14:26 23.09.2018
«Իմ քայլը» դաշինքի քաղաքապետի թեկնածու Հայկ Մարությանը քվեարկելուց առաջ պատասխանեց լրագրողների հարցերին: Նա նախ՝ շնորհավորեց իր գնահատմամբ վերջին տասնամյակների ընթացքում առաջին ազատ և արդար ընտրությունների կապակցությամբ, նշեց` ժողովրդավարությունը պետք է սկսել այդտեղից: Մարությանն արձագանքեց քննադատություններին, թե քարոզարշավին ակտիվորեն մասնակցել է նաև վարչապետ Նիկոլ Փաշինյանը:
«Քաղաքականությունը թիմային գործընթաց է, և բոլորը քվեարկում են թիմին, թիմի մեջ կան բոլորը: Վարչապետը «Քաղաքացիական պայմանագրի» վարչության անդամ է և իրավունք ունի մասնակցելու քարոզչական ամբողջ գործընթացին: Թե վարչապետը որքանով կմասնակցի քարոզարշավին, դա իր որոշելիքն է»,- ասաց նա:
Քաղաքապետի թեկնածուն ասաց, որ կոնկրետ իրենց ուժի նկատմամբ էլ սև PR-ի տարրեր են օգտագործվել, իրականությանը չհամապատասխանող նյութեր են հրապարակվել, սակայն դա նորմալ գործընթաց է: Նրա խոսքով` ընդհանրապես ընտրարշավը հենց այն է, ինչ տեղի ունեցավ:
«Ամբողջ աշխարհում այդպես է, ուղղակի մենք սովոր չենք: Մեզ մոտ ինչպե՞ս էին անցնում ընտրությունները` հանգիստ, խաղաղ, ընտրությունն ավարտվում էր, հետո նոր սկսվում էին հետընտրական գործընթացները»,- ասաց նա:
Խոսելով հաղթանակի դեպքում կոալիցիա կազմելու հնարավորության մասին՝ Մարությանը նշեց, որ իրենք պատրաստ են յուրաքանչյուր ձևաչափով աշխատանքի, քանի որ իր թիմի և իր համար ամենակարևորը Երևանը կառուցելն է, Երևանը երազանքների քաղաք դարձնեպը, թե դա ինչ ճանապարհով կլինի, էական չէ, կարևոր է նաև բոլորի պայծառ մտքերը օգտագործել:
Քաղաքապետի թեկնածուն նշեց, որ իր` քաղաքապետ լինել-չլինելու հետ կյանքի ոչ մի փոփոխություն չի կապում, պարզ է միայն այն, որ հաղթանակի դեպքում իր զբաղվածությունը ավելի մեծ է լինելու, քան նախկինում, և դրանով պայմանավորված` իր կյանքի հունը կփոխվի: Չհաղթելու դեպքում Պրահայում հաստատվելու հեռանկարների մասին հարցին Մարությանը պատասխանեց.
«Ես 14 տարի է` ունեմ Պրահայում ապրելու այդ հնարավորությունները: Եթե ես ցանկանայի, կգնայի և կապրեի, այնինչ ես և իմ ընտանիքն ապրում ենք Երևանում, որովհետև իրոք Երևանը աշխարհում մեր ամենասիրելի քաղաքն է: Սրանք լոկ խոսքեր չեն, ես շատ քաղաքներում եմ եղել, հնարավորություն ունեմ շատ քաղաքներում ապրելու, սակայն ցանկանում եմ, որ մարդիկ այստեղ կարողանան լավ, երջանիկ ապրել, չմտածեն այստեղից տեղափոխվելու մասին»:
Մարությանը վստահեցրեց` մրցակիցներից ցանկացածին հաղթանակի դեպքում շնորհավորելու է, որովհետև ստացել են ժողովրդի վստահության քվեն:
13:35 01.05.2025
Դպրոցականների խմբին վրաերթի ենթարկած տղամարդը խոստովանել է, որ ցանկացել է նրանց սպանելՃապոնիայի Օսակա քաղաքում դպրոցականների ուղղությամբ մեքենան վարած 28-ամյա տղամարդը խոստովանել է, որ ցանկացել է սպանել նրանց, հաղորդում է Kyodo լրատվական գործակալությունը։ «Ես ամեն ինչից հոգնել էի։ Ուզում էի մեքենայով վրաերթի ենթարկել դպրոցականներին և սպանել նրանց», – ոստիկանությանը տված նրա խոստովանությունը մեջբերում է «Կիոդո» լրատվական գործակալությունը։ Տղամարդը ձերբակալվել է սպանության փորձի կասկածանքով։ Ավելի վաղ NHK-ն հայտնել […] ...
13:20 01.05.2025
Մեզ համար կարևոր է ստեղծել այնպիսի միջավայր, որտեղ աշխատանքը ոչ միայն կենսաապահովման աղբյուր է, այլ նաև ինքնադրսևորման, մասնագիտական աճի հարթակ․ ԱՍՀ նախարարՀՀ աշխատանքի և սոցիալական հարցերի նախարար Նարեկ Մկրտչյանը շնորհավորական ուղերձ է հղել Աշխատանքի և աշխատավորների միջազգային օրվա կապակցությամբ․ «Սիրելի՛ քաղաքացիներ, Մայիսի 1-ը որպես Աշխատանքի և աշխատավորների միջազգային օր, կրկին հնարավորություն է ընդգծելու արժանապատիվ աշխատանքի կարևորությունը՝ հիմնված ազատության, արդարության և հավասարության վրա. սա այն հիմնական նպատակն է, որին ուղղված են պետության կողմից իրականացվող ոլորտային բարեփոխումները։ Մեզ […] ...
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:50 01.05.2025
Վարազդատ Լալայանն այսօր տոնում է ծննդյան օրըՕլիմպիական խաղերի արծաթե մեդալակիր, աշխարհի և Եվրոպայի կրկնակի չեմպիոն Վարազդատ Լալայանը մայիսի 1-ին տոնում է ծննդյան օրը: «Հայաստանի ծանրամարտի ֆեդերացիայի ամբողջ անձնակազմն ի սրտե շնորհավորում է Վարազդատին` մաղթելով նորանոր նվաճումներ ու հպարտության բազմաթիվ պահեր»,-նշված է ֆեդերացիայի տարածած հաղորդագրության մեջ: ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
