12:38 28.06.2024
Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մեհդի Սոբհանին հույս է հայտնել, որ Իրանի՝ հունիսի 28-ին մեկնարկած նախագահական ընտրություններում կգրանցվեն այնպիսի արդյունքներ, որոնք ի նպաստ կլինեն ինչպես իրանցի ժողովրդի, այնպես էլ հայ-իրանական երկկողմ հարաբերությունների զարգացմանը։
«Արմենպրես»-ի թղթակցի հաղորդմամբ՝ այս մասին դեսպանը հայտարարեց ՀՀ-ում ԻԻՀ դեսպանատանը մեկնարկած նախագահական ընտրությունների քվեարկության ընթացքում լրագրողների հետ զրույցում:
«Այսօր ճակատագրական օր է Իրանի և վերջինիս ժողովրդի համար. Իրանի ժողովուրդն առաջիկա 4 տարվա համար ընտրում է իր նախագահին»,- ասաց Սոբհանին։
Դեսպանը նշեց, որ սա Իրանի Իսլամական Հանրապետության արդեն 14-րդ նախագահական ընտրությունն է և այն ցույց է տալիս, որ Իրանի կառավարությունը, այն համակարգն ու վարչակարգը, որը ստեղծվում է՝ հիմնված է Իրանի ժողովրդի քվեի և որոշման վրա։
«Այսօր մենք քվեարկում ենք հանուն հզոր Իրանի, հանուն առաջադեմ, երջանիկ և զարգացած Իրանի։ Այսօր առավոտյան ժամը 8։00-ից մեզ մոտ արդեն սկսել են ընտրությունները, և Իրանի այն քաղաքացիները, որոնք բնակվում են Հայաստանում կամ այն իրանցի զբոսաշրջիկները, որոնք գտնվում են Հայաստանում՝ այցելել են այստեղ և իրենց ձայնն են տվել նախագահական ընտրություններում, ինչը նշանակում է, որ Իրանի ճակատագիրը նրանց համար կարևոր է»,- նկատեց դեսպանը և հավելեց, որ ընտրությունների համար նախատեսված է երեք քվեատուփ, որոնցից մեկը շարժական է. առաջին ընտրատեղամասը հենց դեսպանատանն է գտնվում, երկրորդը՝ Երևանի Կապույտ մզկիթում, իսկ երրորդը շրջիկ է և նախատեսված է այն քաղաքացիների համար, ովքեր վատառողջ են, գտնվում են քրեակատարողական հիմնարկներում կամ այլ պատճառներից ելնելով չեն կարողանում այցելել ընտրատեղամասեր։
Մեհդի Սոբհանին մանրամասնեց, որ նախատեսված է ընտրություններն անցկացնել առավոտյան ժամը 8։00-19։00-ն, սակայն օրենքով սահմանված է, որ անհրաժեշտության դեպքում այդ ժամանակը կարող է ավելացվել։
«Ես համոզված եմ, որ Հայաստանում շատ լուրջ և հետևողական են վերաբերում և հետևում Իրանի նախագահական ընտրություններին, և լիահույս եմ, որ այսօրվա ընտրությունների արդյունքում մենք կունենանք այնպիսի արդյունք, որն ի նպաստ կլինի ինչպես իմ սիրելի ժողովրդի ու երկրի, այնպես էլ Իրան-Հայաստան երկկողմ հարաբերությունների զարգացմանը»,- եզրափակեց դեսպան Սոբհանին։
17:48 07.05.2025
Քննարկվել են Հախում գետի վրա նոր կառուցվելիք կամրջի հետ կապված հարցերՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը, «Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը, հիմնադրամի այլ պատասխանատուներ այցելել են Տավուշի մարզ՝ տեղում քննարկելու Իծաքար-Գանձաքար ճանապարհին՝ Հախում գետի վրա նոր կառուցվելիք կամրջի հետ կապված հարցեր։ Մասնագետների և գործընկերների հետ մանրամասն ուսումնասիրվել է նոր կառուցվելիք կամրջի նախատեսվող տեղադիրքը։ Անդրադարձ է եղել կամրջի նախագծային լուծումներին, կառուցման […] ...
17:42 07.05.2025
Քննարկվել են ՀՀ-ԵՄ Համապարփակ և ընդլայնված գործընկերության համաձայնագրով նախատեսված էներգետիկայի եւ տրանսպորտի ոլորտների բարեփոխումներըԱԺ եվրոպական ինտեգրման հարցերի մշտական հանձնաժողովի նախագահի տեղակալ Մերի Գալստյանի նախաձեռնությամբ տեղի է ունեցել աշխատանքային քննարկում Տարածքային կառավարման եւ ենթակառուցվածքների նախարարի տեղակալ Արմեն Սիմոնյանի ու նախարարության աշխատակազմի ներկայացուցիչների հետ: Առանցքում եղել են Հայաստան-Եվրոպական միություն Համապարփակ եւ ընդլայնված գործընկերության համաձայնագրի կիրարկման ընթացքը, մասնավորապես՝ էներգետիկայի եւ տրանսպորտի ոլորտներում բարեփոխումները: Նշվել է, որ համաձայնագրով նախատեսված հրահանգներին համահունչ մշակվել […] ...
17:35 07.05.2025
Անահիտ Ավանեսյանն աշխատանքային այց է կատարել ԱՆ Կախվածությունների բուժման ազգային կենտրոնԱռողջապահության նախարար Անահիտ Ավանեսյանն աշխատանքային այց է կատարել ԱՆ Կախվածությունների բուժման ազգային կենտրոն: Նախարարը հանդիպում է ունեցել անձնակազմի հետ, ներկայացրել կենտրոնի տնօրենի ժամանակավոր պաշտոնակատար բժիշկ-թմրաբան Գայանե Վարդազարյանին: Անահիտ Ավանեսյանը շնորհակալությունն է հայտնել այս տարիներին կատարված աշխատանքի համար, նշել, որ պետք է մնալ զարգացման ուղեծրում և որպես պետական բուժկենտրոն առաջ շարժվել զարգացման նոր տեսլականով: Նախարարը շրջել […] ...
17:28 07.05.2025
Վթարային ջրանջատում՝ Արմավիրի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող աշխատանքներով պայմանավորված, ս.թ. մայիսի 8-ին՝ ժամը 10:00-18:00-ն, կդադարեցվի Արմավիրի մարզի Արմավիր քաղաքի՝ Արարատյան, Սահմանապահներ, Սայաթ-Նովայի և Շահումյան փողոցների բազմաբնակարան շենքերի, Գործարանային փող. 1,2 շենքերի ջրամատակարարումը։ Մնացած բազմաբնակարան շենքերում հնարավոր է նկատվի ջրի ճնշման անկում: Ընկերությունը հայցում է սպառողների ներողամտությունը պատճառված անհանգստության և […] ...
17:23 07.05.2025
Վարչապետը հաստատել է, որ Մոսկվայում մասնակցելու է Հաղթանակի օրվա շքերթինՎարչապետ Նիկոլ Փաշինյանը հաստատել է, որ Մոսկվայում մասնակցելու է Հաղթանակի շքերթին։ Այս մասին վարչապետը հայտնել է լրագրողների հետ զրույցում: «Այո, Մոսկվա գնալու եմ»,-պատասխանելով ՌԴ մեկնելու մասին հարցին՝ ասել է Նիկոլ Փաշինյանը: ...
17:18 07.05.2025
Բուհն ու մասնագիտությունը նշելը պարտադիր է. ԳԹԿ փոխտնօրենի զգուշացումըԲուհերի ընդունելության միասնական քննությունների 2-րդ փուլի հայտագրման ժամանակահատվածում բոլոր դիմորդներն այս տարի պարտավոր են նշել բուհը, մասնագիտությունը, իսկ եթե ցանկանում են հանձնել նաև ներբուհական քննություններ՝ պետք է նշեն նաև այդ քննությունները: Այս մասին այսօր հրավիրված մամուլի ասուլիսին տեղեկացրել է ԳԹԿ տնօրենի տեղակալը: «Եթե 2025թ․-ի հունվարին ունեցել ենք 11608 դիմորդ, ապա այսօր արդեն ունենք 12820 դիմորդ, […] ...
