07:23 12.09.2018
Շուրջ մեկ ամսից կգործարկվի ՀՀ սփյուռքի նախարարության նոր կայքէջը, որը կլինի նոր ոճով, առավել ներկայանալի և մատչելի օգտագործման համար: Այս մասին նախարար Մխիթար Հայրապետյանը տեղեկացնում է ֆեյսբուքյան իր էջում:
«Սիրելի՛ հայրենակիցներ,
Ուրախ եմ ձեզ տեղեկացնել, որ շուրջ մեկ ամսից մենք կգործարկենք սփյուռքի նախարարության նոր կայքէջը (http://www.mindiaspora.am/): Այն կլինի նոր ոճով, առավել ներկայանալի և մատչելի օգտագործման համար: Հատկապես կարևորում եմ այն հանգամանքը, որ մեր հայրենակիցները հատուկ առանձնացված բաժնի միջոցով կկարողանան ծանոթանալ ՀՀ սահմանադրությանը, գործող օրենքներին, վարչապետի, կառավարության և սփյուռքի նախարարի որոշումներին ու հրամաններին, տեղեկացված կլինեն օրենսդրական նոր փոփոխությունների մասին: Հայաստանյան օրենսդրական դաշտի ոչ բավարար իմացությունը մեր հայրենակիցներից շատերի համար հայրենադարձվելու, ինչպես նաև ներդրումներ անելու հարցում խոչընդոտ է առաջացնում, ինչն էլ այս քայլով փորձում ենք մասամբ վերացնել:
Կարծում եմ՝ կհամաձայնեք, որ նախարարության նոր կայքում անհրաժեշտ է ունենալ նաև հաճախ տրվող հարցերի վերաբերյալ առանձնացված բաժին, որն ամբողջական տեղեկատվություն կտրամադրի այցելուներին, հնարավորություն տալով նաև հարցի պատասխանը գտնել կայքում որոնման կամ համակարգում արդեն իսկ առկա պատասխանների միջոցով:
Իսկ հիմա ամենակարևորի մասին: Կայքում ներդրված հատուկ պատուհանի շնորհիվ հնարավոր կլինի հարցն ուղղել նախարարության համապատասխան աշխատակցին և ստանալ համապարփակ պարզաբանում, իսկ եթե հարցերը պահանջում են նեղ ոլորտային մեկնաբանություն, մեր մասնագետները հարցատուին կտրամադրեն այլ կոնտակտային տվյալներ կամ կուղղորդեն՝ հարցի առանձնահատություններով պայմանավորված: Կլսենք նաև մեր հայրենակիցների առաջարկները, ավելի խորքային պատկերացում կկազմենք նրանց կարիքների վերաբերյալ: Եվ այս ամենը՝ ամենժամյա գրաֆիկով, բարձր պատասխանատվության զգացումով ու ժպիտով:
Այսպիսով, մեր նպատակն է դառնալ ավելի հասանելի աշխարհի յուրաքանչյուր երկրում ապրող յուրաքանչյուր սփյուռքահայի համար: Սա շարունակական ընթացք է և, իհարկե, նախարարության ամենագլխավոր առաքելություններից մեկը»,- ասված է նախարարի գրառման մեջ:
23:59 25.05.2025
Նախաձեռնություն՝ տարեցների համար. նրանք մասնակցում են օտար լեզուների, պարի և երգի դասընթացներիԵրևանը բոլորի քաղաքն է։ Կարևոր է, որ յուրաքանչյուր քաղաքացի՝ անկախ տարիքից, ունենա ակտիվ, ստեղծագործ և իմաստալից առօրյա։ Տարեցների աշխույժ ժամանցն ապահովելու նպատակով «Արժանավայել ծերություն» տարեցների շահերի պաշտպանություն ՀԿ-ն նախաձեռնել է մի ծրագիր, որի ընթացքում մեծահասակները մասնակցում են օտար լեզուների, պարի և երգի դասընթացների: Նախագծին աջակցում է Կենտրոն վարչական շրջանը: Մանրամասները՝ քաղաքապետարանի տեսանյութում: ...
23:34 25.05.2025
Երեք ֆուտբոլիստ լքում է ՄՅՈւ-նԱնգլիական «Մանչեսթեր Յունայթեդ» ակումբը իր պաշտոնական կայքում հայտարարել է, որ պաշտպաններ Վիկտոր Լինդելոֆը և Ջոնի Էվանսը, ինչպես նաև դանիացի կիսապաշտպան Քրիստիան Էրիկսենը, ընթացիկ մրցաշրջանի ավարտին կհեռանան ակումբից։ Այսօր՝ մայիսի 25-ին, երեք ֆուտբոլիստներն էլ մասնակցել են Անգլիայի Պրեմիեր լիգայի 38-րդ տուրի՝ «Աստոն Վիլլայի» հետ խաղին (2-0): ...
23:10 25.05.2025
Առողջապահության նախարարի տեղակալը ներկայացրել է ակնաբուժական ոլորտում մեր երկրի ձեռքբերումներըԱկնաբուժական ոլորտի ամենամյա միջոցառմանն այս տարի մասնակցում են առաջատար մասնագետներ ու պրոֆեսորներ ԱՄՆ-ից, Եվրոպայից, ԱՊՀ երկրներից: «Շատ կարևոր է գիտակրթական, համահայկական այս հարթակի դերը, որն աշխարհի տարբեր երկրների անվանի ակնաբույժների փորձառությունն ու գիտելիքը մեկտեղելու հրաշալի հնարավորություն է ընձեռում»,- ողջունելով Հայկական միջազգային ակնաբուժական կոնֆերանսի մասնակիցներին՝ նշել է առողջապահության նախարարի տեղակալ Արմեն Գասպարյանը։ Նախարարի տեղակալը ներկայացրել է […] ...
22:40 25.05.2025
Ճապոնիան առանց նախազգուշացման կրակ է բացել Ռուսաստանի սահմանի մոտՃապոնիայի առափնյա պահպանությունը սխալմամբ առանց նախազգուշացման կրակ է բացել Կունաշիրի մոտ՝ հրաձգության ուսումնավարժանքի ժամանակ, հայտնում է Yomiuri թերթը։ «Մայիսի 23-ին Հոկայդո նահանգապետության Նեմուրո առափնյա պահպանությունը հայտնել է, որ «Կավագիրի» պարեկային նավի անձնակազմը սխալ է թույլ տվել՝ կրակային վարժություններ անցկացնելով Շիրետոկո հրվանդանի ափերի մոտ՝ առանց մոտակա նավերին նավիգացիոն նախազգուշացում տալու», – ասվում է հաղորդագրությունում: Ըստ հրապարակման՝ […] ...
22:07 25.05.2025
Սլովակիայի վարչապետ Ռոբերտ Ֆիցոն պաշտոնական այցով ժամանեց ՀայաստանԵրկօրյա պաշտոնական այցով Հայաստանի Հանրապետություն է ժամանել Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։ ...
22:01 25.05.2025
Մեքենավարը անմիջապես կիրառել է ձայնային ազդանշաններ և արտակարգ արգելակում, սակայն բախումը կանխել չի հաջողվել. ՀԿԵ-ն մանրամասներ է հայտնել ողբերգական դեպքից«Հարավկովկասյան երկաթուղի»-ն հայտարարություն է տարածել, որում ասվում է․ «2025 թվականի մայիսի 25-ին՝ ժամը 14:35-ին, Էջմիածին–Մասիս երկաթուղային հատվածում տեղի է ունեցել դժբախտ պատահար մահվան ելքով։ Գյումրի–Երևան երթուղով ընթացող էլեկտրագնացքի մեքենավարական անձնակազմը, շարժվելով սահմանված արագությամբ, նկատել է երկաթուղային գծերի վրա կանգնած անձի, որը գտնվել է գնացքից մոտ 130 մետր հեռավորության վրա՝ մեջքով դեպի գնացքը։ Մեքենավարը անմիջապես կիրառել […] ...
