Կողմերին կոչ ենք անում լրացուցիչ միջոցներով ամրապնդել լարվածության նվազեցման դրական միտումը․ ԵԱՀԿ-ում ՌԴ ներկայացուցիչ

Արցախյան հակամարտության կարգավորման միջնորդական առաքելության ջանքերը բարձր գնահատականի են արժանի։ Այս մասին իր թվիթերյան էջում գրել է ԵԱՀԿ-ում Ռուսաստանի ներկայացուցիչ Ալեքսանդր Լուկաշևիչը։

Նա հիշատակել է, թե ինչ փուլում է հիմա հակամարտության կարգավորումը․

• «Ընտրական» դադարից հետո ակտիվացել են կողմերի միջև շփումները,
• Արդյունավետ հանդիպում է տեղի ունեցել Դուշանբեում։

«Հայաստանի և Ադրբեջանի սահմանին հարաբերական կայունությունը պահպանվում է, հրադադարի ռեժիմի խախտումների թիվը նվազում է: Մենք կոչ ենք անում կողմերին լրացուցիչ միջոցներով ամրապնդել լարվածության նվազեցման դրական միտումը: Հրադադարի ռեժիմի պահպանումը ԵԱՀԿ Մինսկի խմբի համանախագահների միջնորդական առաքելության արդյունավետության և կարգավորման էական ասպեկտների հարցում փոխզիջման առաջխաղացման կարևորագույն պայման է»,- հայտարարել է ԵԱՀԿ-ում Ռուսաստանի ներկայացուցիչը։

Դիրքորոշումն արտահայտելու այս ձևաչափը, ենթադրաբար, Ռուսաստանի պատասխանն է Նահանգներին, որի ներկայացուցիչը օրեր առաջ էր նմանատիպ հայտարարություններով հանդես եկել։ Նա բաց նամակ էր ուղարկել ԵԱՀԿ ղեկավարությանը՝ ներկայացնելով իրենց դիրքորոշումները Արցախյան հակամարտության կարգավորման վերաբերյալ։ Դրանց մեջ նաև հիշատակվում էր, որ Նահանգները կողմ է շփման գծում հրադադարի խախտումների հետաքննության մեխանիզմների ներդրմանն ու Կասպրշիկի մշտադիտարկող թիմի կարողությունների (անձնակազմի) ընդլայնմանը։

Այս առաջարկները եղել են Ապրիլյան պատերազմից հետո, և Հայաստանը երկուսի դեպքում էլ համաձայն է եղել իրագործել դրանք։ Սակայն միջնորդների օգնությամբ ադրբեջանական կողմի հետ պայմանավորվածություններից հետո Բաքուն մշտապես հրաժարվել է այդ պայմանավորվածություններից։

Ռուսական կողմը, հավանաբար, որոշել է նույնպես ներկայացնել իր դիրքորոշումները նույն ոճով, ու հիշատակել է, որ արդյունավետ հանդիպում եղել է Դուշանբեում, որտեղ անցկացվում էր ԱՊՀ երկրների ղեկավարների հանդիպումը, իսկ այդ կառույցի ծանրության կենտրոնը հենց Ռուսաստանն է։ ԵԱՀԿ-ում ՌԴ ներկայացուցիչը մի քանի գրառում է փոխանցել իրենց ասելիքը։

#Лукашевич: Усилия «тройки» сопредседателей Минской группы #ОБСЕ в качестве коллективного посредника при выработке сторонами жизнеспособного разрешения нагорнокарабахской проблемы заслуживают высокой оценки и безусловной поддержки #НКУ pic.twitter.com/MuNfEpxgjR

— Russian Mission OSCE (@RF_OSCE) November 12, 2018

#Лукашевич: После недолгой выборной паузы восстановлены интенсивные контакты между Азербайджаном и Арменией. Состоялась результативная встреча на полях Совета глав государств СНГ в Душанбе 28 сентября 2018 г. #НКУ

— Russian Mission OSCE (@RF_OSCE) November 12, 2018

#Лукашевич: На линии соприкосновения и границе Азербайджана и Армении сохраняется относительная стабильность, снижается число нарушений режима «тишины». Призываем стороны закрепить позитивную тенденцию дополнительными мерами по снижению напряженности #НКУ

— Russian Mission OSCE (@RF_OSCE) November 12, 2018

#Лукашевич: Прекращение огня является важнейшим условием продуктивности посреднической миссии сопредседателей Минской группы ОБСЕ и продвижению к компромиссу по сущностным аспектам урегулирования #НКУ

— Russian Mission OSCE (@RF_OSCE) November 12, 2018