19:07 22.04.2024
Ապրիլի 18-ից 19-ը ՀՀ ՆԳՆ փրկարար ծառայության տնօրենի տեղակալ, փ/ծ գնդապետ Եգոր Կարապետյանի գլխավորած աշխատանքային խումբը Վայոց ձորի մարզային փրկարարական վարչությունում էր։ Այցի նպատակը վարչությունում և ենթակա ստորաբաժանումներում համալիր ստուգումներ իրականացնելն էր՝ ուղղված մասնագիտական գիտելիքների բարելավմանն ու մեթոդական օգնության ցուցաբերմանը։
Մասնագիտական աջակցություն ցուցաբերելու նպատակով աշխատանքային խմբում ներգրավված էին ՓԾ կառուցվածքային ստորաբաժանումներից պատասխանատու ոլորտների ծառայողներ։
Օրակարգի համաձայն աշխատանքների մեկնարկն ազդարարվեց Վայոց ձորի մարզային փրկարարական վարչությունում աշխատանքային խորհրդակցության անցկացումով, որին մասնակցում էին վարչության և ենթակա ստորաբաժանումների ղեկավար կազմը։ Խորհրդակցության ընթացքում աշխատանքային խմբի ղեկավար փ/ծ գնդապետ Կարապետյանը ներկայացրեց այցի նպատակը, նշելով, որ համալիր ստուգումները միտված են վեր հանելու առկա խնդիրները և տեղում մեթոդական-մասնագիտական խորհրդատվություն ցուցաբերել անձնակազմին՝ ծառայությունն առավել արդյունավետ իրականացնելու նպատակով։
Վայոց ձորի մարզային փրկարարական վարչության պետ, փ/ծ գնդապետ Հ․ Սարգսյանը ՓԾ տնօրենի տեղակալին ներկայացրեց վարչության ընթացիկ աշխատանքները․ քննարկումների ընթացքում վեր հանվեցին առկա խնդիրները և նախանշվեցին առաջիկա անելիքները։
Խորհրդակցությունից հետո աշխատանքային խումբն այցելեց մարզային փրկարարական վարչության ենթակա ստորաբաժանումներ։
Այցի շրջանակներում տնօրենի տեղակալը եղավ մարզային փրկարարական վարչության Եղեգնաձորի, Վայքի և Ջերմուկի հրշեջ-փրկարարական ջոկատներում, հետևեց ընթացիկ աշխատանքներին, ծառայության կրման պայմաններին, զրուցեց անձնակազմի հետ։ Փրկարարական ծառայողների ամառային համազգեստի անցմամբ պայմանավորված՝ ստուգվեցին ծառայողների արտաքին տեսքը, շարային կեցվածքը, ծառայողական վկայականների առկայությունը։
Ջոկատներում հայտարարվեց ուսումնական տագնապ և իրականացվեց անձնակազմի հավաք: Ստուգվեցին ծառայողների ընդհանուր պատրաստվածությունը, տագնապային պայուսակների առկայությունն ու համալրվածությունը, ինչպես նաև հրշեջ-փրկարարական տեխնիկայի և գույք-սարքավորումների տեխնիկական հագեցվածությունը։
Ծառայողների գործնական հմտությունները ստուգելու նպատակով մարզային փրկարարական վարչության հրշեջ-փրկարարական ջոկատներում անցկացվեցին հատուկ տակտիկական ուսումնավարժանքներ․ Վայքի, Եղեգնաձորի և Ջերմուկի հրշեջ-փրկարարական ջոկատներում անցկացվեցին համապատասխանաբար «Հրդեհաշիջումը սպորտդպրոցում», «Հրդեհաշիջումը ավտոմեքենայում» և «Հրդեհաշիջումն ավտոմեքենայում և ՀՓՋ-ի տանիքում» թեմաներով ուսումնավարժանքներ, որոնց ընթացքում աշխատանքային խմբի անդամներն իրական ժամանակում ստուգեցին հրշեջ-փրկարարների օպերատիվ-տակտիկական հնարավորությունները, ինչպես նաև մարտական պատրաստվածությունը։
ՓԾ կառուցվածքային ստորաբաժանումների պատասխանատու ոլորտների ծառայողները վարժանքի ավարտին վերլուծեցին արդյունքները, տեղում վեր հանեցին թերացումները և անձնակազմին տվեցին մասնագիտական խորհուրդներ։
Ամփոփելով աշխատանքները ՓԾ տնօրենի տեղակալը հորդորեց հետևել մասնագետների ցուցումներին, տվեց հստակ հանձնարարականներ՝ կարողությունների բարելավման և աշխատանքներն առավել արդյունավետ իրականացման ուղղությամբ։
19:27 08.06.2025
Դավթաշենում թալանել են շենքի բակում կայանված «Chevrolet Volt»-ըՀունիսի 8-ին, Երևանում ավտոմեքենայի թալանման հերթական դեպքն է տեղի ունեցել՝ այս անգամ Դավթաշեն վարչական շրջանում։ Ինչպես հայտնում է shamsyan.com-ը, «Chevrolet Volt» մակնիշի ավտոմեքենայի սեփականատերը Դավթաշենի 4-րդ թաղամասի 45/7 շենքի դիմաց ուրբաթ օրը կայանել է իր ավտոմեքենան ու այսօր առավոտյան իջել է բակ, որպեսզի ավտոմեքենան տեղափոխի ավտոլվացման կետ և հայտնաբերել է ավտոմեքենան թալանված։ Դեպքի մասին ավտոմեքենայի […] ...
19:12 08.06.2025
Հայաստանում մեկնարկել է «Միջազգային քրեական դատարանի նյութական և վարութային իրավունքը դատավորների, դատախազների և քննիչների համար» թեմայով աշխատաժողովՀայաստանում մեկնարկել է «Միջազգային քրեական դատարանի նյութական և վարութային իրավունքը դատավորների, դատախազների և քննիչների համար» թեմայով աշխատաժողովը, որը կազմակերպվել է «Իրավունքի Եվրոպա միավորում» հասարակական կազմակերպության կողմից`Արդարադատության նախարարության հետ համագործակցությամբ, ՀՀ-ում Նիդերլանդների Թագավորության դեսպանության աջակցությամբ իրականացվող «Աջակցություն Հայաստանի Հանրապետության կառավարությանը Հռոմի կանոնադրության հետվավերացման գործընթացներում» ծրագրի շրջանակներում։ Այս մասին հայտնել են Արդարադատության նախարարությունից: Աշխատաժողովի նպատակն է Միջազգային […] ...
18:57 08.06.2025
Ամենայն Հայոց Կաթողիկոսն ընդունեց Ավստրալիայից ժամանած ուխտավորներինՀունիսի 8-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ավստրալիայի և Նոր Զելանդիայի հայոց թեմից ժամանած ուխտավորներին՝ ուղեկցությամբ Մելբուռնի Սուրբ Աստվածածին եկեղեցու հոգևոր հովիվ Արժանապատիվ Տեր Խաչեր քահանա Հարությունյանի: Տեր Խաչեր քահանան Նորին Սրբությանը տեղեկացրեց, որ մինչև Հայաստան ժամանելը ավստրալահայերն ուխտավորաբար եղել են Արևմտյան Հայաստանում և այժմ, գտնվելով […] ...
18:41 08.06.2025
Կոտայքի մարզում ակտիվ ընթացքի մեջ են սուբվենցիոն ծրագրերըԿոտայքի մարզում ակտիվ ընթացքի մեջ են սուբվենցիոն ծրագրերը: Այս մասին հայտնել են ՀՀ Կառավարության մամուլի ծառայությունից: Բյուրեղավանում ամփոփման փուլում է մարզադպրոցի շինարարությունը, Վերակառուցվում է Աբովյանի ամենամեծ մանկապարտեզներից մեկը, իսկ ահա Ջրվեժում շուտով կունենան ուսումնամշակութային կենտրոն: Մանրամասները՝ տեսանյութում: ...
18:14 08.06.2025
Կրթվելը նորաձեւ է Գորիսում. Փաշինյանը տեսանյութ է հրապարակելՀՀ վարչապետ Նիկոլ Փաշինյանը Ֆոյսբուքի իր էջում գրել է. «Կրթվելը նորաձեւ է Գորիսում»: Մանրամասները՝ տեսանյութում: ...
17:58 08.06.2025
Հունիսի 9-10-ը ԱԳ նախարար Արարատ Միրզոյանն աշխատանքային այցով կգտնվի ՆիցցայումՄԱԿ «Կենսաբանական բազմազանության մասին» կոնվենցիայի կողմերի 17-րդ համաժողովը՝ COP 17-ը Երևանում անցկացնելուն ընդառաջ և Ֆրանսիայի ԱԳ նախարարի հրավերով նախարար Միրզոյանը կմասնակցի ՄԱԿ Օվկիանոսի հարցերով 3-րդ համաժողովին։ Այս մասին հայտնել է ԱԳՆ մամուլի խոսնակը: Հունիսի 10-ին կկայանա հարակից միջոցառում՝ «Լեռներից մինչև օվկիանոսներ. կենսաբազմազանության պահպանումը շրջակա միջավայրի սահմաններից այն կողմ՝ հանուն կայուն ապագայի» խորագրի ներքո, որը կազմակերպվում […] ...
