14 05 2024

$

387.64
4.24
€

417.91

+15.09 ^oC

500 տեղ է տրվում ՀՀ ՊՆ «Պատիվ ունեմ» ծրագրով տարկետում ստացողներին

ՀԱՅԱՍՏԱՆ

13:51 03.05.2018

ՀՀ պաշտպանության նախարարությունը 2018/2019թ.թ. ուսումնական տարվա շրջանակներում ուսման վարձի լրիվ փոխհատուցմամբ (անվճար) բակալավրի առկա ուսուցմամբ ընդունելության տեղերի թիվը սահմանել է ընդհանուր 5 հարյուր, որից՝

ՀՀ ՊՆ Վազգեն Սարգսյանի անվան ռազմական համալսարանում` հրաձգային ստորաբաժանումների կառավարում մասնագիտությամբ` 450 տեղ,
Երևանի Մ. Հերացու անվան պետական բժշկական համալսարանում` բուժական գործ մասնագիտությամբ` 50 տեղ:

Սրանք այն ուսումնական տեղերն են, որտեղ կարող են հավակնել ուսանողները, որոնք մտադիր են տարկետում ստանալ ուսում ստանալու համար, ապա ՀՀ ՊՆ հետ պայմանագրի հիման վրա երեք տարի սպայական ծառայություն իրականացնել Հայաստանի զինված ուժերում՝ այդ ընթացքում ստանալով աշխատավարձ և օգտվելով ՀՀ ԶՈւ սպաների սոցիալական ապահովության բոլոր հնարավորություններից։

«Պատիվ ունեմ» ծրագրով տարկետում ստացողների ուսման վարձը վճարում է պաշտպանության նախարարությունը, և նրանք իրենց ուսման ամբողջ ընթացքում ստանում են տարկետման հնարավորություն։ Ուսմանը զուգահեռ՝ ծրագրի մասնակիցները դասընթացներ են անցնում վերը նշված ռազմաուսումնական հաստատություններում՝ սպայի որակավորում ստանալու համար։

Ծրագրի նկարագրության մեջ նշվում է, որ ամեն տարի պաշտպանության նախարարությունը ներկայացնելու է դասակի հրամանատարի այն պաշտոնների թվաքանակը, որոնք կարող են լրացնել «Պատիվ ունեմ» ծրագրի մասնակիցները։ Նշված 500 տեղը վերաբերում է հենց այս ուսումնական տարվա դիմորդներին։

Դիմում ներկայացրածների միջև ՊՆ ներկայացրած հարցաշարով անցկացվելու է քննություն-մրցույթ, որի հաղթողներն էլ կարողանալու են հավակնել այդ պաշտոններին։

Զինծառայության այս տարբերակը՝ որպես ժամկետային 2-ամյա ծառայության այլընտրանք, առաջարկվում է բուհերի այն ուսանողներին, որոնք համաձայն են տարկետում ստանալ՝ բակալավրի իրենց կրթական ծրագիրն ավարտելու համար, և դրանից հետո պարտավորվում են բանակում 3-ամյա սպայական ծառայություն անցնել։

Ծառայության այս այլընտրանքային տարբերակն առաջարկելով՝ նախարարությունը աշնանը նախաձեռնեց և իրականացրեց կրթական տարկետումների սահմանափակման գործընթացը։ Եթե մինչ այդ տարկետում ստանում էին բուհերի անվճար համակարգում սովորող բոլոր ուսանողները, ապա հիմա տարկետում կարող են ստանալ միայն «Պատիվ ունեմ» ծրագրի մասնակիցները։

Տարկետում․ մագիստրատուրա / ասպիրանտուրա
Infogram

Տարկետվող ասպիրանտական տեղերը
Infogram

ՀՀ ԶՈւ

ՀՀ ՊՆ

պաշտպանության նախարարություն

Պատիվ ունեմ

Բաժանորդագրվեք SHANTNEWS.am-ին Telegram-ում

Բոլոր լուրերը

12:00 14.05.2024
SHANTNEWS

Կապակցված լուրեր

11:51 14.05.2024

ՔԿԱԳ ոլորտում Հայաստանի օրենսդրական բարեփոխումներն ու գրանցած հաջողությունները ներկայացվել են CRVS տարածաշրջանային ղեկավար խմբի հանդիպմանը

Արդարադատության նախարարության քաղաքացիական կացության ակտերի գրանցման գործակալության պետ Մարինե Յայլախանյանը Բանգկոկում մասնակցել է Ասիա-խաղաղօվկիանոսյան տարածաշրջանային տասնամյակի Քաղաքացիական կացության ակտերի գրանցման և բնակչության բնական շարժի (CRVS) տարածաշրջանային ղեկավար խմբի 10-րդ հանդիպմանը: Մարինե Յայլախանյանը ներկայացրել է քաղաքացիական կացության ակտերի գրանցման ոլորտում 2015-2024թթ. ընթացքում Արդարադատության նախարարության կատարած աշխատանքը, օրենսդրական բարեփոխումները և գրանցած հաջողությունները: Գործակալության պետն անդրադարձել է Հայաստանի […] ...

11:46 14.05.2024

Իեն Բորջը Հայաստանում վերահաստատել է ԵԱՀԿ-ի հանձնառությունը՝ շարունակելու փոխգործակցությունը Հայաստանի հետ

ԵԱՀԿ գործող նախագահ, Մալթայի արտաքին, եվրոպական և առևտրի նախարար Իեն Բորջը Հայաստան կատարած այցի ընթացքում ընդգծել է կազմակերպության աննկուն հանձնառությունը ԵԱՀԿ տարածաշրջանում կայուն խաղաղության խթանման և առաջմղման գործում: Այս մասին նշվում է ԵԱՀԿ տարածած հաղորդագրությունում: Երևանում նախարար Իեն Բորջը հանդիպել է վարչապետ Նիկոլ Փաշինյանի, արտաքին գործերի նախարար Արարատ Միրզոյանի, Հայաստանի Ազգային ժողովի նախագահ Ալեն Սիմոնյանի […] ...

11:02 14.05.2024

Սահմանային հարցերը պետք է լուծվեն, որպեսզի Ադրբեջանի կողմից Հայաստանի դեմ հարձակվելու պատրվակ չդառնան․ շվեյցարացի պատգամավոր

Շվեյցարիայի Ազգային խորհրդի պատգամավոր Շտեֆան Մյուլեր Ալտերմատի կարծիքով՝ հայ-ադրբեջանական սահմանային հարցերն ինչ-որ պահի պետք է լուծվեն, և պետք է հաղթահարվի ստալինյան սարսափելի ժառանգությունը, քանի որ հակառակ դեպքում դրանք միշտ էլ հավանական պատերազմի առիթ կլինեն, որով Ադրբեջանը կարող է հարձակվել Հայաստանի վրա։ Շվեյցարացի պատգամավորը նման կարծիք հայտնեց «Արմենպրես»-ին տված հարցազրույցում։ -Ադրբեջանը խախտել է Հայաստանի տարածքային ամբողջականությունը, […] ...

10:50 14.05.2024

Ո՞ր դեպքում է հայտարարագրի լրացման ժամանակ ընտրվում «Համաձայն չեմ տեղեկատվության հետ» նշատուփը. ՊԵԿ-ը՝ հայտարարագրման գործընթացի մասին

ՀՀ ՊԵԿ-ը տեղեկացնում է, թե ո՞ր դեպքում է հայտարարագրի լրացման ժամանակ ընտրվում «Համաձայն չեմ տեղեկատվության հետ» նշատուփը «Համաձայն չեմ տեղեկատվության հետ» նշատուփն ընտրվում է այն դեպքում, երբ հայտարարատուն համաձայն չէ համակարգի կողմից ինքնաշխատ լրացված տեղեկատվության հետ և կարող է լրացնել այլ տեղեկատվություն։ Ի՞նչ անել այն դեպքում, երբ ինքնաշխատ լրացված տվյալներում բացակայում է հարկային գործակալի վերաբերյալ […] ...

10:38 14.05.2024

Շարունակվում են Երևանի և մարզերի բժշկական կենտրոնների արդիականացման ծրագրերը

Կառավարության աջակցությամբ շարունակվում են Երևանի և մարզերի բժշկական կենտրոնների արդիականացման ծրագրերը: Առաջիկա կապիտալ ծախսերով մի շարք պոլիկլինիկաներ, ամբուլատորիաներ ևս կվերանորոգվեն: Նպատակը բնակիչների համար ֆիզիկապես և ֆինանսապես հասանելի ծառայությունների տրամադրումն է: «Հրապարակում» հաղորդման անդրադարձը: ...

10:00 14.05.2024

Տեղի է ունենում Երևանի ավագանու նիստը

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.