19:42 21.05.2024
Մայիսի 18-19-ը Ծաղկաձորում տեղի է ունեցել «Քաղաքացիություն չունեցող անձանց մասին» օրենքի նախագծին նվիրված քննարկում, որին մասնակցում էին ՆԳ նախարարի տեղակալ Արփինե Սարգսյանն ու Միգրացիայի և քաղաքացիության ծառայության պետ Արմեն Ղազարյանը։
Քննարկումը բազմաշահառու էր. մասնակցում էին ՄԱԿ-ի Փախստականների հարցերով գերագույն հանձնակատարի հայաստանյան գրասենյակի, Ազգային ժողովի, ԱՄՆ դեսպանատան, Մարդու իրավունքների պաշտպանի գրասենյակի, նախարարությունների, պետական կառույցների, հասարակական կազմակերպությունների ներկայացուցիչներ, փաստաբաններ։
Անդրադառնալով ՆԳ նախարարության ձևավորմամբ՝ Միգրացիայի և քաղաքացիության ծառայության բարեփոխումների ուղղությամբ նպատակադրումներին ու ինստիտուցիոնալ փոփոխություններին՝ Արփինե Սարգսյանն առանձնացրել է մեկ ծառայության ներքո ֆունկցիոնալ բազայի ձևավորման գործընթացը, ինչը հնարավորություն կտա մեկ կետից իրականացնել միգրացիոն ամբողջ շղթայի կառավարում ու քաղաքականության մշակում, ապահովել տրամաբանական լուծումներ՝ տարբեր խումբ հարցերի կարգավորման շրջանակում։
«Կարևորում եմ հատկապես այն բաղադրիչը, որ մենք ցանկանում ենք հավասարապես կատարելագործել օրենսդրական և գործառնական դաշտը թե՛ օտարերկրացիների, թե՛ ՀՀ քաղաքացիների մասով, նաև քաղաքացիություն չունեցող անձանց մասով և ստորադասել մի ոլորտը մյուսին, բնականաբար, չենք պատրաստվում: Հետևապես մեր փոփոխությունները միտված են երեք բլոկներով հավասարազոր կարգավորումներ նախատեսելուն, որն այս երեք թևերը կհավասարակշռի, և փոխլրացնող էֆեկտով կկարողանանք գործնականում տարբեր լուծումներ կյանքի կոչել»,-նշել է Արփինե Սարգսյանը։
Փոխնախարարն ընդգծել է հատկապես քաղաքացիություն ունեցող անձանց համար օրենսդրության կատարելագործման, վարչարարության թվայնացման աշխատանքների անհրաժեշտությունը։
Անդրադառնալով Հայաստանում քաղաքացիություն չունեցող անձանց թիվը զրոյացնելու՝ Միգրացիայի և քաղաքացիության ծառայության հանձնառությանը՝ փոխնախարարը նշել է, որ դա ոչ այնքան առաջնային մակարդակում միջազգային պարտավորության կատարում է, այլև մարդու իրավունքների պաշտպանությանը միտված խնդիրների հավաքագրում և լուծումների նախանշում։
Նա շնորհակալություն է հայտնել ՄԱԿ-ի Փախստականների հարցերով գերագույն հանձնակատարի գրասենյակին ու «Առաքելություն Հայաստան» հասարակական կազմակերպությանը՝ համագործակցության և արդյունավետ աշխատանքի համար։
«Փախստականների գլոբալ ֆորումի շրջանակներում մենք մի շարք հանձնառություններ ենք ստանձնել փախստականության ոլորտում: Ունեինք նաև փախստականների բնակարանային ապահովության ծրագիր, որը, ըստ էության, մինչև այս տարվա ավարտ իր ամբողջական տեսքը կստանա, և մենք այդ հանձնառությունը ևս կհամարենք կատարված: Բայց ունեինք նաև քաղաքացիություն չունեցող անձանց մասով հանձնառություններ»,-նշել է Միգրացիայի և քաղաքացիության ծառայության պետ Արմեն Ղազարյանը։
Արմեն Ղազարյանը ներկայացնելով այդ ուղղությանբ Հայաստանի պարտավորությունները՝ նշել է, որ քաղաքացիություն չունեցող անձանց օրենսդրական հիմքի ապահովման հանձնառությունն արդեն իրագործման ճանապարհին է, ինչը թույլ կտա ունենալ հստակ վարչարարություն և սահմանել քաղաքացիություն չունեցող անձանց իրավական կարգավիճակը։
ՄԱԿ-ի Փախստականների հարցերով գերագույն հանձնակատարի գրասենյակի գործառնությունների գծով ավագ պաշտոնյա Խալիդ Հալիմն իր ելույթում բարձր է գնահատել ապաքաղաքացիության կրճատման ուղղությամբ Հայաստանի կառավարության ներդրած ջանքերը: Նա նշել է, որ քաղաքացիություն չունեցող անձանց մասին համապարփակ օրենսդրության ընդունման նախաձեռնությունը կարևոր նշաձող է, ինչն ընդգծում է այդ անձանց բացահայտման և պաշտպանության հարցում ամուր իրավական հիմքի ու կարգավորումների կարևորագույն նշանակությունը։
«Վերահաստատում եմ ՄԱԿ-ի Փախստականների հարցերով գործակալության աջակցությունն այս կարևոր նախաձեռնությանը: Այս ձեռքբերումը առաջընթաց կլինի ոչ միայն Հայաստանի համար, այլև միջազգային հանրության հավաքական ջանքերի առումով կարևոր ներդրում կունենա ապաքաղաքացիության վերացման գործողությունների գլոբալ ծրագրի իրականացման հարցում: Յուրաքանչյուր նման ձեռքբերում հույսի հերթական փարոսն է՝ ապաքաղաքացիության երևույթին վերջ դնելուն ուղղված՝ «Ես պատկանում եմ» արշավի նպատակներին»,-ասել է ՄԱԿ-ի գերագույն հանձնակատարի գրասենյակի գործառնությունների գծով ավագ պաշտոնյա Խալիդ Հալիմը:
«Առաքելություն Հայաստան» բարեգործական հասարակական կազմակերպության փոխնախագահ Ալլա Հարությունյանն իր խոսքում ընդգծել է ներառական կազմով հանդիպման կարևորությունը՝ բարձր գնահատելով օրինագծի մշակման ուղղությամբ բազմակողմ ջանքերը։
Միգրացիայի և քաղաքացիության ծառայության պետի տեղակալ Մարիամ Գևորգյանը ներկայացրել է «Քաղաքացիություն չունեցող անձանց մասին» օրենքի նախագիծը։ Նա անդրադարձել է քաղաքացիություն չունեցող անձանց իրավական կարգավիճակին, նրանց հարցերով զբաղվող մարմինների գործառույթներին, արդի մարտահրավերներին ու խնդիրների լուծման ուղիներին։ Մարիամ Գևորգյանը ներկայացրել է օրինագծի կարգավորման առարկան և նպատակը, քաղաքացիություն չունեցող անձանց կարգավիճակը որոշելու ընթացակարգն ու նրանց հիմնական իրավունքներն ու պարտականությունները։
«Քաղաքացիություն չունեցող անձանց մասին» օրենքի նախագծի շուրջ ծավալվել է ակտիվ քննարկում։
Ամփոփելով մասնակիցների առաջարկությունները՝ Արփինե Սարգսյանը շնորհակալություն է հայտնել արդյունավետ քննարկումների և ակտիվ մասնակցության համար։
Նմանօրինակ քննարկումները շարունակական են։
Միջոցառումը կազմակերպվել էր «Աջակցություն անձը հաստատող փաստաթուղթ չունեցող անձանց և քաղաքացիությունը կորցնելու վտանգի տակ գտնվող անձանց բացահայտմանը» ծրագրի շրջանակում:
23:59 09.05.2025
Կստեղծվի մեկ միասնական տեղեկատվական համակարգ՝ բնակչության ռեգիստրում ներառման ենթակա տվյալներն ամբողջացնելու համարՄայիսի 8-ին Կառավարությունը հավանություն է տվել նաև ՆԳ նախարար Արփինե Սարգսյանի ներկայացրած «Բնակչության պետական ռեգիստրի մասին» օրենքի և հարակից օրենքների նախագծերի փաթեթին։ Գործող կարգավորումներով բնակչության ռեգիստրը հանդիսանում է մասնակի տեղեկատվություն պարունակող համակարգ։ Բնակչության վերաբերյալ տեղեկատվությունը պահպանվում է տարատեսակ տեղեկատվական համակարգերում՝ պայմանավորված այս կամ այն մարմինների խնդիրների իրականացման անհրաժեշտությամբ։ Նախագծի ընդունմամբ՝ մեկ միասնական տեղեկատվական համակարգում կմեկտեղվի […] ...
23:53 09.05.2025
Պեսկով. 30-օրյա զինադադարի քննարկումն անհնար է առանց բոլոր նրբությունները հաշվի առնելուՈւկրաինայի հետ 30-օրյա հրադադարի մասին բովանդակային քննարկումը անհնար է առանց նրբությունները հաշվի առնելու, հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով TASS-ի հարցին։ Կրեմլի խոսնակը նշել է, որ երբ ԱՄՆ նախագահ Դոնալդ Թրամփի վարչակազմը բարձրացրել է հրադադարի թեման, այն աջակցել է Ռուսաստանի նախագահ Վլադիմիր Պուտինը՝ «այն նախազգուշացմամբ, որ հրադադարի գաղափարի շուրջ կան բազմաթիվ նրբերանգներ, […] ...
23:48 09.05.2025
«Chevrolet»-ը Արտաքին գործերի նախարարության դիմաց վրաերթի է ենթարկել 2 հետիոտնի. վիրավորներից մեկը արտգործնախարարության աշխատակից էՄայիսի 9-ին, վրաերթ է տեղի ունեցել Երևանում։ Ժամը 22:10-ի սահմաններում «Chevrolet» մակնիշի ավտոմեքենան Վազգեն Սարգսյան փողոցում՝ ՀՀ Արտաքին գործերի նախարարության դիմաց, վրաերթի է ենթարկել 2 հետիոտնի։ Ինչպես հայտնում է shamshyan.com-ը, վարորդը փախուստի չի դիմել, քաղաքացիների օգնությամբ և օպերատիվորեն ժամանած շտապօգնության բժիշկների հետ օգնել է վիրավորներին տեղափոխել հիվանդանոց։ Դեպքի վայրում հավաքված մի քանի քաղաքացիներ նշել են, […] ...
23:42 09.05.2025
Պեսկով. Ռուսաստանը շնորհակալ է Թրամփին ուկրաինական հակամարտության հարցում խաղաղության ջանքերի համարՌուսաստանը շնորհակալ է ամերիկյան ղեկավարությանը ուկրաինական հակամարտության կարգավորմանն ուղղված ջանքերի համար և կողջունի ցանկացած երկրի մասնակցությունը դրան։ Այս մասին լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով այն հրապարակումները, որոնց համաձայն ԱՄՆ նախագահ Դոնալդ Թրամփը կարող է խնդրել Թուրքիային և Չինաստանին նպաստել Ուկրաինայի հարցով խաղաղ բանակցություններին։ «Մենք պետք է սպասենք, մինչև նա հարցնի, […] ...
23:34 09.05.2025
Վանաձորում բախվել են 2 «Mercedes»-ները և «Ford Transit»-ը․ կա 11 վիրավորՄայիսի 9-ին, ավտովթար է տեղի ունեցել Լոռու մարզում։ Ժամը 19։30-ի սահմաններում Վանաձոր քաղաքի Նարեկացի փողոցում բախվել են 52-ամյա Վարուժան Վ․-ի վարած «Mercedes» մակնիշի, 20-ամյա Տիգրան Ա․-ի վարած «Ford Transit» մակնիշի և 38-ամյա Կարեն Մ․-ի վարած «Mercedes» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 11 հոգի մարմնական վնասվածքներով տեղափոխվել են «Վանաձոր» բժշկական կենտրոն։ Լրատվամիջոցի տեղեկություններով հիվանդանոցում […] ...
23:24 09.05.2025
Շաբաթվա միջազգային անցուդարձի ամփոփումԱյսօր Երկրորդ աշխարհամարտում ֆաշիզմի դեմ տարած հաղթանակի օրն է: Այդ օրից անցել է 80 տարի: Այդ տոնակատարությունները Եվրոպայում սկսվել էին դեռ երեկ: Այն մեծ մասշտաբով նշվեց եվրոպական շատ մայրաքաղաքներում։ Իսկ Գերմանիայում այդ օրը մայիսի 8-ը մահացածների հիշատակի և սխալների մասին խորհելու օր էր: Բրիտանական մայրաքաղաքում՝ դերասան Թիմոթի Սփալը կարդաց Ուինսթոն Չերչիլի հայտնի հաղթական այն ռադիոելույթը, […] ...
