17:42 21.05.2025
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն այսօր ընդունել է Սթիրլինգ հիմնադրամի նախագահ Մայլս Հանսենին: Հանդիպմանը մասնակցել է նաև հիմնադրամի տարածաշրջանային տնօրեն Բրիթնի Սթիրլինգը:
Քննարկման առանցքում են եղել փոխհամագործակցության հնարավոր ուղղությունները և Հայաստանի զարգացման ծրագրերին աջակցություն ցուցաբերելու հնարավորությունները:
Ողջունելով հյուրերին՝ Արթուր Մարտիրոսյանը տեղեկացրել է՝ ԿԳՄՍ նախարարությունը վերջին տարիներին իրականացնում է մի շարք ռազմավարական և օրենսդրական նախաձեռնություններ՝ ուղղված կրթության, գիտության, մշակույթի և սպորտի ոլորտների բարելավմանն ու վերափոխմանը: Անդրադառնալով կրթության ոլորտում իրականացվող նախաձեռնություններին՝ Արթուր Մարտիրոսյանը տեղեկացրել է՝ բարեփոխումները նպատակ ունեն բոլոր մակարդակներում ապահովել ավելի որակյալ և հասանելի կրթություն։ Նա ընդգծել է՝ կրթության ոլորտի զարգացման ուղղություններն արտացոլված են 2022 թվականին ընդունված ՀՀ կրթության՝ մինչև 2030 թ. զարգացման պետական ծրագրում։ Ըստ այդմ՝ կրթության բոլոր մակարդակներում բարեփոխման և կրթության որակի բարձրացման ծրագրերն իրականացվում են մի քանի ուղղություններով՝ կրթության բովանդակության բարելավում, ուսուցիչների մասնագիտական զարգացում, կրթության մատչելիության ապահովում, ենթակառուցվածքների և նյութատեխնիկական բազայի բարելավում: Արթուր Մարտիրոսյանն արդյունավետ կրթական համակարգ ունենալու առումով կարևորել է միջազգային գործընկերների աջակցությունը և նշել նաև փորձագիտական աջակցության անհրաժեշտությունը, որի շուրջ կողմերը քննարկել են համագործակցության հեռանկարները:
Անդրադարձ է եղել նաև ուսուցիչների և սովորողների փոխանակման ծրագրերին, կրթահետազոտական ծրագրերի իրականացման հնարավորություններին: Ընդգծվել է նաև մասնագիտական ուսուցման ոլորտում փոխգործակցության հաստատումը: Արթուր Մարտիրոսյանի խոսքով՝ կրթության միջազգայնացումն ու օտարերկրյա ուսանողների համար Հայաստանի բարձրագույն կրթության համակարգն առավել գրավիչ դարձնելը ՀՀ կառավարության կարևոր առաջնահերթություններից է:
Անդրադառնալով մշակույթի ոլորտում իրականացվող ծրագրերին՝ Արթուր Մարտիրոսյանը ներկայացրել է ՀՀ մշակույթի պահպանության, զարգացման և հանրահռչակման 2023-2027 թթ. ռազմավարությունը, որով սահմանվում են ՀՀ կառավարության առաջնահերթությունները և ոլորտի զարգացման գերակայությունները: Արթուր Մարտիրոսյանն ընդգծել է՝ ԿԳՄՍ նախարարությունը վերջին տարիներին ակտիվորեն իրականացնում է թվայնացման նախաձեռնություններ՝ ուղղված կրթության և մշակույթի ոլորտներում ծառայությունների բարելավմանը։
Հանդիպման ընթացքում անդրադարձ է կատարվել նաև երիտասարդական քաղաքականության ուղղությամբ իրականացվող աշխատանքներին: Մասնավորապես՝ ԿԳՄՍ նախարարի տեղակալը տեղեկացրել է՝ մինչև 2026 թվականը նախատեսվում է հիմնել 25 երիտասարդական կենտրոն։ Նա նշել է՝ այս կենտրոնները ծառայում են որպես հարթակներ՝ երիտասարդների կարողությունների բացահայտման, ակտիվ քաղաքացիության խթանման և ինտելեկտուալ ժամանցի կազմակերպման համար։
Սթիրլինգ հիմնադրամի նախագահ Մայլս Հանսենը շնորհակալություն է հայտնել ընդունելության համար և ընդգծել՝ հետաքրքրված են հատկապես կրթության բնագավառում համագործակցությամբ: Նրա խոսքով՝ Հայաստանում հնարավոր համագործակցության ուղղությունները կարող են ներառել ուսուցիչների վերապատրաստումները, կարողությունների զարգացումը, թվային կրթական ռեսուրսների ստեղծումը և տարածումը, մասնագիտական կրթության և ուսուցման ծրագրերի զարգացումը, ինչպես նաև երիտասարդական կենտրոնների ստեղծման ուղղությամբ աշխատանքների ներգրավվածությունը։
Հանդիպման ընթացքում քննարկվել են նաև երկկողմ հետաքրքրություն ներկայացնող այլ հարցեր:
23:59 21.05.2025
Եթե դեռահասը թմրամիջոցներ է օգտագործում, խոսե՛ք նրա հետ, բացատրե՛ք դրանց գործածման վնասներն ու վտանգները. մասնագետՀաճախ դեռահասները բախվում են մի շարք դժվարությունների, որոնք ինքնուրույն ի վիճակի չեն լինում հաղթահարել, և թմրանյութերը դառնում են իրականությունից փախչելու ուղի։ Այս մասին հայտնում է նարկոլոգ Լիլիթ Մարգարյանը: Թմրամիջոցներ գործածելու ռիսկի գործոններից են՝ հոգեկան առողջության ախտաբանություններ, վարքային խանգարումներ, հետսթրեսային խանգարումներ, ցածր ինքնագնահատական կամ սոցիալական մերժման զգացում, «ժամանակակից» լինելու ձգտում, ըմբոստացում, կանոններին հակադրվելու միջոց։ Կարևոր է […] ...
23:57 21.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:55 21.05.2025
Ամենայն Հայոց Կաթողիկոսը հանդիպեց Արևելյան Եվրոպայի և Կենտրոնական Ասիայի ԵՄ դեսպանների հետՄայիսի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Եվրոպական Միության Արևելյան Եվրոպայի և Կենտրոնական Ասիայի դեսպանների տարածաշրջանային սեմինարի մասնակիցներին: Հանդիպմանը ՀՀ-ում Եվրոպական Միության պատվիրակության ղեկավար, ԵՄ դեսպան Վասիլիս Մարագոսը Նորին Սրբությանը ներկայացրեց ԵՄ դեսպաններին՝ ընդհանուր տեղեկություններ փոխանցելով հավաքի վերաբերյալ։ Ամենայն Հայոց Հայրապետը, ողջունելով դեսպանների տարածաշրջանային սեմինարի մասնակիցների […] ...
23:52 21.05.2025
Դեսպան Լիլիթ Մակունցը սենատոր Սթիվ Դեյնսի հետ քննարկել է խաղաղության պայմանագրի վերջնականացված տեքստի վերաբերյալ հարցերՄայիսի 21-ին ԱՄՆ-ում ՀՀ դեսպան Լիլիթ Մակունցը հանդիպում ունեցավ սենատոր Սթիվ Դեյնսի հետ։ Այս մասին հայտնել են ԱՄՆ-ում ՀՀ դեսպանությունից: Հանդիպմանը քննարկվեցին ՀՀ-ԱՄՆ երկկողմ օրակարգի, ՀՀ-ԱՀ խաղաղության գործընթացի և խաղաղության պայմանագրի վերջնականացված տեքստի վերաբերյալ հարցեր։ Զրուցակիցները քննարկեցին նաև հետագա երկկողմ համագործակցության հարցեր։ ...
23:50 21.05.2025
Բանտարկյալների մայրցամաքային շախմատի առցանց առաջնությանը Հայաստանի թիմը զբաղեցրեց 2-րդ հորիզոնականըՄայիսի 20-ին տեղի ունեցավ բանտարկյալների մայրցամաքային շախմատի առցանց առաջնությունը։ Այս մասին հայտնել են Հայաստանի շախմատի ֆեդերացիայից։ Հայաստանի թիմը 24 մասնակից թիմերի մեջ զբաղեցրեց 2-րդ հորիզոնականը։ Շախմատը զարգացնում է դատապարտյալների կենտրոնացումը, տրամաբանությունը և նվազեցնում սթրեսը՝ նպաստելով նրանց հեշտ ինտեգրմանը հասարակության մեջ ազատության մեջ հայտնվելուց հետո։ ...
23:47 21.05.2025
Վարորդը ձերբակալվեց, իսկ թմբուկավոր ատրճանակը հայտնաբերվեց մեքենայումՀամայնքային ոստիկանության Ստեփանավանի բաժնի ծառայողները մայիսի 13-ի ցերեկը ստացան օպերատիվ տեղեկություն, որ Ստեփանավանի Եկեղեցու փողոցում ժամանակավոր բնակվող մի տղամարդ ավտոմեքենայում պահում է հրազեն: Արագ ձեռնարկվեցին միջոցառումներ, որից հետո` նաև բացատրական աշխատանք: Երևանում հաշվառված 31-ամյա տղամարդը ներկայացավ բաժին և ընդունեց, որ իրավապահների տեղեկությունը ճիշտ է: Ստեփանավանի քննչական բաժնում նախաձեռնված քրեական վարույթի շրջանակում կատարված զննությամբ «ԲՄՎ» մակնիշի […] ...
