15:12 27.06.2024
Հունիսի 26-ին տեղի է ունեցել «ՀՀ ՆԳ նախարարության կողմից մատուցվող հանրային ծառայությունների որակի վերահսկողությունը՝ օրվա հրամայական» թեմայով քննարկում, որը գլխավորում էր ՆԳ նախարարության ծառայությունների մատուցման որակի վերահսկողության վարչության պետ Խաչատուր Իգիթյանը։
Մասնակցում էին նախարարության ենթակա ծառայությունների, ինչպես նաև «Աջակցություն ՀՀ իրավապահ մարմինների և անվտանգության ոլորտի բարեփոխումներին» ծրագրի ներկայացուցիչներ։
Խաչատուր Իգիթյանը շնորհակալություն է հայտնել ԵՄ գործընկերներին՝ ծառայությունների մատուցման որակի վերահսկողության գործընթացների ստանդարտացման ուղղությամբ կատարված համատեղ աշխատանքի համար։
Նա նշել է, որ նորաստեղծ վարչությունը ՆԳ նախարարության մասնագիտական կառուցվածքային ստորաբաժանում է, որն իր իրավասության շրջանակներում իրականացնում է Նախարարության և ենթակա մարմինների կողմից պետական ծառայությունների մատուցման որակի հսկողությունը, թույլտվությունների ու լիցենզիաների տրամադրման գործունեության նկատմամբ վերահսկողության գործուն մեխանիզմների կիրառման կազմակերպումը և իրականացումը:
«Վարչության նպատակը Նախարարության և ենթակա պետական մարմինների, ինչպես նաև կազմակերպությունների կողմից մատուցվող ծառայությունների շարունակական կատարելագործման ապահովումն է, նաև այնպիսի ծառայությունների մատուցումը, որը կբավարարի ծառայություն ստացողի սպասումները: Դրա համար պետք է համատեղ ուժերով լուծենք մեր առջև դրված հետևյալ խնդիրները՝ մատուցվող ծառայությունների արդյունավետության բարձրացում, կանխատեսելիության ապահովում և հասանելիության ու դյուրինության ապահովում»,-նշել է Խաչատուր Իգիթյանը:
Նա հավելել է, որ Վարչության աշխատակիցներն իրավունք ունեն անարգել այցելել Նախարարության կառուցվածքային ստորաբաժանումներ, ենթակա պետական մարմիններ և օրենքով նախատեսված դեպքերում նաև կազմակերպություններ՝ օրենսդրությամբ սահմանված կարգով անհրաժեշտ գործողություններ կատարելու, փաստաթղթեր, նյութեր ու գործեր կամ դրանց վերաբերյալ տեղեկություններ պահանջելու և սահմանված այլ գործողություններ իրականացնելու համար:
Վարչության ծառայությունների որակի գնահատման բաժնի պետ Էթերի Գրիգորյանը ներկայացրել է Վարչության կողմից մշակված՝ հանրային ծառայությունների մատուցման որակի ապահովման համար նախատեսված ստանդարտները:
Ներկայացվել են նաև միջազգային փորձագետների հետ լավագույն չափորոշիչներին համահունչ մշակված և Հայաստանում տեղայնացված ծառայությունների մատուցման որակի վերահսկողության հիմնական ցուցանիշները, մեթոդաբանությունը:
Նշենք, որ ՆԳ նախարարի կողմից հաստատվել է Վարչության 2024 թ. տարեկան ծրագիրը, որում հիմնական շեշտը վերաբերում է ստանդարտների ներդրմանը, ինչը թույլ կտա ծառայությունների մատուցման որակի ուղղությամբ վարել ապացուցահեն վիճակագրություն:
Ծավալվել է ակտիվ քննարկում՝ կատարողական ցուցանիշների հաշվարկման մեթոդաբանության շուրջ։
Պայմանավորվածություն է ձեռք բերվել համագործակցությունն առավել ակտիվացնելու ուղղությամբ։
19:54 30.06.2025
Հուսով եմ` Տոպուրիայի հաջորդ մրցակիցը կլինի Ծառուկյանը․ ՎարդանյանՀայ մարտիկ Էդուարդ Վարդանյանը հույս ունի, որ UFC-ի թեթև քաշային կարգի նոր չեմպիոն Իլյա Տոպուրիայի հաջորդ մրցակիցը կլինի Արման Ծառուկյանը։ Այս մասին հաղորդում է Mma.metaratings.ru-ն: «Ես սպասում էի այդքան արագ նոկաուտ։ Իլյան, հավանաբար, UFC-ի գլխավոր նոկաուտիստն է։ Հուսով եմ, որ նրա հաջորդ մրցակիցը կլինի Արման Ծառուկյանը։ Չնայած ընդհանուր առմամբ անհասկանալի է, թե ինչպես է Փիմբլեթը […] ...
19:46 30.06.2025
Արդյունավետ քաղպաշտպանությունը՝ օրակարգային․ երկփուլ ուսումնավարժանք Լոռու մարզումՀունիսի 27-ին Փրկարար ծառայության տնօրեն-ՆԳ նախարարի տեղակալ Կամո Ցուցուլյանն այցելել է Լոռու մարզային փրկարարական վարչություն։ Այցի շրջանակում տեղի է ունեցել աշխատանքային քննարկում, որին ներկա էին մարզային վարչությունների ղեկավար կազմն ու ստորաբաժանումների պատասխանատուները։ Նախարարի տեղակալը ներկայացրել է Փրկարար ծառայության առաջնահերթությունները, վեր է հանել առկա խնդիրները՝ դրանց արդյունավետ լուծման ուղղությամբ տալով կոնկրետ հանձնարարություններ։ Ծառայության որակի լավարկման նպատակով […] ...
19:42 30.06.2025
Վարչապետը միջազգային գիտաժողովի շրջանակում ներկայացրել է Իրական Հայաստանի գաղափարախոսությունըՎարչապետ Նիկոլ Փաշինյանը Հայաստանի ամերիկյան համալսարանում Հանրային հարցերի բարոյագիտական կենտրոնի միջազգային գիտաժողովի շրջանակում ներկայացրել է Իրական Հայաստանի գաղափարախոսությունը: Երկրի ղեկավարը նաև պատասխանել է ներկաների հարցերին, որոնք վերաբերել են բանախոսությամբ ներկայացված թեզերին, Հայաստանի առջև ծառացած մարտահրավերներին և դրանց լուծման ուղղությամբ ՀՀ Կառավարության քայլերին ու տեսլականին: Գիտաժողովի ընթացքում քննարկվել են ժամանակակից աշխարհում ազգային ինքնության դերին, նշանակությանը և […] ...
19:38 30.06.2025
Երեք տասնամյակ տևած հակամարտությունից հետո մենք պետք է վստահություն կառուցենք. Սարգիս ԽանդանյանԵԱՀԿ ԽՎ-ում ՀՀ ԱԺ պատվիրակության ղեկավար, ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը ելույթ է ունեցել ԵԱՀԿ ԽՎ 32-րդ տարեկան նստաշրջանի քաղաքական եւ անվտանգային հարցերի հանձնաժողովի նիստում: «Պարո՛ն նախագահ, կցանկանայի իմ երախտագիտությունը հայտնել Ձեզ գերազանց աշխատանքի, զեկույցի պատրաստման եւ բանաձեւի նախագծման համար: Այն բավականին օբյեկտիվորեն է արտացոլում ԵԱՀԿ տարածաշրջանում առկա աշխարհաքաղաքական եւ անվտանգային […] ...
19:30 30.06.2025
Կրթության ոլորտի բարեփոխումներն այլընտրանք չունեն. Ժաննա ԱնդրեասյանԿԳՄՍ նախարար Ժաննա Անդրեասյանը ՀՀ կենտրոնական բանկի Դիլիջանի մասնաճյուղում մասնակցել է Հայ մշակութային և գիտական ընկերակցության (ASOF) ամենամյա չորրորդ ամենամյա համաժողովին՝ ներկայացնելով Հայաստանում կրթության ոլորտի բարեփոխումները: ԿԳՄՍ նախարար Ժաննա Անդրեասյանը, ողջունելով ներկաներին, կարևորել է նմանօրինակ հարթակների ձևավորումը՝ կրթական համակարգում առկա խնդիրների բարձրաձայնման, տարբեր տեսակետների փոխանակման և համագործակցության խթանման առումով։ Նախարարը նշել է, որ Հայաստանի կրթական […] ...
