Սննդաբանը պատմել է, թե ովքեր պետք է բացառեն ապուրներն իրենց սննդակարգից

Առատ ճարպային արգանակներով պատրաստված ապուրները պետք է բացառվեն խրոնիկական հիվանդություններ ունեցողների սննդակարգից, նույնիսկ առողջ մարդիկ պետք է նախապատվությունը տան բանջարեղենի արգանակներով պատրաստված ապուրներին, «ՌԻԱ Նովոստիին» ասել է սննդաբան Անտոնինա Ստարոդուբովան։

«Ապուրները մեզ համար ավանդական ուտեստ են: Հեղուկի համեմատաբար բարձր պարունակության պատճառով ապուրները լավ են մարսվում և արագ հագեցվածության զգացում են առաջացնում: Այնուամենայնիվ, ոչ բոլոր ապուրներն են հավասարապես առողջարար: Ուտեստը որքան առողջ կլինի, կախված է բաղադրիչներից և դրա պատրաստման եղանակից։ Դիետայում նախապատվությունը պետք է տալ բանջարեղենի արգանակներով պատրաստված ապուրներին, դրանք կոչվում են նաև բուսական»,- ասել է Ստարոդուբովան։

Նրա խոսքով՝ բուսակերների ապուր պատրաստելու համար լավագույնն է օգտագործել տարբեր գույների ու համի բանջարեղեն և խոտաբույսեր՝ վիտամինների, հանքանյութերի և մանրաթելերի աղբյուրներ:

«Բանջարեղենային ապուրը կարելի է պատրաստել տարբեր հատիկաընդեղենով, օրինակ՝ ոլոռ, լոբի, սիսեռ, ոսպ կամ չզտած հացահատիկ՝ հնդկաձավար, կորեկ, վարսակի ալյուր կամ կոշտ ցորենի մակարոնեղեն, ինչը կհարստացնի ուտեստը բուսական սպիտակուցով և մանրաթելով», – ասել է Ստարոդուբովան:

Դիետոլոգը նշել է, որ ապուրը կարելի է համեմել ցածր յուղայնությամբ թթվասերով կամ սառը բուսական յուղով՝ առանց տաքացման ավելացնելով պատրաստի ուտեստի մեջ։

«Ավելի լավ է խուսափել հարուստ ճարպային արգանակներով պատրաստված ապուրներից և այլ կերակրատեսակներից, ինչպես նաև երշիկեղեն, ապխտած միս, թթու մթերքներ օգտագործելուց: Դրանք հագեցած ճարպերի և աղի բարձր պարունակության պատճառով կարելի է օգտագործել հազվադեպ»,- ընդգծել է գործակալության զրուցակիցը։

Նրա խոսքով, երբեմն, հակացուցումների բացակայության դեպքում, բազմազանության համար կարելի է առաջին ճաշատեսակը արգանակով պատրաստել, բայց նույնիսկ այս դեպքում ավելի լավ է նախապատվությունը տալ մսի և թռչնի դիետիկ սորտերին՝ նապաստակ, հնդկահավ, հավ։

«Խաշելիս խորհուրդ է տրվում ցամաքեցնել առաջին արգանակը, հեռացնել տեսանելի ճարպը թռչնամսից և մսից։ Կարող եք նաև ձկան ապուր պատրաստել։ Որպես այլընտրանք՝ փորձեք առաջին ճաշատեսակը պատրաստել բանջարեղենի արգանակով, ավելացնել խաշած անյուղ միսը, մատուցել թարմ կանաչու հետ միասին»,- պարզաբանել է Ստարոդուբովան։

Բժիշկը հավելել է, որ ապուրի հետ կարելի է հաց մատուցել, բայց ավելի լավ է ընտրել ամբողջական ալյուրից պատրաստված հացահատիկային հաց: