13:50 14.09.2018
Սեպտեմբերի 13-ին աշխատանքային այցով Շվեյցարիայի Ժնև քաղաքում գտնվող Հայաստանի արտգործնախարար Զոհրաբ Մնացականյանը հանդիպում ունեցավ շվեյցարահայ համայնքի ներկայացուցիչների հետ:
Ողջույնի խոսքով դիմելով հյուրերին՝ նախարար Մնացականյանը, մասնավորապես, նշեց, որ վերջին տարիներին Հայաստանը Շվեյցարիայի հետ զարգացրել է դինամիկ և հետաքրքիր հարաբերություններ: Նախարարը երախտիքի խոսք հայտնեց ներկաներին, որ վերջիններս համառ և հետևողականորեն պաշտպանում են իրենց ինքնությունը, պահպանում կապը հայրենիքի հետ և ստեղծում համայնքի համակարգային, շարունակականություն ապահովող կյանք: «Յուրաքանչյուրդ տարել եք այդ աշխատանքը, որպեսզի մեր ժողովրդի, մեր պատմության, մեր ինքնության արժեքները բավական ամուր լինեն»,- հավելեց նախարարը:
Նախարարը նշեց, որ լինելով նոր կառավարության անդամ՝ ստանձնել է այդ պատրաստակամությունը և ցանկությունը՝ կիսելու քաղաքական պատասխանատվությունն այսօրվա Հայաստանի համար: «Այն, որ այսօրվա կառավարությունն ունի ժողովրդի կողմից տրված հսկայական ամուր մանդատ, ոգևորիչ է, բայց և պարտավորեցնող: Մեր կառավարության գերակայություններն են արդարության, օրենքի գերակայության, կոռուպցիայի դեմ պայքարի, սոցիալ-տնտեսական կյանքում հավասար պայմանների ապահովումը, մարդու իրավունքների, ժողովրդավարական ինստիտուտների ամրապնդումը: Կառավարությունը նաև մոբիլիզացնում է ուժերը, որպեսզի հստակ և կանխատեսելի զարգացման ծրագիրն իրականացնի»:
Նախարարը վերահաստատեց. «Հայաստանը հայրենիքի այն աշխարհագրական հատվածն է, որտեղ մենք վերականգնեցինք մեր ինքնավարությունը, մեր պետականությունը, մեր տեղը միջազգային հանրությունում, որտեղ մենք՝ որպես պետություն, կարող ենք պաշտպանել և զարգացնել մեր ինքնությունը և մեր արժեքները»: Վերջիններիս պահպանման համար, նախարարի հավաստմամբ, առկա են բազմաթիվ ինստիտուտներ՝ կրոնը, հավատքը, լեզուն, մշակույթը, փիլիսոփայությունը, միտքը, որոնք կարողացել ենք պահպանել դարերի ընթացքում և ճանաչել մեզ՝ որպես հայ:
Ես պատիվ եմ ունեցել աշխատելու և ապրելու աշխարհի տարբեր հատվածներում, և միշտ առնչվել եմ նույն վերաբերմունքին, որ Հայաստանի կյանքն անտարբեր չի թողնում հայերին, որտեղ էլ իրենք լինեն: Կարող են լինել քննադատական, իդեալիստական տարբեր մոտեցումներ, կարող են չհամաձայնվել, բանավիճել: Սա ի ցույց է դնում մեկ հստակ երևույթ, որ որևէ մեկն անտարբեր չէ այն ամենին, ինչ կոչվում է հայ, հայ ժողովուրդ և հայ պետականություն»:
«Միշտ գործ կա անելու միասին, միշտ ծրագրեր կան անելու միասին»,- իր խոսքը եզրափակեց նախարար Մնացականյանը:
22:01 25.06.2025
Երկրաշարժ Մարտունի քաղաքից 5 կմ հյուսիս-արևմուտքՀունիսի 25-ին, տեղական ժամանակով ժամը 21:35-ին (Գրինվիչի ժամանակով` ժամը 17։35-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.16⁰ և արևելյան երկայնության 45․25⁰ աշխարհագրական կոորդինատներով Հայաստան՝ Գեղարքունիքի մարզի Մարտունի քաղաքից 5 կմ հյուսիս-արևմուտք, օջախի 10 կմ խորությամբ, 1․9 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը […] ...
21:53 25.06.2025
Ես ամենաբարդ մրցակիցն եմ քո համար․ Ծառուկյանի պատասխանը ՏոպուրիայինUFC-ի մարտիկ Արման Ծառուկյանը X սոցիալական ցանցի իր էջում պատասխանել է Իլիա Տոպուրիային: Վերջինս քննադատել էր Ծառուկյանին իր և Չարլզ Օլիվեյրայի սպասվող մենամարտում բրազիլացուն փոխարինողի դերում լինելու համար: «Ավելի լավ է աղոթես, որ Չարլզին ոչինչ չպատահի, քանի որ ես ամենաբարդ մրցակիցն եմ քո համար այս դիվիզիոնում: Կա պատճառ, թե ինչու ես դու այդ գոտու համար […] ...
21:48 25.06.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 26-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Տիգրան Մեծի պող. 23-31 շենքեր, Արհեստավորների փ. 3-14 առանձնատներ և հարակից ոչ բնակիչ-բաժանորդներ, Հնդկաստանի փ. 4, 4/13, 4/17 շենքեր, Ձորափի փ. 40, 40/13 ոչ բնակիչ-բաժանորդներ, Երևանի Արաբկիր վարչական շրջան՝ […] ...
21:46 25.06.2025
ՃՏՊ Գյումրի-Վանաձոր ավտոճանապարհին․ կան տուժածներՀունիսի 25-ին, ժամը 18:58-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջաջուռի ոլորաններում տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Գյումրի-Վանաձոր ավտոճանապարհի 17-րդ կմ-ին «Toyota» մակնիշի ավտոմեքենան դուրս է եկել երթևեկելի հատվածից, գլորվել և հայտնվել […] ...
21:37 25.06.2025
Արարատ Միրզոյանը հեռախոսազրույց է ունեցել ԱՄԷ փոխվարչապետ, շեյխ Աբդալլահ բին Զայեդ Ալ Նահյանի հետՀՀ ԱԳ նախարար Արարատ Միրզոյանը հեռախոսազրույց է ունեցել Արաբական Միացյալ Էմիրությունների փոխվարչապետ, ԱԳ նախարար շեյխ Աբդալլահ բին Զայեդ Ալ Նահյանի հետ։ Այս մասին հայտնում են ԱԳՆ-ից։ «Զրուցակիցները քննարկել են տարածաշրջանային կայունության և անվտանգության հարցեր։ Նախարար Միրզոյանը և շեյխ Աբդալլահ բին Զայեդ Ալ Նահյանը մտքեր են փոխանակել Հարավային Կովկասում և Մերձավոր Արևելքում խաղաղության ապահովմանն ուղղված ջանքերի […] ...
