13:25 20.05.2018
ԿԳ նախարար Արայիկ Հարությունյանը այսօր այցելել է Կոտայքի մարզի Փյունիկ համայնքի միջնակարգ դպրոց: Հիշեցնենք, որ այս դպրոցը նախորդ կառավարության 2017 թվականի օգոստոսին կայացրած որոշմամբ ենթակա էր փակման, քանի որ դպրոցում սովորող աշակերտների թիվը 42-ն է, ու այն որոշվել էր վերամիավորել Փյունիկից մոտ 3,5 կիլոմետր հեռավորությամբ գտնվող հարևան գյուղի՝ Արտավազի դպրոցի հետ: Փյունիկցիների բարձրացրած աղմուկի պատճառով 2017 թվականի նոյեմբերին գործընթացը կասեցվեց, սակայն կառավարությունը մեկ այլ որոշում կայացրեց՝ դպրոցի օպտիմալացումը հետաձգել մինչև 2018 թվականի հունիսի 1-ը, որից հետո պետք է սկսվեր օպտիմալացման գործընթացը: Այսօր դպրոցում սովորում է ընդամենը 9 առաջին դասարանցի, իսկ 10,11,12-րդ դասարաններ չկան, աշակերտների բացակայության պատճառով:
Փյունիկ այցելած կրթության նախարարը հենց գյուղի դպրոցի դահլիճում, աշակերտների, դպրոցի մանկավարժական կոլեկտիվի, ինչպես նաև ծնողների հետ ունեցած հանդիպման ժամանակ հայտարարեց՝
«Դպրոցներ փակելով չէ, որ պետք է լուծվեն հանրակրթության խնդիրները: Մենք գիտենք, թե որքան կարևոր է գյուղի զարգացման համար դպրոցի առկայությունը: Մյուս գյուղերի օրինակով, մենք այդպիսի տենդենցներ ենք տեսնում, որ երբ դպրոցները փակվում են, գյուղացու մնալու խնդիրներ են առաջանում և նրանք ավելի շահագռգռված են տեղափոխվել այն բնակավայրերը, որտեղ նրանց երեխաները դպրոց են գնում: Ֆորմալ առումով մենք դեռ էս որոշումը կառավարությամբ պետք է հաստատենք, բայց ընդհանուր մեր տեսլականն է և քաղաքականությունն է, որ մենք հանրակրթության ոլորտի խնդիրները պետք է այլ կերպ լուծենք, քան դպրոցներ փակելը: Ու էս քայլի արդյունքը էս ժպիտներն են, որ երեխաների դեմքերին տեսա, միայն դրա համար արժեր դպրոցը չփակել:Դպրոցների փակվելու հարցը մեր օրակարգից պետք է դուրս գա», – նշեց նախարարը :
Ինչ վերաբերում է շենքի պահպանման ու ընթացիկ ծախսերի խնդրին, ապա նախարարն ընդգծել է. «Կրթական ոլորտի բյուջեն ուսումնասիրելիս տեսնում ես, որ գումարներ կան իրականում, պարզապես դրանց ճիշտ տեղաբաշխում է պետք: Գումարները շատ տաբեր ուղղություններով մսխվում են, ոչ արդյունավետ ծախսվում են, և ես կարծում եմ, որ ընդհանուր ոգևորությունն էլ, որ կա գյուղում, թույլ կտա նաև գյուղի հնարավորությունների սահմանում որոշակի խնդիրներ լուծել նաև դպրոցում: Նույն դպրոցի շրջանակներում ինչ որ կորպուսների օպտիմալ շահագործմամբ կարելի է էդ խնդիրը լուծել: Հետագայում, երբ որ աշակերտների թիվը մեծանա արդեն կանդրադառնանք մյուս կորպուսներին: Ցանկության պարագայում կարելի է էդ խնդիրները լուծել, նախկինում ցանկություն չի եղել թե կրթական ոլորտում, թե ամենուր այսպես լճացած իներցիոն վիճակ է եղել, հիւմա այս ընդհանուր ոգևորության ֆոնին էս խնդիրներն էլ լուծելի են»,- եզրափակեց նախարարը:
20:46 03.08.2025
Արեգակի վրա հզոր բռնկում է տեղի ունեցելՕգոստոսի 3-ին Արեգակի վրա գրանցվել է նախավերջին հզորության դասի M բռնկում, ՏԱՍՍ-ին հայտնել են Կիրառական երկրաֆիզիկայի ինստիտուտից։ «Օգոստոսի 3-ին՝ Մոսկվայի ժամանակով ժամը 16:57-ին, 4168 (N04E23) արեգակնային բծերի խմբում ռենտգենյան տիրույթում գրանցվել է 11 րոպե տևողությամբ M2.9 բռնկում», – հայտնել են ինստիտուտից: Արեգակնային բռնկումները բաժանվում են հինգ դասի՝ կախված ռենտգենյան ճառագայթման հզորությունից՝ A, B, C, M […] ...
20:18 03.08.2025
Սևանա լճի տարբեր հատվածներում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանցԱնցած շաբաթ Կոտայքի և Գեղարքունիքի մարզային վարչության ««Սևան» ազգային պարկ» տեղամասի աշխատակիցները Սևանա լճի տարբեր հատվածներում իրականացրել են ստուգիչ միջոցառումներ, ինչի արդյունքում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանց։ Ինչպես տեղեկացնում են Շրջակա միջավայրի նախարարությունից, փաստի առթիվ կազմվել է համապատասխան արձանագրություն, որսի միջոցներն առգրավվել են, միջոցառումները կրելու են շարունակական բնույթ։ ...
19:50 03.08.2025
Կամչատկայում արթնացել է գրեթե 500 տարի քնած հրաբուխըԿամչատկայում արթնացել է գրեթե 500 տարի քնած հրաբուխը: Այս մասին ֆեյսբուքյան իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը: «Կրաշենիննիկով հրաբուխը մինչև 6 կմ բարձրությամբ մոխրի սյուն է արտանետել՝ ավելի քան երեք անգամ բարձր, քան ինքնին հրաբուխն է, նրա բարձրությունը 1856 մետր է։ Վերջին անգամ այն ժայթքել է մոտավորապես 1550 թվականի […] ...
19:25 03.08.2025
Արարատի մարզում բախվել են «ՎԱԶ 2107»-ն ու «Լադա»-նԱյսօր՝ օգոստոսի 3-ին, ավտովթար է տեղի ունեցել Արարատի մարզում։ Ժամը 13։20-ի սահմաններում Տափերական գյուղի գլխավոր փողոցում՝ բենզալցակայանի դիմաց, բախվել են Արարատի մարզի բնակիչներ 32-ամյա Գոռ Մ․-ի վարած «ՎԱԶ 2107» մակնիշի և 26-ամյա Կարապետ Գ․-ի վարած «Լադա» մակնիշի ավտոմեքենաները։ Ինչպես հայտնում է shamshyan.com-ը, բախման հետևանքով «Լադա»-ն դուրս է եկել երթևեկելի գոտուց, անցել բազալտե եզրաքարի վրայով, ապա […] ...
19:00 03.08.2025
Եգիպտոսը երեք օրվա ընթացքում տասնյակ տոննա մարդասիրական օգնություն է ուղարկել Գազայի բնակիչների համարԵգիպտոսի ռազմաօդային ուժերի ինքնաթիռները երեք օրվա ընթացքում տասնյակ տոննա պարենային օգնություն են նետել Գազայի հատվածի բնակիչների համար, ասվում է Եգիպտոսի զինված ուժերի հայտարարության մեջ։ «Վերջին օրերին Եգիպտոսի Արաբական Հանրապետությունից թռիչք է կատարել ինը ռազմական տրանսպորտային ինքնաթիռ՝ Գազայի հատվածի դժվարամատչելի շրջաններ տասնյակ տոննա պարենային օգնություն նետելու համար», – ասվում է հայտարարության մեջ։ Իսրայելի կառավարությունը հուլիսի 26-ին […] ...
18:30 03.08.2025
Եվրահանձնաժողովը հաստատել է Սլովակիայի և ԱՄՆ-ի միջև միջուկային էներգիայի վերաբերյալ համաձայնագիրըԵվրոպական հանձնաժողովը հաստատել է Սլովակիայի և ԱՄՆ-ի միջև միջուկային էներգիայի ոլորտում համագործակցության վերաբերյալ միջկառավարական համաձայնագրի նախագիծը, հայտարարել է Սլովակիայի վարչապետ Ռոբերտ Ֆիցոն։ «Եվրոպական հանձնաժողովը դրական է գնահատել Սլովակիայի և Միացյալ Նահանգների կառավարությունների միջև միջուկային էներգիայի ոլորտում համագործակցության մասին համաձայնագրի բովանդակությունը։ Ատոմային էներգիայի ոլորտում համագործակցության վերաբերյալ Եվրամիության անդամ չհանդիսացող երկրի հետ նման միջպետական համաձայնագրերը, ԵՄ ներքին […] ...
