18:07 26.05.2025
ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը և ԿԳՄՍՆ մասնագիտական կրթության և ուսուցման վարչության պետ Արմենուհի Պողոսյանը Երևանի Ն. Աճեմյանի անվան տարածաշրջանային թիվ 2 պետական քոլեջում մասնակցել են շրջանավարտների վերջին դասի ամփոփիչ միջոցառմանը:
Շնորհավորելով շրջանավարտներին՝ նախարարի տեղակալը նրանց մաղթել է ձեռքբերումներ՝ մասնագիտական առաջընթացի ճանապարհին:
«9-րդ դասարանն ավարտող այն շրջանավարտները, որոնք կողմնորոշվում և համարձակություն են ունենում ընտրել մասնագիտություն, արդեն իսկ որոշակիորեն կայացած անձինք են: Մաղթում եմ, որ ձեր կյանքի առավել հասուն շրջանը սկսեք երջանիկ և հաջողակ քայլերով»,- շնորհավորելով շրջանավարտներին՝ ասել է Արաքսիա Սվաջյանը:
ԿԳՄՍ նախարարի տեղակալն ընդգծել է նաև, որ մասնագիտական կրթության ոլորտում իրականացվող բարեփոխումներն արդեն տալիս են իրենց արդյունքը, իսկ այդ ուղղությամբ աշխատանքները շարունակական են.
«Ուրախալի է, որ սովորողների և շրջանավարտների՝ աշխատանք գտնելու հնարավորությունները զգալիորեն ընդլայնվել են։ Վստահ եմ՝ առաջիկա տարիներին մասնագիտական կրթության ոլորտում տեղի կունենան շեշտակի փոփոխություններ՝ պայմանավորված կրթության որակի բարձրացմանը միտված նոր ընթացակարգերով և մեխանիզմներով»։
Նախարարի տեղակալը շնորհակալություն է հայտնել քոլեջի դասախոսական կազմին աշխատանքի և հետևողական ջանքերի համար:
«Վստահ եմ՝ չնայած դժվարություններին կարողացել եք պատվով և արդյունավետ իրականացնել կրթության գործի ապահովման առաքելությունը: Մաղթում եմ, որ նորանոր սերունդներ ուղղորդեք դեպի մասնագիտական ոլորտ, քանի որ մեր երկրին խիստ անհրաժեշտ են պատրաստված և մրցունակ մասնագետներ։ Գործազրկության բարձր ցուցանիշներին զուգահեռ՝ բազմաթիվ ոլորտներում բախվում ենք մասնագետների բացակայության խնդրին: Սա, թերևս, նշանակում է՝ մեր ռեսուրսները միշտ չէ, որ ճիշտ են տեղաբաշխված: Լիահույս եմ, որ քոլեջն իր ազդեցությունն ու նշանակությունը կունենա նաև երիտասարդներին ուղղորդելու, ճիշտ և հեռանկարային մասնագիտություն ընտրելու, նրանց ներուժն ավելի արդյունավետ իրացնելու առումով»,- ասել է Արաքսիա Սվաջյանը:
Ավարտական միջոցառման շրջանակում շրջանավարտները ներկայացրել են իրենց մասնագիտական կրթության ճանապարհը, պատմել ստացած գիտելիքների և արժեքների ձևավորման մասին։
Մի շարք մասնագիտությունների գծով քոլեջի սովորողներն արդեն իսկ ներգրավված են աշխատաշուկայում՝ աշխատանքային պրակտիկայի ընթացքում արձանագրելով հաջողություններ:
Երևանի Ն. Աճեմյանի անվան տարածաշրջանային թիվ 2 պետական քոլեջն այս տարի ավելի քան 200 շրջանավարտ ունի՝ «Հաշվապահական հաշվառում», «Մենեջմենթ», «Շուկայաբանություն», «Ապահովագրական գործ», «Սպասարկման կազմակերպումը հյուրանոցներում և զբոսաշրջային համալիրներում», «Կոսմետոլոգիա և դիմահարդարման արվեստ», «Սառնարանային տնտեսություն», ինչպես նաև «Վերականգնվող էլեկտրաէներգիայի էներգետիկ կայանների մոնտաժում, նորոգում և սպասարկում» մասնագիտություններով:
22:55 26.07.2025
Երևանում բախվել են թիվ 3 և թիվ 57 երթուղիները սպասարկող «Zhong Tong» և «MAN» ավտոբուսները. կա 9 վիրավորՀուլիսի 26-ին, արտառոց ավտովթար է տեղի ունեցել Երևանում։ Ժամը 21։30-ի սահմաններում Քոչար, Կիևյան և Վազգեն Առաջին փողոցների խաչմերուկում՝ Բարեկամության մետրոյի հարևանությամբ` էստակադայի մոտ, բախվել են «Zhong Tong» և «MAN» մակնիշի 2 ավտոբուսները: Ինչպես հայտնում է shamshyan.com-ը, վթարի հետևանքով ըստ նախնական տեղեկությունների, 9 հոգի տեղափոխվել է հիվանդանոց։ Դեպքի վայր են ժամանել ՀՀ ներքին գործերի նախարարության փրկարար […] ...
22:48 26.07.2025
«Միլանը» գոլառատ խաղում հաղթել է «Լիվերպուլին»«Միլանը» Հոնգ Կոնգում ընկերական հանդիպում է անցկացրել «Լիվերպուլի» հետ և հաղթել 4-2 հաշվով։ Դուբլ է գրանցել Նոա Օկաֆորը, դարպասի մեկական գրավմամբ աչքի են ընկել Ռաֆայել Լեաուն ու Ռուբեն Լոֆտուս-Չիկը, անգլիական ակումբից գոլերը խփել են Դոմինիկ Սոբոսլայն ու Կոդի Գակպոն։ «Լիվերպուլը» հաջորդ ընկերական խաղում հուլիսի 30-ին Ճապոնիայում կմրցի «Յոկոհամայի» դեմ։ «Միլանն» էլ հուլիսի 31-ին կհանդիպի ավստրալական […] ...
22:39 26.07.2025
Դեսպան Աֆյանը վերահաստատել է Հայաստանի հանձնառությունը համաշխարհային բնապահպանական օրակարգի առաջխաղացման գործումՀուլիսի 26-ին ՀՀ դեսպան Վահագն Աֆյանը Հնդկաստանի Փենջաբի և Հարիանայի նահանգային կենտրոնական Չանդիգար քաղաքում, մասնակցելով բնապահպանական նշանակության արարողությանը, կարևորել է Հայաստանում կայանալիք COP17-ի անցկացումը: Այս մասին հայտնել են Հնդկաստանում ՀՀ դեսպանությունից: Դեսպան Վ. Աֆյանն իր խոսքում, մասնավորապես, նշելով շրջակա միջավայրի պահպանմանն ուղղված համընդհանուր գործելու հրատապության մասին, ընդգծել է հաջորդ տարի Երևանի համաշխարհային կենսաբազմազանության քննարկումների կենտրոնում […] ...
22:25 26.07.2025
WP. Գերմանիան Ուկրաինային է փոխանցել երեք Patriot համակարգԳերմանիան արդեն երեք Patriot համակարգ է մատակարարել Կիևին և ներկայումս բանակցություններ է վարում Միացյալ Նահանգների հետ լրացուցիչ համակարգեր մատակարարելու և փոխարինողներ ստանալու վերաբերյալ: Այս մասին հայտնել է The Washington Post թերթը՝ հղում անելով աղբյուրներին: «Բեռլինն արդեն երեք (Patriot) համակարգ է մատակարարել Ուկրաինային և բանակցություններ է վարում Վաշինգտոնի հետ լրացուցիչ համակարգեր մատակարարելու և փոխարինողներ ստանալու վերաբերյալ, […] ...
22:17 26.07.2025
Ես 16-րդ մարզպետն եմ ու մինչև հիմա խոսում ենք անօթևանների խնդրի մասին․ զրույց Շիրակի մարզպետ Դավիթ Առուշանյանի հետԱյսօր «Հեռանկարը» հյուրընկալել է Շիրակի մարզպետ Դավիթ Առուշանյանին: Անդրադարձ է եղել հիմնականում մարզի խնդիրներին՝ մարզպետարան – քաղաքապետարան հարաբերություններին, փողոցաշինությանը, անօթևան ընտանիքների բնակարաններով ապահովման հարցին, որը արդիական է եղել Շիրակի բոլոր մարզպետների ժամանակ։ «Ես 16-րդ մարզպետն եմ ու մինչև հիմա խոսում ենք անօթևանների խնդրի մասին, դա իրականում շատ ցավալի է։ Մենք մեր սենյակներում խոսում ենք մարդկանց […] ...
22:08 26.07.2025
Թաիլանդը և Կամբոջան դադարեցրել են մարտական գործողությունները անձրևների պատճառովԹաիլանդի և Կամբոջայի զինված ուժերը ստիպված են եղել ժամանակավորապես դադարեցնել մարտական գործողությունները սահմանային գոտիներում՝ ուժեղ անձրևների պատճառով։ Այս մասին հաղորդում է The Nation թերթը՝ հղում անելով Թաիլանդի զինված ուժերի հայտարարությանը։ Տեղեկատվության համաձայն՝ Թաիլանդի և Կամբոջայի զինված ուժերը շարունակում են պահպանել իրենց դիրքերը անբարենպաստ եղանակային պայմաններում։ Միաժամանակ նշվում է, որ հակամարտության գոտում իրավիճակը տեղական ժամանակով կեսօրից […] ...
