12:05 09.04.2025
Եղիշե Չարենցի անվան գրականության և արվեստի թանգարանում տեղի է ունեցել «Նովալիս 250» գեղարվեստական ինստալյացիայի և Վասիլի Կորգանովի (Բարսեղ Ղորղանյան) հավաքածուի գերմաներեն վավերագրերի ժամանակավոր ցուցադրության բացումը։
Գերմանական ռոմանտիզմի մեծագույն բանաստեղծ Նովալիսին նվիրված միջոցառումը կազմակերպվել է Գերմանիայի Դաշնային Հանրապետության Սաքսոնիա-Անհալթ երկրամասի Արվեստի հիմնադրամի և գծանկարիչ Սեբասթիան Գերսթենգարբեի հետ համագործակցության շրջանակում։
Միջոցառմանը ներկա են եղել ՀՀ կրթության, գիտության, մշակույթի և սպորտի նախարարի տեղակալներ Ալֆրեդ Քոչարյանը և Արթուր Մարտիրոսյանը, ինչպես նաև պաշտոնական այցով Հայաստանում գտնվող Գերմանիայի Սաքսոնիա-Անհալթ երկրամասի մշակույթի նախարար Ռայներ Ռոբրան:
Ողջունելով ներկաներին և կարևորելով նախաձեռնությունը՝ ԿԳՄՍ նախարարի տեղակալ Ալֆրեդ Քոչարյանն ընդգծել է՝ Հայաստանի և Գերմանիայի համագործակցությունը տարբեր ոլորտներում, մասնավորապես՝ մշակույթի բնագավառում, մեծ տեմպով զարգանում է: Այս համատեքստում նախարարի տեղակալը շեշտել է, որ նախորդ ամիս Լայպցիգում բացվել է հայ մեծ բանաստեղծ Ավետիք Իսահակյանի հուշատախտակը, տեղի է ունեցել «Աբու-Լալա Մահարի» պոեմի գերմաներեն հրատարակության շնորհանդեսը՝ նվիրված Իսահակյանի ծննդյան 150-ամյակին:
«Գրականության և արվեստի թանգարանում գերմանացի բանաստեղծ Նովալիսին նվիրված այս ցուցադրությունը ևս վկայում է մշակութային երկխոսության ուժի և մեր ազգային ժառանգության հանդեպ շարունակական հետաքրքրության մասին։ Սա մի համագործակցություն է, որը նոր հնարավորություններ է բացում մշակութային կապերի զարգացման համար»,- ասել է Ալֆրեդ Քոչարյանը՝ շնորհակալություն հայտնելով գործընկերներին համագործակցության համար:
Ողջույնի խոսքով հանդես է եկել նաև ԿԳՄՍ նախարարի տեղակալ Արթուր Մարտիրոսյանը՝ ընդգծելով, որ տարբեր ոլորտներում երկկողմ համագործակցությունը ծավալվում է Հայաստան-Գերմանիա ուղիղ կապի, ինչպես նաև Հայաստան- Եվրոպական միություն բազմակողմ օրակարգի շրջանակում: Նրա գնահատմամբ՝ Գերմանիայի՝ որպես ԵՄ առաջատար երկրի փորձը կարևոր է Հայաստանում տարբեր ուղղություններով ընթացող բարեփոխումների արդյունավետ իրականացման տեսանկյունից:
Գերմանիայի Սաքսոնիա-Անհալթ երկրամասի մշակույթի նախարար Ռայներ Ռոբրան ևս կարևորել է երկու երկրների միջև հարաբերությունների կայուն զարգացումը և շնորհավորել համատեղ նոր նախաձեռնության առիթով, որը, ըստ նրա, Հայաստանի և Գերմանիայի կապերն ամրապնդող ևս մեկ նախապայման է:
Նշենք, որ հայ երաժշտագետ, հրապարակախոս, հավաքորդ Վասիլի Կորգանովի (Բարսեղ Ղորղանյան) երաժշտական ժառանգությունն արժեքավոր ներդրում է ոչ միայն հայ, այլև եվրոպական երաժշտագիտական պատմության մեջ։
Կորգանովը եվրոպական երաժշտական աշխարհում ճանաչվել է որպես խոշորագույն բեթհովենագետ, նա գրել է նաև բազմաթիվ աշխատություններ Վերդիի, Մոցարտի, Չայկովսկու և այլ կոմպոզիտորների մասին։ Արժեքավոր են նրա գրած հոդվածները՝ նվիրված հայկական և վրացական ժողովրդական երաժշտությանը։
ԳԱԹ-ում է պահվում Վ. Կորգանովի մեծածավալ, բազմաթիվ աժեքավոր վավերագրերով հարուստ անձնական արխիվը, որոնցում առկա են նաև եվրոպական աճուրդներից ձեռք բերված բացառիկ և համաշխարհային արժեք ունեցող վավերագրեր: Դրանցից են՝ Մոցարտի նամակը, Նապոլեոնի հրաժարականի փաստաթուղթը, Ռոմանովների դինաստիայի ցարերի և ռազմական գործիչների փաստաթղթերը և այլն։
08:43 30.04.2025
Ստեփանծմինդա-Լարս ավտոճանապարհը բաց է
08:33 30.04.2025
«Ռեալը» մեծ հարգանքով հրաժեշտ կտա ԱնչելոտիինԿառլո Անչելոտին այս ամռանը կհեռանա «Ռեալից», մադրիդյան ակումբը ցանկանում է նրան հրաժեշտ տալ մեծ հարգանքով, հաղորդում է Relevo-ն: Իտալացուն կվճարվի նրա պայմանագրով սահմանված ամբողջ աշխատավարձը, և նա կստանա ակումբի ցմահ դեսպանի դեր մարզչական կարիերան ավարտելուց հետո։ «Ռեալը» հստակեցրել է, որ չի խանգարի 65-ամյա մասնագետի` Բրազիլիայի հավաքականը գլխավորելուն։ Ֆլորենտինո Պերեսը ցանկանում է, որ մարզիչը հեռանա լիակատար […] ...
08:25 30.04.2025
Սիրիան աջակցում է պաղեստինցիներին և պահանջում է հրադադար Գազայում․ ԱԳՆՍիրիայի իշխանություններն աջակցում են պաղեստինցիներին եւ պահանջում են Գազայի հատվածում անհապաղ հրադադար հաստատել։ Այս մասին երեքշաբթի օրը հայտարարել է Սիրիայի անցումային կառավարության արտաքին գործերի նախարար Ասադ ալ-Շիբանին՝ ելույթ ունենալով Նյու Յորքում՝ ՄԱԿ-ի Գլխավոր ասամբլեայի անդամների առջև։ «Մենք աջակցում ենք Պաղեստինի ժողովրդին Գազայի հատվածում: Մենք պահանջում ենք Գազայի հատվածում կրակի անհապաղ դադարեցում և մարդասիրական օգնության անխոչընդոտ […] ...
08:16 30.04.2025
ՄԱԿ-ի դատարանը մայիսի 5-ին որոշում կկայացնի ԱՄԷ-ի դեմ Սուդանի ցեղասպանության գործովԱրդարադատության միջազգային դատարանը մայիսի 5-ին որոշում կկայացնի ԱՄԷ-ի դեմ միջանկյալ միջոցների մասին՝ Սուդանի հայցով, որը Աբու Դաբիին մեղադրում է Ցեղասպանության հանցագործությունը կանխելու և պատժելու մասին կոնվենցիան խախտելու մեջ։ Այս մասին ասված է իշխանության հայտարարության մեջ։ Սուդանը մարտին հայց է ներկայացրել ՄԱԿ-ի դատարան՝ մեղադրելով ԱՄԷ-ին Սուդանում, մասնավորապես Արևմտյան Դարֆուր նահանգում բնակվող մասալիթ էթնիկ խմբի նկատմամբ կոնվենցիայի […] ...
08:06 30.04.2025
Թյուրամը ապաքինվել է, Պավարը վնասվածք ստացել․ «Ինտերը»՝ «Բարսելոնայի» հետ խաղից առաջՉեմպիոնների լիգայի կիսաեզրափակչում «Բարսելոնայի» դեմ արտագնա խաղից առաջ «Ինտերի» մեկ ֆուտբոլիստ ապաքինվել է վնասվածքից, իսկ մյուսը՝ վնասվածք ստացել, գրում է La Gazzetta dello Sport-ը: Հարձակվող Մարկուս Թյուրամն ազդրի վնասվածքից հետո ապաքինվել է և ընդհանուր խումբ վերադարձել: Նա բաց էր թողել թիմի նախորդ 3 խաղերը: Հանդիպմանը չի մասնակցի պաշտպան Բենժամեն Պավարը: Ֆրանսիացին վնասվածք է ստացել Ա […] ...
08:00 30.04.2025
Սյունիքի մարզի բարձրադիր գոտիներում մառախուղ էՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ Սյունիքի մարզի բարձրադիր գոտիներում մառախուղ է։ ...
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
