12:54 25.10.2018
Ազգային ժողովի Հանրապետական խմբակցության պատգամավոր Միհրան Հակոբյանը օրենքի նախագիծ է ներկայացրել, որով առաջարկվում է Ամենայն Հայոց Կաթողիկոսի անվտանգությունն ապահովել այնպես, ինչպես ապահովում են Հայաստանի նախագահի և վարչապետի անվտանգությունը։ Հակոբյանն առաջարկում է դա ամրագրել օրենքում, ոչ թե թողնել վարչապետի հայեցողության դաշտում։
Այս մասին նախագիծն այսօր կառավարության նիստում ներկայացրեց ՀՀ արդարադատության նախարարի պաշտոնակատար Արտակ Զեյնալյանը։ Պաշտոնակատարը, սակայն, առաջարկեց բացասական եզրակացություն տալ այս նախագծին, քանի որ կաթողիկոսը կրոնական գործիչ է, ոչ թե պետական պաշտոնյա։
«Ես կարծում եմ՝ ընդհանուր առմամբ, նման օրենսդրական փոփոխության անհրաժեշտություն չկա, որովհետև կառավարությունը ի վիճակի է Ամենայն Հայոց Կաթողիկոսի անվտանգությունը ապահովել, և էլի պետք չէ, այսպես ասած, տպավորություն ստեղծել, թե ՀՀ-ում Ամենայն Հայոց Կաթողիկոսի անվտանգությանն ինչ-որ բան սպառնում է։ Եվ եթե կա այդպիսի ընկալում, դա սխալ ընկալում է, և իրավիճակները պետք չէ մեկնաբանել բոլորովին այլ կերպ, քան դրանք գոյություն ունեն և կարող են գոյություն ունենալ»,- նշեց վարչապետի պաշտոնակատար Նիկոլ Փաշինյանը։
Նա նշեց, որ եթե դրա կարիքը լինի, կքննարկեն, սակայն կարիքը չկա, քանի որ օրենքի տրամաբանության մեջ չի մտնում կրոնական գործիչներին այնտեղ ներառելը։ Փաշինյանի խոսքով՝ կոռեկտ չէ Ամենայն Հայոց Կաթողիկոսին պետական բարձրաստիճան պաշտոնյաների ցանկում ներառելը։
Կառավարությունը միաձայն բացասական եզրակացություն տվեց նախագծին։
23:59 10.05.2025
Երևանի բոլոր վարչական շրջաններում շարունակվում են փոսային նորոգումներըԵրևանի բոլոր վարչական շրջաններում շարունակվում են փոսային նորոգումները: Արդեն իսկ կատարվել են շուրջ 19.000 քմ աշխատանքներ։ Այս մասին հայտնել են Երևանի քաղաքապետարանից: Աշխատանքների սկզբնական փուլում ֆրեզով կտրվում են ասֆալտբետոնե ծածկի վնասված հատվածները, որից հետո մաքրվում են փոշուց, բիտումապատվում, այնուհետև տեղադրվում է ասֆալտբետոնե նոր ծածկ: Մանրամասները՝ տեսանյութում: ...
23:58 10.05.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 10.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 10.05.2025
Ավարտվել է կարատեի Եվրոպայի մեծահասակների 60-րդ առաջնությունըԿ. Դեմիրճյանի անվան մարզահամերգային համալիրում ավարտվել է կարատեի Եվրոպայի մեծահասակների 60-րդ առաջնությունը: Առաջնությունն անցկացվել է ՀՀ կրթության, գիտության, մշակույթի և սպորտի նախարարության աջակցությամբ` Հայաստանի կարատեի ֆեդերացիայի և միջազգային գործընկերների հետ համագործակցությամբ: Այս մասին հայտնել են ԿԳՄՍ նախարարությունից: Եվրոպայի առաջնության եզրափակիչ մենամարտերին հետևել և մրցանակակիրներին պարգևատրել են ԿԳՄՍ նախարար Ժաննա Անդրեասյանը և նախարարի տեղակալ Հասմիկ Ավագյանը, […] ...
23:42 10.05.2025
Մակրոնը չի բացառում Արևմտյան զորքերի տեղակայումն ՈւկրաինայումՖրանսիայի նախագահ Էմանուել Մակրոնը չի բացառում Ուկրաինայում մի քանի հազար արևմտյան զինվորականներ տեղակայելու հնարավորությունը։ «Գլխավոր տարրը զորքեր ունենալն է Ուկրաինայում: Կարող է լինել մի քանի հազար, բայց ոչ հարյուր հազարավոր։ Հարցը թվերը չեն։ Հարցն այն է, որ մենք այնտեղ կլինենք պահեստային ուժեր ապահովելու համար՝ օդում կամ առաջնագծից հեռու ռազմավարական դիրքերում», – ասել է Մակրոնը Le […] ...
23:26 10.05.2025
«Միլանն» ու «Ինտերը», հնարավոր է, հանդիպումներ անցկացնեն ԱՄՆ-ումԻտալիայի Ա Սերիայի նախագահ Էցիո Մարիա Սիմոնելին «Միլանին» ու «Ինտերին» առաջարկել է 2026 թ. տարեսկզբի հանդիպումներն անցկացնել ԱՄՆ-ում, հայտնում է Football Italia-ն։ Բանն այն է, որ երկու ակումբների տնային ստադիոնում`«Սան Սիրոյում» վերանորոգման աշխատանքներ են տեղի ունենալու` կապված փետրվարի 6-ից 22-ը Միլանում անցկացվելիք ձմեռային 25-րդ Օլիմպիական խաղերի հետ։ «Սան Սիրոն» հունվարի 10-ից փետրվարի 8-ը փակ կլինի, […] ...
