16:50 23.05.2018
ԱԺ-ում կառավարության հետ ընթացող հարցուպատասխանի ժամանակ ԱԺ ՀՅԴ խմբակցության անդամ Արմենուհի Կյուրաեղյանը մինչ իր հարցին անցնելը նշեց, որ ինչքան էլ հայտարարվի, թե առաջնային խնդիրն արտահերթ ընտրություններ անցկացնելու համար համապատասխան միջավայր ապահովող օրենսդրական փոփոխությունների մշակումն է, միևնույն է, ժողովուրդը յուրաքանչյուր ոլորտում փոփոխություն է սպասում, իր կյանքի որակի լավացում և շատ արագ:
«Ձեր գործն է շատ դժվար»,- ասաց պատգամավորը՝ խոսքն ուղղելով գործադիրի անդամներին:
ՀՅԴ-ական պատգամավորն այնուհետ խոսքն առանձին ուղղեց ՀՀ աշխատանքի և սոցիալական հարցերի նախարար Մանե Թանդիլյանին և մշակույթի նախարար Լիլիթ Մակունցին: Նա հույս հայտնեց, որ նրանք բարձր գնահատականներ կունենան:
Երկար նախաբանից հետո նոր միայն պատգամավորը հստակեցրեց իր հարցը և ասաց, որ առողջապահության ոլորտը խնդրահարույց է, և Հայաստանի քաղաքացին էական ու դրական փոփոխությունների մեծ սպասելիքներ ունի:
«Ես ուզում եմ խոսել այդ ոլորտում տարածված, թող ների ինձ իմ մայրենին, ռուսերենով կասեմ, «ատկատ» երևույթի մասին: Քիչ չեն դեպքերը, որ հիվանդին տարբեր մասնագետների մոտ են ուղարկում հետազոտման, տարբեր անալիզների: Շատ դեպքերում «ատկատի» երևույթի արդյունքում հիվանդի տերը, կորցնելով բավականին գումար, իրական բուժման համար ժամանակ, շատ հաճախ հիվանդի կյանքը, արդյունքում ֆինանսական մեծ կորուստներ է ունենում»,- ասաց պատգամավորն ու առողջապահության նախարարից հետաքրքրվեց, թե արդյո՞ք մշակում են մեխանիզմներ, որոնք կարող են բացառել «ատկատի» երևույթը:
Առողջապահության նախարար Արսեն Թորոսյանը, ի պատասխան պատգամավորի հարցին, ասաց, որ մինչ նախարար նշանակվելը լավ ծանոթ է եղել հարցին:
«Ատկատի» երևույթը, հատկապես ճառագայթային ախտորոշման դեպքում կա, կրկնակի հետազոտության են ուղարկում: Երևույթն ապօրինի է: Խնդիրը նաև բուժաշխատողների դաշտում է, նրանք ակնկալում են հավելյալ գումարներ, որովհետև հիմնական աշխատավարձը ցածր է: Լուծումները պետք է այդ դաշտում տեսնենք՝ բարձրացնելով աշխատավարձերը»,- ասաց Թորոսյանը:
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...
