18:54 17.04.2025
ՀՀ կառավարության այսօրվա նիստում հաստատվել են «Հայաստանի ազգային ագրարային համալսարան» հիմնադրամի ռեկտորի ընտրության արդյունքները: Հարցը զեկուցել է ՀՀ ԿԳՄՍ նախարար Ժաննա Անդրեասյանը՝ նշելով, որ ռեկտորն ընտրվում է բաց մրցույթի կարգով՝ հոգաբարձուների խորհրդում, գաղտնի քվեարկությամբ, 5 տարի ժամկետով:
«Հայաստանի ազգային ագրարային համալսարան» հիմնադրամի ռեկտորի թափուր պաշտոնը զբաղեցնելու մրցույթը տեղի է ունեցել 2025 թվականի մարտի 19-ին: Չորս հավակնորդներից հաղթող է ճանաչվել Հրաչյա Զաքոյանը։
Հրաչյա Զաքոյանն ավելի քան 30 տարվա մասնագիտական և ակադեմիական գործունեության փորձառությունի ունի: 2018 թվականից եղել է բուհի պրոռեկտորը, 2023 թվականի դեկտեմբերից նաև կատարում էր ռեկտորի պարտականությունները:
«Այս ընթացքում համոզվել ենք պարոն Զաքոյանի կողմից բուհի կառավարման արդյունավետության հարցում: Նախորդ տարի Կառավարությունը մի շարք կարևոր որոշումներ է կայացրել՝ ուղղված բուհի գործունեության և ագրարային ոլորտի կրթության զարգացմանը»,- կառավարության նիստում նշել է ԿԳՄՍ նախարար Ժաննա Անդրեասյանը։
Նա նաև տեղեկացրել է, որ բուհի ագրարային ուղղություններով գերակա ճանաչված մասնագիտություններով ամսական 70 հազար դրամի չափով կրթաթոշակ է սահմանվել:
Ժաննա Անդրեասյանի խոսքով՝ իրականացված մի շարք փոփոխությունների արդյունքում նախորդ տարի ընդհանուր առմամբ ընդունելության համակարգում 67%-ով ավելի արդյունք է գրանցվել: Ներկայում բուհի զարգացման ուղղությամբ արդյունավետ բանակցություններ են ընթանում ֆրանսիական կողմի հետ:
Հայաստանի ազգային ագրարային համալսարանի ռեկտոր Հրաչյա Զաքոյանը շնորհակալություն է հայտնել վստահության համար՝ ընդգծելով, որ աշխատանքը ստանձնել է գիտակցելով բարդությունն ու պատասխանատվությունը:
«Ագրարային համալսարանն ագրոպարենային ոլորտի մասնագետներ պատրաստող միակ բուհն է հանրապետությունում, իսկ վերջին տարիներին այս ոլորտի զարգացման նպատակով ՀՀ կառավարությունը բազմաթիվ օժանդակության ծրագրեր է իրականացնում: Առանց որակյալ մասնագետների դժվար է պատկերացնել այդ ծրագրերի լիարժեք արդյունավետությունը: Հենց այս պատասխանատվությամբ և պատրաստակամությամբ եմ ստանձնում ռեկտորի պաշտոնը՝ գիտակցելով բուհի վերափոխման և արդիականացման անհրաժեշտությունը»,- նշել է Հրաչյա Զաքոյանը:
Վարչապետ Նիկոլ Փաշինյանը շնորհավորել է նորընտիր ռեկտորին և մաղթել պաշտոնավարման արդյունավետ ընթացք:
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
