16:21 04.04.2024
Առողջապահության նախարարին կից հասարակական խորհրդի հերթական նիստի օրակարգում ընդգրկված էին «Առողջության համապարփակ ապահովագրության ներդրման օրենսդրական կարգավորումները» և «Անցում էլեկտրոնային դեղատոմսի» թեմաները:
Ողջունելով ներկաներին` Անահիտ Ավանեսյանն ընդգծել է, որ օրակարգում ընդգրկված հարցերը հասարակական հատվածի հետ քննարկումների համատեքստում շատ կարևոր են.
«Առողջության համապարփակ ապահովագրության հիմքում բնակչության առողջության պահպանումն է, առողջապահական ծախսերի արդյունավետությունը, որը կնպաստի բնակչության ֆինանսական պաշտպանվածության բարձրացմանը, ինչպես նաև` բժշկական տուրիզմի զարգացմանը և ոլորտում իրականացվող ներդրումների աճին»:
Առողջության համապարփակ ապահովագրության ներդրման օրենսդրական կարգավորումները, փաթեթում ներառված ծառայությունները, ծախսերի հաշվարման սկզբունքները ներկայացրել է առողջապահության նախարարի խորհրդական Սամվել Խարազյանը` ընդգծելով, որ ծառայությունների փաթեթի առանցքում սքրինինգային հետազոտություններն են:
Նախարարը հավելել է, որ ապահովագրությունը նաև կնպաստի բժշկական ծառայությունների որակի բարելավմանը:
Ներկայացնելով էլեկտրոնային դեղատոմսի գործարկման ընթացքը` Դեղորայքային քաղաքականության և բժշկական տեխնոլոգիաների վարչության պետ Մարինե Հարությունյանն անդրադարձել է էլեկտրոնային դեղատոմսով բաց թողնվող դեղերի ցանկին, դրանց դասակարգմանը, գրանցմանն ու դուրսգրմանը: Մասնագետը նշել է, որ գործիքը էականորեն կնվազեցնի ռիսկերը` դեղերը չարաշահելու կամ անօրինական նպատակներով կիրառելու տեսանկյունից:
Խորհրդի անդամներն իրենց դիտարկումներն ու առաջարկություններն են ներկայացրել համապարփակ ապահովագրության փաթեթի տրամաբանության մեջ բնակչության, հատկապես խոցելի խմբերի համար առողջապահական ապահովագրության հասանելիության, վերարտադրողական առողջության, նաև` տղամարդու, հոգեկան առողջության և կախվածության, ինչպես նաև` 3 կարևոր կոմպոնենտի` սրտանոթային, օնկոլոգիական և շաքարային դիաբետի հիվանդությունների վերաբերյալ: Անդրադարձել են նաև Էլեկտրոնային դեղատոմսի թափանցիկ և օպտիմալ կառավարմանը, հաճախ հնչող հարցերին:
Ամփոփելով նիստը՝ խորհրդի նախագահ Անահիտ Ավանեսյանը շնորհակալություն է հայտնել գործընկերներին կառուցողական, ակտիվ և արդյունավետ քննարկման համար:
16:00 03.05.2025
Ի՞նչ երգեր են լսում մարդիկ. Հեռանկար բանավեճՕրեր առաջ Երևանում տեղի ունեցած բազմամարդ համերգից հետո հրապարակված կադրերը բուռն քննարկումների առիթ դարձան: Երաժշտության ու ճաշակի, ինքնության ու ազգային մտածողության մասին տրամագծորեն հակառակ, հաճախ վիրավորանքի հասնող մեկնաբանությունները սոցցանցերի առաջին էջերում էին: Հակառակ ճամբարներում հայտնվեցին ամենատարբեր զբաղմունքի ու մասնագիտության մարդիկ: Բայց ի՞նչն է ձևավորում մարդու երաժշտական ճաշակը, ի՞նչն է վտանգավորը, ի՞նչն՝ օգտակարը: Այս ու այլ […] ...
15:47 03.05.2025
Ոչ ոք չի կարող երաշխավորել, որ մայիսի 10-ը Կիևում կգա․ ՄեդվեդևՌԴ Անվտանգության խորհրդի փոխնախագահ Դմիտրի Մեդվեդևը արձագանքել է Ուկրաինայի նախագահ Վլադիմիր Զելենսկիի՝ Հաղթանակի 80-ամյակի տոնակատարության ժամանակ հրադադարի ռեժիմին չհամաձայնելու մասին հայտարարությանը և այն սադրանք անվանել։ «Հաղթանակի օրն իրական սադրանքի դեպքում ոչ ոք չի կարող երաշխավորել, որ մայիսի 10-ը Կիևում կգա»,- գրել է Մեդվեդևը Telegram-ում։ Հիշեցնենք՝ Զելենսկին հայտնել էր, որ Կիևը չի կարող երաշխավորել մայիսի 9-ի […] ...
15:36 03.05.2025
Քարկոփում տեղադրվել է ժամանակավոր ավտոմոբիլային նշանակության մետաղական կամուրջՔարկոփ բնակավայրում ևս տեղադրվել է ժամանակավոր ավտոմոբիլային նշանակության մետաղական կամուրջ: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
15:24 03.05.2025
Հրդեհ Սևան քաղաքումՄայիսի 3-ին` ժամը 11:38-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևան քաղաքի Ցամաքաբերդ թաղամասի Ազատության փողոցում այրվում է տուն։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել Է ժամը 11։57-ին, մարվել` 12։27-ին։ Ցամաքաբերդ թաղամասի Ազատության փողոցի տներից մեկի բակում այրվել է հացատուն […] ...
15:12 03.05.2025
Մաքուր բնությունը սկսվում է յուրաքանչյուրիս փոքր քայլից. Շրջակա միջավայրի նախարարությունՇրջակա միջավայրի նախարարության աշխատակազմը, ինչպես նաև նախարարության ենթակա պետական ոչ առևտրային կազմակերպությունների ներկայացուցիչները նախարար Հակոբ Սիմիդյանի գլխավորությամբ միացել են համապետական շաբաթօրյակին` նախարարության «Հայանտառ» ՊՈԱԿ-ի` անտառածածկ տարածքների մաքրապատման նախաձեռնությամբ: Նախարարության թիմը մաքրման աշխատանքներ է իրականացրել Երևան-Սևան մայրուղու հարակից անտառածածկ հատվածներում, որտեղ մաքրվել են ծառուղիները, մուտքուղիները և հավաքվել են բնության գիրկը նետված կենցաղային թափոնները։ Շաբաթօրյակի ընթացքում հավաքվել […] ...
