտյոմ Երկանյանը: «Ադրբեջանական AПA լրատվական գործակալությունն այսօր տեղեկություն է տարածել այն մասին, որ ադրբեջանական պետական կառույցներն […] ...
22:45 06.05.2025
Շիրակում ՌԴ քաղաքացին «ՈւԱԶ»-ով վրաերթի է ենթարկել 67-ամյա կնոջ. վերջինը տեղափոխվել է հիվանդանոցՄայիսի 5-ին, վրաերթ է տեղի ունեցել Շիրակի մարզում։ Ժամը 19։05-ի սահմաններում Գյումրի քաղաքից դեպի Ոսկեհասկ տանող ավտոճանապարհին ռուսական զորամասի «ՈւԱԶ» մակնիշի բեռնատարը վրաերթի է ենթարկել Շիրակի մարզի բնակիչ 67-ամյա Թագուհի Փ․-ին։ Ինչպես հայտնում է shamshyan.com-ը, վարորդը փախուստի չի դիմել, օգնել է վրաերթի ենթարկվածին օպերատիվորեն ժամանած շտապօգնության ավտոմեքենայով տեղափոխվել «Գյումրի» բժշկական կենտրոն։ Դեպքի փաստով քննչական վարչությունում […] ...
