16:06 22.02.2024
ՀՀ ՏԿԵ նախարարի տեղակալ Հակոբ Վարդանյանն ընդունել է Հայաստանում Լիտվայի Հանրապետության ԱԳ փոխնախարար Յոնաս Սուրվիլայի գլխավորած պատվիրակությանը։
ՏԿԵ նախարարի տեղակալը ներկայացրել է Հայաստանում էլեկտրաէներգիայի ոլորտում առկա իրավիճակը, համագործակցության մանրամասները գործընկեր պետությունների, մասնավորապես՝ հարևան Վրաստանի ու Իրանի հետ և նշել, որ մեր նպատակն է էլեկտրաէներգիայի հարցում բալանսավորված քաղաքականություն վարել։
Հակոբ Վարդանյանը հանդիպման ընթացքում խոսել է Հայաստանում արևային էներգիայի զարգացման տպավորիչ տեմպերի վերաբերյալ։
Լիտվայի ԱԳ փոխնախարարն իր հերթին նշել է, որ անցումն արևային էներգիային առաջնահերթություն է Եվրամիության համար և այս հարցում ԵՄ-ն կարող է օգտակար լինել Հայաստանին։
Յոնաս Սուրվիլան նաև հետաքրքրվել է ատոմային էներգիայի ոլորտում առկա իրավիճակի մասին։ ՏԿԵ նախարարի տեղակալը նշել է, որ հավանաբար հաջորդ տարի Հայաստանն ատոմակայանի հարցում կունենա որոշում, իսկ այժմ բանակցություններ ու քննարկումներ են ընթանում, հարավկորեական, ռուսական, ամերիկյան և մի շարք այլ ընկերությունների հետ։ Վերջնական որոշումն, ըստ Վարդանյանի, կախված է մի շարք գործոններից։
Լիտվայի ԱԳ փոխնախարարի հետաքրքրության կենտրոնում էր նաև Հարավային Կովկասից Սև ծովի հատակով մալուխով դեպի Եվրամիություն «կանաչ էլեկտրաէներգիայի» արտահանման ծրագրին Հայաստանի միանալու հնարավորության հարցը։
Հակոբ Վարդանյանն ընդգծել է, որ ծրագիրը Հայաստանի ուշադրության կենտրոնում է և քանի որ այժմ էլեկտրաէներգիայի ոլորտում կա համագործակցություն Վրաստանի հետ, մեծ է ցանկությունը միանալ այդ ծրագրին և համագործակցել ԵՄ անդամ երկրների հետ ևս, հատկապես որ Հայաստանը էլեկտրաէներգիայի արտահանման հարցում մեծ պոտենցիալ ունեցող երկիր է։
Հանդիպման վերջում Լիտվայի ԱԳ նախարարի տեղակալը ՀՀ ՏԿԵ փոխնախարար Վարդանյանին և ՀՀ ՏԿԵ նախարար Գնել Սանոսյանին հրավիրել է Վիլնյուս՝ երկկողմ հետաքրքրություն ներկայացնող հարցերը համապատասխան ոլորտի նախարարի հետ առավել մանրամասն քննարկելու համար։
ՏԿԵ նախարարի տեղակալն էլ շնորհակալություն է հայտնել հրավերի համար՝ ընդգծելով, որ առաջիկա օրակարգից կախված, կդիտարկվի նման այցի հնարավորությունը։
21:56 09.06.2025
Հայաստանի թենիսի հավաքականը կմասնակցի Դեյվիսի գավաթինՀայաստանի թենիսի հավաքականն արդեն ժամանել է Հյուսիսային Մակեդոնիայի մայրաքաղաք Սկոպյե, որտեղ մասնակցելու է Դեյվիսի գավաթի խաղարկությանը։ Երրորդ ենթախմբում Հայաստանի հավաքականի մրցակիցներն են Հյուսիսային Մակեդոնիայի, Լատվիայի, Մոլդովայի, Չեռնոգորիայի ու Մալթայի հավաքականները։ Այս մասին հայտնել են Հայաստանի թենիսի ֆեդերացիայից: Մարզիչ Վահե Ավետիսյանի գլխավորությամբ Դեյվիսի գավաթին կմասնակցեն Միքայել Ավետիսյանը, Միքայել Ավանեսյանը, Հենրիկ Նիկողոսյանը, Սամվել Աղայանն ու Ավետիք Ղազարյանը։ […] ...
21:49 09.06.2025
Մեծ Պարնի գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ օգնության են հասել փրկարարներըՀունիսի 9-ին, ժամը 14:45-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մեծ Պարնի գյուղի «Սուրբ Հովհաննես» մատուռի մոտակայքում քաղաքացին վնասել է ոտքը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները քաղաքացուն պատգարակով մոտ 300 մետր իջեցրել են և մոտեցրել անձնական […] ...
21:44 09.06.2025
Մետրոյի «Աջափնյակ» կայարանի կառուցման ծրագրի իրականացումն անցնում է հաջորդ փուլԵրևանի մետրոպոլիտենի 11-րդ՝ «Աջափնյակ» կայարանի նախագծային փաթեթն արդեն իսկ ստացել է պետական համալիր փորձաքննության դրական եզրակացությունը: Սա նշանակում է, որ կայարանի կառուցման մասով արդեն մեկնարկում են հաջորդ փուլի գործընթացները, մասնավորապես՝ ամբողջական ֆինանսավորման հաստատումը ՀՀ կառավարության կողմից, ազդեցության ենթակա տարածքում օտարման և տարաբնակեցման աշխատանքները, շինարարության մրցույթի նախապատրաստումը: Այս մասին հայտնել են Երևանի քաղաքապետարանից: Նախագծի ընթացքը և […] ...
21:40 09.06.2025
Ըմբիշներ Մարտին Մանջիկյանը և Ջանես Նազարյանը դուրս են եկել Սկոպիեում ընթացող ԵԱ եզրափակիչՀունահռոմեական ոճի ըմբիշներ 48 կգ Մարտին Մանջիկյանը և 65 կգ Ջանես Նազարյանը դուրս են եկել Սկոպյեում ընթացող Եվրոպայի առաջնության եզրափակիչ։ Այս մասին հայտնել են Հայաստանի ըմբշամարտի ֆեդերացիայից։ Մանջիկյանը կիսաեզրափակչում 6:6 հաշվով հաղթել է ադրբեջանցի ըմբիշին, իսկ Նազարյանը 10:4 հաշվով շվեդ մրցակցին։ Մինչև եզրափակիչ Մանջիկյանը առավելության է հասել նաև հույն մրցակցի նկատմամբ, իսկ Նազարյանը ուժեղ է […] ...
21:33 09.06.2025
Իրազեկման ծավալուն միջոցառումներ՝ հակահրդեհային կանոնների պահպանման նպատակովՀրդեհների կանխարգելման և հնարավոր աղետներից խուսափելու կարևոր միջոցներից է արդյունավետ իրազեկումը։ Ջերմաստիճանի բարձրացմանը զուգընթաց ՆԳ նախարարության հանրային հաղորդակցության և իրազեկման վարչությունն ու Փրկարար ծառայությունը շարունակում են իրականացնել անտառային և բուսածածկ տարածքներում հակահրդեհային կանոնների պահպանման վերաբերյալ հանրային իրազեկման միջոցառումներ, որոնցում մինչ հունիսի 3-ը ներգրավված է եղել 528 փրկարարական ծառայող: Հանրային իրազեկման միջոցառումները նպատակ ունեն կանխարգելել հրդեհների […] ...
