22:23 15.11.2018
Խորհրդարանական հանրապետությունում թույլատրելի է, որ դաշինքում լինեն մարզպետներ, փոխնախարարներ: Այս մասին «Շանթ» հեռուստաընկերության եթերում հեռարձակվող «Հեռանկար» վերլուծական հաղորդաշարի ընթացքում հայտարարել է ՀՀ ԿԳ նախարարի պաշտոնակատար, «Իմ քայլը» դաշինքով առաջադրված Արայիկ Հարությունյանը:
Հաղորդաշարի մեկնաբան Արամ Աբրահամյանի դիտարկմանը, որ այդ դեպքում մարզպետների ենթակայության ներքո գտնվող աշխատակիցները, եթե անգամ քարոզչություն չիրականացնեն, գոնե կընտրեն իրենց մարզպետին՝ Արայիկ Հարությունյանն ասել է, որ որևէ մեկը պարտադրված ընտրություն չի կատարելու:
«Անցած ՏԻՄ ընտրություններն էլ ցույց տվեցին, որ նույնիսկ այդ պարագայում որևէ դեպք չեք կարող մատնանշել, որ նման երևույթ է եղել կամ որևէ պետական պաշտոնյա՝ լինի դա, ասենք, համայնքներում, կամ Երևան քաղաքում կամ նախարարություններից, որ պարտադրված որևէ ընտրություն կատարած լինի: Եթե կա քաղաքական կամք՝ այլևս որևէ բան չի խանգարի ազատ, արդար ընտրություններ կազմակերպել, եթե այդ կամքը չկա, ապա ուզում ես՝ նախարարներին էլ մի դիր ցուցակում, մարզպետներին էլ մի դիր ցուցակում, միևնույն է, ճնշում կլինի պետական պաշտոնյաների վրա»,- ասել է նախարարի պաշտոնակատարը:
Նա հայտարարել է, որ իշխանությունների կողմից կա կամք, որ նման երևույթներ չպետք է լինեն, և անցած ՏԻՄ ընտրությունները Երևանում ու մարզերում ցույց տվեցին, որ նման երևույթներ չկան:
Հարցին՝ եթե փորձի համար ինչ-որ մեկը զանգ կատարի դպրոցի տնօրեններին ու նրանց փորձի «բզբզել», ապա նրանք ի՞նչ կասեն, Արայիկ Հարությունյանը դա որակել է որպես զգոնություն ապահովող ազդակ:
«Մի կողմից լավ է, զգոնություն է ապահովում: Իմ կարծիքով, նրանք նախորդ ՏԻՄ ընտրությունների ժամանակ, նկատի ունեմ Հրազդանում ու մյուս քաղաքներում, շատ զանգեր էին արել և միայն մի տնօրեն չէր դիմացել այդ փորձությանը, ինչը լավ արդյունք է»,- ասել է նա:
Նա ասել է, որ տնօրենների մեջ դեռ կան այնպիսիք, որ «հին Հայաստանում» են ապրում, բայց «անցած ամիսների ընթացքում էլ, վերջերս էլ, իմ հանդիպման ժամանակ էլ, ԱԺ-ում էլ հայտարարվել է, որ հատկապես կրթական հաստատություններում (քաղաքական գործընթացների մեջ-խմբ.) ներգրավման որևէ դեպք չպետք է լինի՝ ով ուզում է լինի»:
16:14 16.06.2025
Մահվան ելքով վրաերթ Երևան-Երասխ ավտոճանապարհին
16:08 16.06.2025
Ավշար բնակավայրում հողամասի և նախկին կոլտնտեսության շենքի նկատմամբ վերականգնվել է համայնքի սեփականության իրավունքը. վարչապետԱրարատի մարզի Արարատ համայնքի Ավշար բնակավայրի Հ. Շիրազի փողոցում գտնվող՝ 0,966 հա մակերեսով հողամասի և 416,6 քմ մակերեսով նախկին կոլտնտեսության շենքի նկատմամբ վերականգնվել է համայնքի սեփականության իրավունքը: Հողամասի՝ շուկայականին մոտարկված կադաստրային արժեքը՝ 21 միլիոն 622 հազար դրամ: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը: ...
16:00 16.06.2025
Գլխավոր դատախազը Նիդերլանդների դեսպանի հետ քննարկել է համագործակցության հեռանկարներըԳլխավոր դատախազ Աննա Վարդապետյանն այսօր ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերին: Աննա Վարդապետյանը ողջունել է դեսպանին Հայաստանի Հանրապետության գլխավոր դատախազությունում և բարձր գնահատել Դեսպանության աջակցությամբ իրականացված վերապատրաստման դասընթացների արդյունավետությունը: Հիշեցնենք, որ Գլխավոր դատախազությունը, Հայաստանում Նիդերլանդների Թագավորության դեսպանության աջակցությամբ, 2024 թվականի նոյեմբերի 16-ին մեկնարկել էր Հայաստանի Հանրապետությունում գործող բոլոր […] ...
15:50 16.06.2025
Փրկարար ծառայությունը ներկայացրել է ուժեղ քամու, հորդառատ անձրևի և կարկուտի հետևանքների վերաբերյալ ամփոփ տեղեկատվությունՀունիսի 14-15-ը ՆԳՆ Փրկարար ծառայությունում ստացվել են ահազանգեր՝ Երևանում, Շիրակի, Արագածոտնի, Լոռու և Տավուշի մարզերում ուժեղ քամու, հորդառատ անձրևի և կարկուտի հետևանքների վերաբերյալ: Փրկարար ծառայության ստորաբաժանումները՝ համագործակցելով ՆԳՆ ոստիկանության ծառայողների հետ, իրականացրել են իրավիճակից բխող անհրաժեշտ գործողություններ՝ տարածքների սահմանազատում, տանիքների, կառուցատարրերի ապամոնտաժում, անձրևատար խողովակների ամրացում, տապալված ծառերի մասնատում և հեռացում: Ուժեղ քամու հետևանքով հունիսի 14-ից […] ...
15:40 16.06.2025
Դուշանբեում տեղի է ունեցել ԱՊՀ անդամ պետությունների ԱԳՆ-ների իրավաբանական ծառայությունների ղեկավարների խորհրդակցական կոմիտեի 38-րդ նիստըՀունիսի 11-ին Դուշանբեում Տաջիկստանի Հանրապետության նախագահությամբ տեղի է ունեցել ԱՊՀ անդամ պետությունների արտաքին գործերի նախարարությունների իրավաբանական ծառայությունների ղեկավարների խորհրդակցական կոմիտեի 38-րդ նիստը, որին մասնակցել են Հայաստանի Հանրապետության, Բելառուսի Հանրապետության, Ղազախստանի Հանրապետության, Ղրղզստանի Հանրապետության, Տաջիկստանի Հանրապետության, Ուզբեկստանի Հանրապետության, Ռուսաստանի Դաշնության ԱԳՆ պատվիրակությունները և ԱՊՀ գործադիր կոմիտեի ներկայացուցիչները: Հայկական կողմը ներկայացնում էր ՀՀ ԱԳ նախարարության միջազգային պայմանագրերի […] ...
15:30 16.06.2025
Պուտինը հեռախոսազրույց է ունեցել Էրդողանի հետՌուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Իսրայելի և Իրանի միջև հակամարտությունը, հայտնում է Թուրքիայի ղեկավարի գրասենյակը։ «Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Զրույցի ընթացքում քննարկվել են Իսրայելի և Իրանի միջև հակամարտությունը, երկկողմ հարաբերությունները և տարածաշրջանային հարցեր», – […] ...
15:21 16.06.2025
Հեռախոսազրույց են ունեցել Թուրքիայի և Իրանի նախագահներըԹուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշքիանի հետ: Քննարկվել է Իսրայելի և Իրանի միջև հակամարտությունը, ինչպես նաև տարածաշրջանային և համաշխարհային խնդիրներ: Թուրքիայի նախագահը նշել է, որ Իսրայել-Իրան հակամարտության վերաբերյալ բանակցություններ է վարել մի շարք առաջնորդների հետ: Նա ընդգծել է, որ Թուրքիան պատրաստ է ստանձնել միջնորդի դեր՝ հակամարտությունն անհապաղ դադարեցնելու և […] ...
