Եվրամիությունը հայտարարել է Սիրիայի դեմ բոլոր տնտեսական պատժամիջոցների չեղարկման, ինչպես նաև արաբական երկրի 24 կառույցների, այդ թվում՝ Կենտրոնական բանկի, սև ցուցակներից հանելու մասին։
«ԵՄ Խորհուրդն ընդունել է Սիրիայի դեմ բոլոր տնտեսական սահմանափակող միջոցառումների չեղարկման վերաբերյալ իրավական փաստաթղթեր, բացառությամբ անվտանգության նկատառումներից բխող միջոցառումների (նկատի ունենալով հակաահաբեկչական միջոցառումները)», – ասվում է ԵՄ Խորհրդի հայտարարության մեջ։
Բացի այդ, սև ցուցակից բացառվել է 24 ընկերություն, այդ թվում՝ Սիրիայի Կենտրոնական բանկը և նավթի արտադրության ու բամբակի վերամշակման ոլորտներում գործող ընկերությունները։
Փաստաթղթում նշվում է, որ այս քայլը ԵՄ արտաքին գործերի նախարարների կողմից մայիսի 20-ին Սիրիայի դեմ ԵՄ պատժամիջոցները վերացնելու նպատակահարմարության վերաբերյալ քաղաքական որոշման իրականացումն էր։
