07 05 2024

$

387.73
4.26
€

417.55

+13.09 ^oC

Apple-ը ներկայացրել է նոր iPhone սմարթֆոններ

ԱՇԽԱՐՀ

15:30 13.09.2017

Ընկերության ներկայացուցիչների խոսքով՝ սմարթֆոնների դիզայնն ամբողջովին նոր է, դրանց դիմացի և հետևի մասերն ապակուց են: Սմարթֆոնների արտադրության մեջ օգտագործված այս ապակին չափազանց դիմացկուն է: Սմարթֆոնները ջրակայուն են և փոշի չեն կլանում: iPhone X սմարթֆոնի հռոմեական X-ը խորհրդանշում է առաջին iPhone-ի ստեղծման 10-ամյակը: iPhone X սմարթֆոնն ունի առանց շրջանակի 5.8 դյույմ անկյունագծով OLED էկրան: Սմարթֆոնն ունի 12 մեգապիքսելանոց տեսախցիկ: Առաջին անգամ սմարթֆոնի դիզայնում բացակայում է գլխավոր կառավարման կոճակը: Փոխարենը՝ այն ունի եռաչափ դիմաճանաչողական Face ID տեխնոլոգիա, որը թույլ է տալիս ապակոդավորել հեռախոսը՝ միայն նայելով օգտատիրոջ դեմքին: Ընդ որում, Apple-ը հավաստիացնում է, որ համակարգը օգտատիրոջը կարող է ճանաչել տարբեր անկյուններից, նույնիսկ մթության մեջ, և հավանականությունը, որ iPhone X-ը կշփոթի օգտատիրոջ դեմքը մեկ այլ մարդու դեմքի հետ, մեկը միլիոնի հարաբերակցությամբ է:

Սակայն սմարթֆոնի շնորհանդեսի ժամանակ այս նոր գործառույթը տապալվեց: iPhone X-ը չկարողացավ ճանաչել օգտատիրոջ դեմքը: Ընկերության փոխտնօրեն Քրեյգ Ֆեդերինին հայտարարեց, որ հեռախոսը հնարավոր է ապակոդավորել՝ ընդամենը դրան նայելով, սակայն սմարթֆոնը նրան «չճանաչեց» և առաջարկեց ապակոդավորման համար թվային ծածկագիր ներմուծել: Երկրորդ փորձից հետո Ֆեդերինին սմարթֆոնի մեկ այլ նմուշ վերցրեց, որն անմիջապես «ճանաչեց» տիրոջը: Face ID տեխնոլոգիան կարելի է օգտագործել ոչ միայն սմարթֆոնն ապակոդավորելու նպատակով, այլև դրամային գործարքներ իրականացնելու համար:

iPhone X-ը կլինի Apple-ի ամենաթանկարժեք սմարթֆոնը, որը Միացյալ Նահանգներում կարժենա 999 դոլար: Այն վաճառքի կհանվի նոյեմբերի 3-ից: Սմարթֆոնը հասանելի կլինի մոխրագույն և արծաթագույն երանգներով:

Apple-ը նաև ներկայացրել է iPhone 8 և iPhone 8 Plus մոդելները, որոնք նախորդ տարվա iPhone 7 և iPhone 7 Plus մոդելների թարմացված տարբերակներն են: Այս սմարթֆոնները վաճառքի կհանվեն սեպտեմբերի 22-ին՝ 699 դոլարով:

Ներկայացված սմարթֆոնների դեպքում Apple-ի գլխավոր նորամուծություններից է նաև անլար լիցքավորումը:

Բաժանորդագրվեք SHANTNEWS.am-ին Telegram-ում

Բոլոր լուրերը

22:54 07.05.2024
ԱՄՆ-ի և Ուկրաինայի պաշտպանության նախարարները քննարկել են Կիևի սպառազինության կարիքները

Կապակցված լուրեր

22:54 07.05.2024

ԱՄՆ-ի և Ուկրաինայի պաշտպանության նախարարները քննարկել են Կիևի սպառազինության կարիքները

ԱՄՆ պաշտպանության նախարար Լլոյդ Օսթինը և նրա ուկրաինացի գործընկեր Ռուստեմ Ումերովը քննարկել են Կիևի սպառազինության կարիքները։ Այս մասին ասվում է Պենտագոնի մամուլի ծառայության տարածած հաղորդագրության մեջ։ Ինչպես նշվում է փաստաթղթում, Օսթինը և Ումերովը հեռախոսազրույցի ընթացքում անդրադարձել են «ռազմաճակատի վերջին իրադարձություններին», ինչպես նաև քննարկել են «Ուկրաինայի ռազմական աջակցության ամենահրատապ կարիքները»։ Բացի այդ, գերատեսչությունների ղեկավարները քննարկել են […] ...

22:43 07.05.2024

Արեգակի վրա 10 հզոր բռնկում է եղել

Գիտնականները ֆիքսել են 10 բարձր կարգի M բռնկում, որոնք տեղի են ունեցել երեքշաբթի Արեգակի վրա, ՏԱՍՍ-ին հայտնել են Կիրառական երկրաֆիզիկայի ինստիտուտից (IPG): Առաջին M1.3 բռնկման տևողությունը 30 րոպե է եղել։ Վերջին բռնկումն ամենահզորն է եղել։ Միաժամանակ, ըստ IPG-ի, որոշ բռնկումներ ուղեկցվել են ԿԱ (կարճալիք) ռադիոկապի խաթարմամբ։ ...

22:21 07.05.2024

Թբիլիսիում սկսվել է ընդդիմության ցույցը ընդդեմ օտարերկրյա գործակալների մասին օրենքի

Թբիլիսիում երկրի խորհրդարանի շենքի մոտ սկսվել է վրացական ընդդիմության հերթական հանրահավաքը՝ ընդդեմ օտարերկրյա գործակալների մասին օրենքի, հաղորդել է «ՌԻԱ Նովոստիի» թղթակիցը։ Մի քանի հարյուր մարդ երեքշաբթի երեկոյան հավաքվել է օրենսդիր շենքի դիմացի հրապարակում։ Նրանք ձեռքերում պահում են Վրաստանի և Եվրամիության դրոշները։ Ընդհանուր առմամբ, բողոքի ակցիան խաղաղ է, ցուցարարները կարգախոսներ են բացականչում: Միևնույն ժամանակ, ոմանք գնդակ […] ...

21:58 07.05.2024

ԱԳ նախարարի տեղակալ Վահան Կոստանյանի հանդիպումը ՆԱՏՕ-ի կենտրոնակայանում

Մայիսի 7-ին Բրյուսելում ՆԱՏՕ-ի կենտրոնակայանում տեղի է ունեցել ՀՀ ԱԳ նախարարի տեղակալ Վահան Կոստանյանի հանդիպումը ՆԱՏՕ-ի մշտական ներկայացուցիչների տեղակալների կոմիտեի (Deputy Permanent Representatives’ Committee-DPRC) հետ։ Իր ելույթում նախարարի տեղակալը արձանագրել է, որ շուրջ երեսուն տարի առաջ Հայաստանի միանալը Հյուսիսատլանտյան Դաշինքի «Գործընկերություն հանուն խաղաղության ծրագրին» կարևոր հիմք է հանդիսացել Հայաստանի և ՆԱՏՕ-ի միջև հետագա համագործակցության զարգացման […] ...

21:19 07.05.2024

Բայդենն ասում է, որ ԱՄՆ-ն կաջակցի Իսրայելին՝ չնայած տարաձայնություններին

ԱՄՆ նախագահ Ջո Բայդենը հայտարարել է, որ Միացյալ Նահանգները պատրաստ է աջակցել Իսրայելին՝ չնայած տարաձայնություններին։ «Ես լիովին հավատարիմ եմ հրեա ժողովրդի, Իսրայելի անվտանգությանը և նրա անկախ գոյության իրավունքին, նույնիսկ չնայած մեր միջև առկա տարաձայնություններին»,- ասել է ամերիկացի առաջնորդը՝ ելույթ ունենալով Վաշինգտոնում գտնվող Հոլոքոստի թանգարանում: Միաժամանակ Բայդենը քննադատել է պաղեստինամետ գործողությունները երկրի համալսարաններում։ «Ամերիկյան համալսարանում, Ամերիկայի […] ...

21:00 07.05.2024

Արամ Ա կաթողիկոսն ընդունել է երեք կուսակցությունների ներկայացուցիչներին

Ն.Ս.Օ.Տ.Տ. Արամ Ա կաթողիկոսն ընդունել է երեք կուսակցությունների ներկայացուցիչներին: Այս մասին հայտնում է Մեծի տանն Կիլիկիո կաթողիկոսարանը: Երկուշաբթի, 6 Մայիս 2024-ին, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մէջ ընդունեց Սոցիալ Դեմոկրատ Հնչակեան Կուսակութեան Լիբանանի վարիչ մարմնի ատենապետ Վանիկ Տագէսեան, Հայ Յեղափոխական Դաշնակցութեան կեդրոնական կոմիտէի ներկայացուցիչ Յակոբ Բագրատունի եւ Ռամկավար Ազատական Կուսակցութեան Լիբանանի շրջանային վարչութեան […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.