13:11 07.05.2025
Erasmus+ ծրագրի շրջանակում իրականացվող «Միկրոորակավորումներ Եվրոպայից դուրս» (BEM) նախագծի գործընկեր երկրների 5-րդ աշխատաժողովն անցկացվել է Երևանում՝ Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) համակարգմամբ։
2023 թվականից մեկնարկած նախագիծը նորարարական նախաձեռնություն է, որն իրականացվում է Erasmus+ ծրագրի շրջանակում՝ նպատակ ունենալով միկրոորակավորումների (միկրոհավատարմագրեր) միջոցով զարգացնել մասնագիտական կրթության և ուսուցման համակարգը Եվրոպական միության անդամ չհանդիսացող գործընկեր երկրներում:
Մայիսի 5-7-ը տեղի ունեցած հերթական աշխատանքային քննարկմանը մասնակցել են ԿԳՄՍՆ նախնական արհեստագործական և միջին մասնագիտական կրթության վարչության պետ Արմենուհի Պողոսյանը, ՄԿՈՒԶԱԿ-ի տնօրեն Տաթևիկ Գասպարյանը, Ակադեմիական փոխճանաչման և շարժունության ազգային տեղեկատվական կենտրոնի (ԱՓՇԱՏԿ) տնօրեն Գայանե Հարությունյանը, միջազգային փորձագետներ մի շարք երկրներից։
Հանդիպման ընթացքում քննարկվել են նախագծի հետագա աշխատանքային փաթեթները, որոնք ներառում են միկրոորակավորումների հավատարմագրման և ճանաչման գործընթացի մարտահրավերները: Քննարկումների ընթացքում հստակեցվել են նաև նախագծի հետագա քայլերը՝ միկրոորակավորումները մասնագիտական կրթության և ուսուցման կարիքներին ծառայեցնելու շեշտադրմամբ:
«Միկրոորակավորումներ Եվրոպայից դուրս» նախագծում ընդգրկված են Հայաստանի, Վրաստանի, Մոնտենեգրոյի, Սերբիայի, Հյուսիսային Մակեդոնիայի, Ուկրաինայի, Նորվեգիայի և Գերմանիայի հաստատությունները, որոնք մշակելու են միկրոորակավորումներ: Դրանք կարող են կիրառվել նաև շարունակական մասնագիտական կրթության և ուսուցման համակարգում՝ որպես լրացուցիչ որակավորում կամ ոչ ֆորմալ ձևով ձեռք բերված ուսումնառության արդյունք։
ԿԳՄՍՆ նախնական արհեստագործական և միջին մասնագիտական կրթության վարչության պետ Արմենուհի Պողոսյանն իր ելույթում ընդգծել է, որ Հայաստանում մասնագիտական կրթության և ուսուցման (ՄԿՈՒ) զարգացման առաջնային ուղղություններից մեկը միջազգային համագործակցությունն է, և վերոնշյալ նախագծի իրականացումը համահունչ է պետական քաղաքականությանը. «Այս նախաձեռնությունը ներդրում է մեր սովորողների, մանկավարժների և հաստատությունների ապագայի համար»:
Նրա խոսքով`վերջին տարիներին Հայաստանը մի շարք ռազմավարական բարեփոխումներ է իրականացրել ՄԿՈՒ համակարգում՝ այն համապատասխանեցնելով միջազգային չափանիշներին և աշխատաշուկայի զարգացող կարիքներին:
Ընդգծելով, որ բարեփոխումները միտված են մասնագիտական կրթության որակի և մատչելիության բարելավմանը` Արմենուհի Պողոսյանը, մասնավորապես, շեշտել է «Մասնագիտական կրթության և ուսուցման մասին» նոր օրենքի ընդունումը, որը մատչելիության և աշխատաշուկայի կարիքներին համապատասխանության նոր կարգավորումներ է սահմանել:
«Նոր օրենքը ստեղծում է իրավական հիմք ժամանակակից, ճկուն և ներառական ՄԿՈՒ համակարգի զարգացման համար, խթանում է կարողությունների վրա հիմնված, սովորողակենտրոն կրթությունը: Նոր օրենքի ընդունմամբ հիմքեր են ստեղծվել` ներդնելու ոչ ֆորմալ կրթության արդյունքների ճանաչման մեխանիզմներ: Այս ուղղությամբ կարևոր քայլ է նաև միկրոորակավորումների համակարգի ներդրումը, որը թույլ է տալիս կարճ, նպատակաուղղված ուսուցման ծրագրերի, այդ թվում՝ վերապատրաստումների միջոցով զարգացնել և բարելավել հմտությունները, որը հատկապես աշխատանք փնտրող մեծահասակների համար կարևոր աջակցություն է»,- ասել է վարչության պետը:
Նա նաև նշել է, որ Հայաստանի ՄԿՈՒ համակարգում ներդրվում է Որակավորումների ազգային և ոլորտային շրջանակի (ՈԱՇ) մոդելը, որը համապատասխանում է ԵՄ փորձին և Եվրոպական որակավորումների շրջանակին (EQF): Նրա խոսքով՝ գործընթացը նպատակ ունի առաջընթաց ապահովել հմտությունների և կարողությունների ազգային և միջազգային ճանաչման ասպարեզում:
Ըստ Արմենուհի Պողոսյանի՝ «Մասնագիտական ուսուցման և կրթության մասին» նոր օրենքի առաջնային թիրախներից մեկը պետություն-մասնավոր համագործակցության և աշխատանքի վրա հիմնված ուսուցում (WBL) համակարգի զարգացումն է՝ ՄԿՈՒ հաստատությունների և գործատուների միջև ուղիղ կապերի ամրապնդման միջոցով։
Աշխատաժողովի բացմանը ելույթներով հանդես են եկել նաև ՄԿՈՒԶԱԿ-ի տնօրեն Տաթևիկ Գասպարյանը և միջազգային փորձագետ Քրիստինե Էբերհարդը։ Քննարկումը շարունակվել է պանելային քննարկումների ձևաչափով։
«Միկրո-որակավորումներ Եվրոպայից դուրս» նախագծի շրջանակում մշակվել է ՄԿՈՒ ոլորտում միկրոորակավորումների մեթոդաբանության ճկուն ձևաչափ, որը կարող է ընդունելի լինել բոլոր երկրների կրթական համակարգերի համար՝ տեղական օրենսդրության կարգավորումների տեղայնացմամբ: Գործատուների և այլ շահառուների հետ քննարկումների արդյունքում մշակված 62 միկրոորակավորումներն առաջիկայում հասանելի կլինեն Skillsbank (Սկիլսբանկ) և Europass (Եվրոպաս) էլեկտրոնային հարթակներում:
Համագործակցությունը «Միկրոորակավորումներ Եվրոպայից դուրս» նախագծի շրջանակում հնարավորություն է տալիս հավատարմագրել, փաստաթղթավորել, ճանաչել կամ վավերացնել միկրոորակավորումները՝ ըստ յուրաքանչյուր երկրի պահանջների՝ այդ կերպ կամուրջ ստեղծելով ՄԿՈՒ ոլորտի և աշխատաշուկայի միջև։ Նախագիծը կամփոփվի 2025 թվականի ավարտին:
23:59 26.07.2025
Համագործակցության բազմաթիվ ծրագրեր ենք նախանշել. ԿԳՄՍ նախարարը հանդիպել է Հունաստանի մշակույթի և կրթության նախարարների հետՀունաստանի մշակույթի նախարար տիկին Մենդոնիի և կրթության, կրոնի հարցերի ու սպորտի նախարար տիկին Զախարակիի հետ շատ արդյունավետ հանդիպումներ անցկացրեցինք, համագործակցության փաստաթղթեր ստորագրեցինք։ Այս մասին Ֆեյսբուքի իր էջում գրել է ԿԳՄՍ նախարար Ժաննա Անդրեասյանը։ «Մշակույթի ոլորտում առանձին ուշադրություն կդարձնենք մշակութային արժեքների ապօրինի վաճառքի դեմ համատեղ աշխատանքներին, պեղումների և հուշարձանային ոլորտի համագործակցությանը, թանգարանային ցուցադրություններ կունենանք Հայաստանում և […] ...
23:50 26.07.2025
Հրաձգության վազող թիրախ մրցաձևի Եվրոպայի առաջնությունում Աիդա Ազատյանը ոսկե մեդալ է նվաճելՀրաձգության վազող թիրախ նորմալ վազք, երիտասարդներ, անհատական պայքարում Աիդա Ազատյանը՝ լավագույնն է երիտասարդների պայքարում, նա ոսկե մեդալակիր է, իսկ Լիլիթ Մկրտչյանը՝ արծաթե։ Այս մասին հայտնել են Հայաստանի հրաձգության ֆեդերացիայից: Որակավորման փուլում Ազատյանը խոցեց 533, իսկ Մկրտչյանը՝ 528 միավոր, և համապատասխանաբար 3-րդ և 4-րդ տեղերով անցան կիսաեզրափակիչ փուլ։ Կիսաեզրափակչում մեր մարզուհիները հաղթեցին մրցակիցներին և դուրս եկան […] ...
23:47 26.07.2025
Ծառուկյանը ոչ մեկին չի հետաքրքրում․ ՓիմբլեթUFC-ի բրիտանացի մարտիկ Փեդի Փիմբլեթը կարծում է, որ Արման Ծառուկյանն անհետաքրքիր մրցակից է, հաղորդում է One on One-ը: «Արմանը շատ լավ մարտիկ է, բայց նա ոչ մեկին չի հետաքրքրում։ Բոլորը գիտեն, որ Ջասթին Գեյջին արյունարբու մարտիկ է։ Նա լեգենդ է, իսկ Արմանը՝ ոչ։ Այնպես որ, ես ցանկանում եմ մենամարտել լեգենդի հետ»,- ասել է բրիտանացին: Փիմբլեթը, […] ...
23:36 26.07.2025
Արարատի մարզում բախվել են «ՎԱԶ 2106»-ը և «Opel»-ը․ վերջինը կոտրել է գազատար խողովակները․ 4 վիրավորներից մեկին ավտոմեքենայից դուրս են բերել փրկարարները՝ օգտագործելով հատուկ տեխնիկաՀուլիսի 26-ին, խոշոր ավտովթար է տեղի ունեցել Արարատի մարզում։ Ժամը 20։30-ի սահմաններում Երևան-Երասխ ավտոճանապարհին՝ Սուրենավան-Արմաշ գյուղերի միջև ընկած հատվածում բախվել են «ՎԱԶ 2106» մակնիշի և «Opel» մակնիշի ավտոմեքենաները, ինչի հետևանքով վերջինը դուրս է եկել երթևեկելի գոտուց բախվել գազատար խողովակներին և խողովակների հենասյուների վրայից պոկել այն։ Ինչպես հայտնում է shamshyan.com-ը, վթարի հետևանքով 4 հոգի տարբեր աստիճանի մարմնական […] ...
23:22 26.07.2025
Թրամփ. Թաիլանդը և Կամբոջան համաձայնել են անհապաղ հանդիպել՝ քննարկելու հրադադարըԱՄՆ նախագահ Դոնալդ Թրամփը հայտարարել է, որ Կամբոջայի և Թաիլանդի իշխանությունները պատրաստակամություն են հայտնել անհապաղ հանդիպել՝ հրադադարի հարցը քննարկելու համար։ «Նրանք համաձայնել են անհապաղ հանդիպել և արագ աշխատել հրադադարի և, ի վերջո, խաղաղության հասնելու համար», – գրել է նա իր Truth Social – ում։ Թրամփը զգուշացրել է, որ ԱՄՆ-ն առևտրային բանակցություններ չի վարի Թաիլանդի կամ […] ...
23:14 26.07.2025
«Կրասնոդարի» սանը կարիերան կշարունակի «Ալաշկերտում»Երևանի «Ալաշկերտը» հայտարարել է ռուսական «Կրասնոդարի» նիգերիացի կիսապաշտպան Իֆեանի Դավիդ Նդուկայի տրանսֆերի մասին: 21-ամյա ֆուտբոլիստը ռուսական «Վիստայի» ակադեմիայի սան է, խաղացել է նաև Տուլայի «Արսենալում», Սարատովի «Սոկոլում»։ Նիգերիացին մեկ խաղ է անցկացրել Ռուսաստանի Պրեմիեր լիգայում, իսկ հիմնականում հանդես է եկել Ռուսաստանի չեմպիոն «Կրասնոդարի» երկրորդ թիմում: ...
