16:38 23.05.2025
Հանրակրթական դպրոցներում այսօր հնչել է ուսումնական տարվա ավարտն ազդարարող վերջին զանգը: ԿԳՄՍ նախարարի տեղակալ Արաքսիա Սվաջյանը ներկա է եղել Կոտայքի մարզի Հրազդան համայնքի Սոլակ գյուղի միջնակարգ դպրոցի, Հրազդանի Հովսեփ Օրբելու անվան թիվ 13 ավագ դպրոցի և Աբովյանի թիվ 2 հիմնական դպրոցի ավարտական միջոցառումներին:
Շնորհավորելով շրջանավարտներին՝ ԿԳՄՍ նախարարի տեղակալը հորդորել է լսելի դարձնել իրենց ցանկությունները՝ միաժամանակ վստահություն հայտնելով, որ նոր սերունդն ունի անհրաժեշտ ներուժ և կարողություն՝ վստահությամբ շարժվելու իր երազանքներին ընդառաջ։
«Դուք կյանքի այն փուլում եք, երբ պետք է կողմնորոշվեք ձեր անելիքներում՝ ինչ եք ուզում անել և ինչով զբաղվել: Հաճախ մեծահասակներս փորձում ենք ուղղորդել ձեզ՝ առանց հաշվի առնելու ձեր ցանկությունները: Փորձեք լսել մեծերին, բայց նաև լսելի դարձնել ձեր ցանկությունները: Վստահ քայլերով առաջ գնացեք ձեր երազանքներին ընդառաջ: Այն երջանկությունն ու թրթիռը, որոնք այս պահին զգում եք, թող հարատև լինեն: Ամփոփում եք շատ կարևոր շրջափուլ. վստահ եմ՝ սովորելու հանդեպ սերն ու հետաքրքրությունը չեն մարելու նաև հետագայում: Միայն սովորելու դեպքում կարող ենք հասնել հաջողությունների: Բոլորիդ մաղթում եմ՝ ընտրել պահանջված մասնագիտություններ, որոնք նաև կարևոր կլինեն մեր երկիրը հզորացնելու համար»,- շնորհավորական խոսքում նշել է ԿԳՄՍ նախարարի տեղակալը՝ հաջողություն մաղթելով շրջանավարտներին ավարտական և բուհական ընդունելության քննություններում։
Արաքսիա Սվաջյանը նաև հաջողություններ, երազանքների, նպատակների և ծրագրերի իրականացում է մաղթել շրջանավարտներին:
«Մուտք եք գործում կյանքի մի փուլ, որտեղ արդեն դուք եք լինելու պատասխանատուն: Հուսով եմ՝ դպրոցում ստացած ձեր գիտելիքները և այն ամբողջական համակարգը, որը ձեզ որպես անձ է նաև ձևավորել, հնարավորություն են տալու կայանալ, կատարել ճիշտ ընտրություն և հասնել մեծ հաջողությունների»,- նշել է նախարարի տեղակալը:
Արաքսիա Սվաջյանը նաև ընդգծել է՝ դպրոցում ստեղծված բարենպաստ, ապահով ու ներշնչող միջավայրը մեծապես նպաստում է սովորողի աճին ու ձևավորմանը։ Նա շնորհակալություն է հայտնել նաև ուսուցիչներին ու ծնողներին՝ շեշտելով, որ շրջանավարտների ներկա և ապագա հաջողություններում նրանց ներդրումն անգնահատելի է։
Ավարտական միջոցառումների ընթացքում շրջանավարտները երախտիքի ու սիրո խոսքեր են ուղղել իրենց ուսուցիչներին, դպրոցի անձնակազմին, ընկերներին: Նրանք կիսվել են հիշողություններով, հուզիչ տեսանյութեր ու բեմադրություններ ներկայացրել՝ պահպանելով նաև մշակութային տարվա գաղափարախոսությունը:
Սոլակ գյուղի միջնակարգ դպրոցն ունի ավելի քան 300 սովորող. այս տարի դպրոցն ավարտում է 14 շրջանավարտ: Հրազդանի Հովսեփ Օրբելու անվան թիվ 13 ավագ դպրոցն ու Աբովյանի թիվ 2 հիմնական դպրոցն այս տարի ճանապարհել են շուրջ 150-ական շրջանավարտների:
23:22 26.07.2025
Թրամփ. Թաիլանդը և Կամբոջան համաձայնել են անհապաղ հանդիպել՝ քննարկելու հրադադարըԱՄՆ նախագահ Դոնալդ Թրամփը հայտարարել է, որ Կամբոջայի և Թաիլանդի իշխանությունները պատրաստակամություն են հայտնել անհապաղ հանդիպել՝ հրադադարի հարցը քննարկելու համար։ «Նրանք համաձայնել են անհապաղ հանդիպել և արագ աշխատել հրադադարի և, ի վերջո, խաղաղության հասնելու համար», – գրել է նա իր Truth Social – ում։ Թրամփը զգուշացրել է, որ ԱՄՆ-ն առևտրային բանակցություններ չի վարի Թաիլանդի կամ […] ...
23:14 26.07.2025
«Կրասնոդարի» սանը կարիերան կշարունակի «Ալաշկերտում»Երևանի «Ալաշկերտը» հայտարարել է ռուսական «Կրասնոդարի» նիգերիացի կիսապաշտպան Իֆեանի Դավիդ Նդուկայի տրանսֆերի մասին: 21-ամյա ֆուտբոլիստը ռուսական «Վիստայի» ակադեմիայի սան է, խաղացել է նաև Տուլայի «Արսենալում», Սարատովի «Սոկոլում»։ Նիգերիացին մեկ խաղ է անցկացրել Ռուսաստանի Պրեմիեր լիգայում, իսկ հիմնականում հանդես է եկել Ռուսաստանի չեմպիոն «Կրասնոդարի» երկրորդ թիմում: ...
22:55 26.07.2025
Երևանում բախվել են թիվ 3 և թիվ 57 երթուղիները սպասարկող «Zhong Tong» և «MAN» ավտոբուսները. կա 9 վիրավորՀուլիսի 26-ին, արտառոց ավտովթար է տեղի ունեցել Երևանում։ Ժամը 21։30-ի սահմաններում Քոչար, Կիևյան և Վազգեն Առաջին փողոցների խաչմերուկում՝ Բարեկամության մետրոյի հարևանությամբ` էստակադայի մոտ, բախվել են «Zhong Tong» և «MAN» մակնիշի 2 ավտոբուսները: Ինչպես հայտնում է shamshyan.com-ը, վթարի հետևանքով ըստ նախնական տեղեկությունների, 9 հոգի տեղափոխվել է հիվանդանոց։ Դեպքի վայր են ժամանել ՀՀ ներքին գործերի նախարարության փրկարար […] ...
22:48 26.07.2025
«Միլանը» գոլառատ խաղում հաղթել է «Լիվերպուլին»«Միլանը» Հոնգ Կոնգում ընկերական հանդիպում է անցկացրել «Լիվերպուլի» հետ և հաղթել 4-2 հաշվով։ Դուբլ է գրանցել Նոա Օկաֆորը, դարպասի մեկական գրավմամբ աչքի են ընկել Ռաֆայել Լեաուն ու Ռուբեն Լոֆտուս-Չիկը, անգլիական ակումբից գոլերը խփել են Դոմինիկ Սոբոսլայն ու Կոդի Գակպոն։ «Լիվերպուլը» հաջորդ ընկերական խաղում հուլիսի 30-ին Ճապոնիայում կմրցի «Յոկոհամայի» դեմ։ «Միլանն» էլ հուլիսի 31-ին կհանդիպի ավստրալական […] ...
22:39 26.07.2025
Դեսպան Աֆյանը վերահաստատել է Հայաստանի հանձնառությունը համաշխարհային բնապահպանական օրակարգի առաջխաղացման գործումՀուլիսի 26-ին ՀՀ դեսպան Վահագն Աֆյանը Հնդկաստանի Փենջաբի և Հարիանայի նահանգային կենտրոնական Չանդիգար քաղաքում, մասնակցելով բնապահպանական նշանակության արարողությանը, կարևորել է Հայաստանում կայանալիք COP17-ի անցկացումը: Այս մասին հայտնել են Հնդկաստանում ՀՀ դեսպանությունից: Դեսպան Վ. Աֆյանն իր խոսքում, մասնավորապես, նշելով շրջակա միջավայրի պահպանմանն ուղղված համընդհանուր գործելու հրատապության մասին, ընդգծել է հաջորդ տարի Երևանի համաշխարհային կենսաբազմազանության քննարկումների կենտրոնում […] ...
22:25 26.07.2025
WP. Գերմանիան Ուկրաինային է փոխանցել երեք Patriot համակարգԳերմանիան արդեն երեք Patriot համակարգ է մատակարարել Կիևին և ներկայումս բանակցություններ է վարում Միացյալ Նահանգների հետ լրացուցիչ համակարգեր մատակարարելու և փոխարինողներ ստանալու վերաբերյալ: Այս մասին հայտնել է The Washington Post թերթը՝ հղում անելով աղբյուրներին: «Բեռլինն արդեն երեք (Patriot) համակարգ է մատակարարել Ուկրաինային և բանակցություններ է վարում Վաշինգտոնի հետ լրացուցիչ համակարգեր մատակարարելու և փոխարինողներ ստանալու վերաբերյալ, […] ...
