22:36 06.09.2018
ՀՀ պետական վերահսկողական ծառայության պետ Դավիթ Սանասարյանը «Հեռանկար»-ի տաղավարում խոսել է իր ղեկավարած կառույցի գործառույթների մասին: Սանասարյանը նշել է` նախկինում կար վարչապետի վերահսկողական ծառայություն և նախագահի վերահսկողական ծառայություն, մինչդեռ իր ղեկավարած կառույցն` իր լիազորություններով, ամեն ինչով նոր կառույց է, նախորդների իրավահաջորդը չէ: Ծառայության պետն ընդգծել է` պետական վերահսկողական ծառայության գործառույթներից տարբեր են նաև Հաշվեքննիչ պալատի գործառույթները. այդ կառույցը տարեկան պլանով է աշխատում, իսկ պետական վերահսկողական ծառայությունը վարչապետի ենթակայության տակ գործող կառույց է, ինչպես ԱԱԾ-ն ու ոստիկանությունը:
«Այդ կառույցները վարչապետի ուղիղ ենթակայության տակ են, իրենց գործունեությունն իրականացնում են մի շարք սկզբունքներով, վարչապետի հանձնարարականներով, ինչպես, օրինակ, ատոմակայանում վերահսկողական ուսումնասիրություններ իրականացնել և կարծիք տալ վարչապետին, թե ինչ է կատարվում: Մենք աշխատում ենք` հաշվի առնելով ռիսկերը, աշխատում ենք ինֆորմացիայի վրա` այստեղ շատ է ռիսկը, այստեղ կան յուրացումներ: Մինչև կառույց գնալը նախնական ուսումնասիրություն ենք իրականացնում, և այս ամենը համաձայնեցնում ենք վարչապետի հետ»,- ասել է նա:
Սանասարյանը մասնավորեցրել է` իրենց կառույցի վերահսկողական գործառույթների մասին խոսելիս պետք է նշել` խոսքը բացառապես պետական հիմնարկների մասին է, որտեղ իրականացնում են ֆինանսական հոսքերի հետ կապված, բայց նաև վարչապետի հանձնարարականների, որոշումների, կառավարության որոշումների հետ կապված վերահսկողություն:
«Առհասարակ, մեր ֆունկցիաների մեջ է մտնում գնահատել` արդյո՞ք արդյունավետ է գործում տվյալ կառույցը, այս ծախսը արդյունավե՞տ է իրականացրել, օրինականության ապահովման ուղղությամբ ենք գործունեություն իրականացնում, այսինքն` մեր ֆունկցիաները բազմազան են, բայց հիմնական ֆունկցիան պետական միջոցների ծախսման նկատմամբ վերահսկողություն իրականացնելն է»,- նշել է ծառայության պետը:
17:10 30.04.2025
Պետությանը պատճառվել է 330 միլիոն դրամի վնաս․ ՔՈԳՎ հերթական բացահայտումըՔրեական ոստիկանության կազմակերպված հանցավորության դեմ պայքարի վարչության ծառայողները ստացել էին օպերատիվ տեղեկություն, որ սահմանափակ պատասխանատվությամբ մի ընկեության 38-ամյա տնօրենը, Արմավիրի մարզի Նոր Արտագերս գյուղում գտնվող` իրեն և ազգականին պատկանող ընդհանուր 3,1 հեկտար հողամասերում, 2024 թվականի հունվարից մինչ օրս, ձկնաբուծարան կառուցելու պատրվակով, առանց հատուկ թույլտվության կազմակերպել է ապօրինի արդյունահանում: Պարզվել է, որ այս ընթացքում արդյունահանած շուրջ […] ...
17:00 30.04.2025
Օպերատիվ իրավիճակը հանրապետությունում ապրիլի 29-30-ըԲացահայտվել է 85 հանցագործություն, որոնցից 1-ը՝ նախկինում կատարված: Մասնավորապես՝ 20 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 9 դեպք՝ թմրանյութի հայտնաբերման, 7-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության, անձնական ունեցվածքի գողության և գույքը ոչնչացնելու կամ […] ...
16:54 30.04.2025
Հայաստանի քաղաքների մթնոլորտային օդում փոշու պարունակությունը՝ ապրիլի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 20-26-ը։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ ապրիլի 21-ին և 23-ին, Հերացի փողոցի հարակից տարածք՝ գրեթե ամբողջ շաբաթ։ Ալավերդի քաղաքում՝ Սանահին սարահարթ, Գայի փողոցի հարակից տարածք՝ […] ...
16:51 30.04.2025
Մհեր Գրիգորյանն Ուզբեկստանի փոխվարչապետի հետ զրույցում կարևորել է համատեղ ներդրումային ծրագրերի ակտիվացումըՈւզբեկստանի Հանրապետություն կատարած աշխատանքային այցի շրջանակներում փոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ Ջամշիդ Խոջաևի հետ: Զրուցակիցները երկուստեք ընդգծել են երկկողմ առևտրատնտեսական հարաբերությունների զարգացման համար առկա մեծ ներուժը իրացնելու անհրաժեշտությունը, կարևորել այս ոլորտում բիզնես շրջանակների միջև շփումների և համատեղ ներդրումային ծրագրերի ակտիվացումը: ...
16:48 30.04.2025
Պակիստանն ուժեղացնում է զորքերի մարտական պատրաստվածությունը Հնդկաստանի հետ վերահսկողության գծի երկայնքովՊակիստանը ուժեղացրել է զորքերի պատրաստությունը Քաշմիրում Հնդկաստանի հետ շփման գծի սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։ Պակիստանը հակաօդային պաշտպանության և էլեկտրոնային պատերազմի միջոցներ է տեղակայել սահմանային գծի Սիալկոտ հատվածում: Բանակը վերադասավորում է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։ Պակիստանի վարչապետ Շեհբազ Շարիֆը երեքշաբթի օրը ՄԱԿ-ի […] ...
16:45 30.04.2025
Բռնության ցանկացած դրսևորում խիստ անընդունելի և դատապարատելի է․ ՄԻՊՄարդու իրավունքների պաշտպան Անահիտ Մանասյանի հանձնարարությամբ աշխատակազմում սկսվել է ուսումնասիրություն Նոր Նորք վարչական շրջանի ղեկավարի աշխատակազմում տեղի ունեցած միջադեպի առնչությամբ։ Պաշտպանի հանձնարարությամբ, արագ արձագանքման խումբ է մեկնել Նոր Նորքի ոստիկանության բաժին՝ հանդիպելու Արթուր Չախոյանին և ձերբակալված այլ անձանց։ Պաշտպանի ներկայացուցիչներն առանձնազրույց են ունեցել նաև Արթուր Չախոյանի փաստաբանների հետ։ Պաշտպանի ներկայացուցիչների այցի ընթացքում պարզվել է, որ […] ...
