11 05 2024

$

388.01
4.20
€

418.24

+13.09 ^oC

«Զինագործներ»-ը «Բանակայիններ»-ի դեմ. լոնդոնցիները ֆավորիտն են

ՍՊՈՐՏ

19:17 03.04.2018

ՈՒԵՖԱ-ի «Եվրոպա» լիգայի խաղարկության 1/4 եզրափակչում Լոնդոնի «Արսենալ»-ը կպայքարի Մոսկվայի «ԲԿՄԱ»-ի հետ:

Բուքմեյքերական ընկերությունները այս զույգի ֆավորիտ համարում են անգլիական ակումբին: Երկու խաղերի արդյունքով կիսաեզրափակիչ անցնելու համար «Արսենալ»-ի գործակիցը 1.2 է, ԲԿՄԱ-ինը 4.2:

Լոնդոնում կայանալիք առաջին խաղում դարձյալ բացահայտ ֆավորիտ են համարում «Զինագործներին». նրանց հաղթանակի համար սահմանվել է 1.35 գործակից, ռուսական ակումբի հաղթանակը գնահատվում է 9.5 գործակցով, ոչ-ոչքին՝ 4.85:

Այս խաղում գոլ խփելու համար ամենաբարձր գործակիցն ունեն լոնդոնյան ակումբի հարձակվողներ Դենի Ուելբեքը և Ալեքսանդր Լակազետը: Հայաստանի հավաքականի և «Արսենալ»-ի կիսապաշտպան Հենրիխ Մխիթարյանի գոլ խփելու հնարավորությունը ևս բարձր է գնահատվում՝ 2.2 գործակից:

Բանակայինների կազմում գոլ խփելու ամենահավանական թեկնածուն բրազիլացի հարձակվող Վիտինյոն է. նրա համար սահմանվել է 4 գործակից:

Ֆուտբոլային փորձագետներն այս խաղից առաջ ուշադրություն են հրավիրում այն փաստի վրա, որ ռուսական ակումբը վերջին երեք տարում ճգնաժամի պատճառով լուրջ ձեռքբերումներ չի ունեցել:

Ըստ transfermarkt.de կայքի` «Բանակայիններ»-ը երեք տարվա ընթացքում տրանսֆերների վրա ծախսել են ընդամենը 1.5 մլն եվրո: Ի տարբերություն ռուսական ակումբի «Արսենալ»-ը երեք տարում նոր ֆուտբոլիստներ ձեռք բերելու համար ծախսել է 252 մլն եվրո:

Նույն կայքի տվյալներով լոնդոնցիներն իրենց ֆուտբոլիստների ընդհանուր տրանսֆերային արժեքով մոտ հինգ անգամ գերազանցում են մրցակցին. «Արսենալ»-ի ֆուտբոլիստների գումարային «արժեքը» 492.5 մլն եվրո է, «ԲԿՄԱ»-ինը՝ 101.7 մլն եվրո, բայց պետք չէ մոռանալ, որ խաղադաշտում թվերը չեն ֆուտբոլ խաղում:

«Եվրոպա» լիգայի խաղարկության 1/4 եզրափակիչ «Արսենալ» – ԲԿՄԱ առաջին հանդիպումը կկայանա այս հինգշաբթի՝ ապրիլի 5-ին, պատասխան խաղը մեկ շաբաթ անց՝ ապրիլի 12-ին: Երկու խաղերն էլ ուղիղ եթերով կհեռարձակվի «Շանթ» և «Շանթ Պրեմիում» հեռուստաալիքներով:

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 11.05.2024
Ոստիկանությունը ջրցան մեքենաներ է կիրառել Թել Ավիվում հակակառավարական ցույցը ցրելու համար

Կապակցված լուրեր

18:13 11.05.2024

Վարդին կարող է փոխել ակումբային գրանցումը

«Լեսթերի» հարձակվող Ջեյմի Վարդին ամառային տրանսֆերային պատուհանի ընթացքում կարող է փոխել ակումբային գրանցումը։ Ինչպես հայտնում է Mirror-ը, «Լեսթերը» դեռ չի առաջարկել 37-ամյա անգլիացուն նոր պայմանագիր, իսկ ակումբի հետ ֆուտբոլիստի գործող պայմանագիրն ավարտվում է այս տարվա հունիսի վերջին։ «Ռեքսհեմը», որի սեփականատերը հոլիվուդյան աստղ Ռայան Ռեյնոլդսն է, հաջորդ մրցաշրջանում հանդես կգա Չեմպիոնշիփում։ ...

17:44 11.05.2024

«Մանչեսթեր Սիթին» արտագնա խաղում հաղթեց «Ֆուլհեմին»

Անգլիայի Պրեմիեր լիգայի 37-րդ տուրի շրջանակում «Մանչեսթեր Սիթին» արտագնա խաղում հաղթեց «Ֆուլհեմին» 4-0 հաշվով։ Հյուրերի կազմում դուբլ ձևակերպեց Յոշկո Գվարդիոլը, ևս մեկական անգամ աչքի ընկան Ֆոդենը և Ալվարեսը (11մ)։ Նշենք, որ այս խաղում երկու գոլային փոխանցում է կատարել Սիլվան, ևս մեկ փոխանցում՝ Դե Բրույնեն։ «Մանչեսթեր Սիթին» այժմ ունի 85 միավոր և գլխավորում է մրցաշարային աղյուսակը։ […] ...

17:00 11.05.2024

Մոդրիչը որոշում է կայացրել իր ապագայի վերաբերյալ

Մադրիդի «Ռեալի» 38-ամյա կենտրոնական կիսապաշտպան Լուկա Մոդրիչը կհեռանա Արքայական ակումբից այս մրցաշրջանի ավարտին, երբ ավարտվի նրա պայմանագիրը։ Այս մասին հայտնում է լրագրող Ռամոն Ալվարես դե Մոնը, փոխանցում է armsport.am-ը: Աղբյուրի համաձայն՝ 10-րդ խաղային համարը, որով հանդես է գալիս խորվաթ ֆուտբոլիստը, բաժին կհասնի հարձակվող Կիլիան Մբապեին, ով երեկ հայտարարել է ՊՍԺ-ից՝ ընթացիկ մրցաշրջանի ավարտից հետո հեռանալու […] ...

14:45 11.05.2024

Հրայր Ալիխանյանը հաղթել է մեկնարկում. Վարկանիշային մրցաշար

Շարունակվում է Փարիզի Օլիմպիական խաղերի համար ըմբշամարտի վարկանիշային վերջին մրցաշարը։ Այսօր մրցում են ազատ ոճային ըմբիշները։ Հայաստանը մրցաշարում ունի 4 ներկայացուցիչ՝ Հրայր Ալիխանյանը (74 կգ), Մուշեղ Մկրտչյանը (86 կգ), Սերգեյ Սարգսյանն (97 կգ) ու Լյովա Գևորգյանը (125 կգ): Հրայր Ալիխանյանը (74 կգ) հաղթել է 7-0 հաշվով Գերմանիան ներկայացնող Շամիլ Ուստաևին։ Ավելի վաղ մեկնարկում Լյովա Գևորգյանը […] ...

14:04 11.05.2024

Լյովա Գևորգյանը հաղթանակով է մեկնարկում. Վարկանիշային մրցաշար

Շարունակվում է Փարիզի Օլիմպիական խաղերի համար ըմբշամարտի վարկանիշային վերջին մրցաշարը։ Այսօր մրցաշարում պայքարն են սկսում ազատ ոճային ըմբիշները։ Օլիմպիական ուղեգրերի համար կպայքարեն նաև Հայաստանի 4 ներկայացուցիչներ՝ Հրայր Ալիխանյանը (74 կգ), Մուշեղ Մկրտչյանը (86 կգ), Սերգեյ Սարգսյանն (97 կգ) ու Լյովա Գևորգյանը (125 կգ): Լյովա Գևորգյանը (125 կգ) հաղթեց մեկնարկում Գենադի Կուդինովիչին 11-0 հաշվով։ Նրա հաջորդ […] ...

22:41 10.05.2024

Մայիս Ներսիսյանը ոսկե մեդալ է նվաճել Եվրոպայի առաջնության մարտական սամբոյի 64 կգ քաշային կարգում

Հայաստանի սամբոյի հավաքականի անդամ Մայիս Ներսիսյանը ոսկե մեդալ է նվաճել Սերբիայի Նովի Սադ քաղաքում անցկացվող Եվրոպայի առաջնության մարտական սամբոյի 64 կգ քաշային կարգում: Ներսիսյանը եզրափակչում 11:00 հաշվով վստահ հաղթանակ է տարել մրցակցի նկատմամբ ու հռչակվել Եվրոպայի չեմպիոն: Հայաստանի մյուս ներկայացուցիչներ, 64 կգ քաշային Նարեկ Դալլաքյանը, 98 կգ քաշային Արսեն Խանջյանը, ինչպես նաև մարտական սամբոյի 98 […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.