Ֆրանսիայից և Պակիստանից Ադրբեջանի զենք գնելու մասին լուրերը առայժմ հիմնավորված չեն. մեկնաբանում է ադրբեջանագետը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
16 06 2025
  • $
    383.76
  • RUBLE
    4.88
  • 444.24
WEATHER
+15.09 oC

Ֆրանսիայից և Պակիստանից Ադրբեջանի զենք գնելու մասին լուրերը առայժմ հիմնավորված չեն. մեկնաբանում է ադրբեջանագետը

19:16 03.12.2018

Ադրբեջանը Պակիստանից գնում է ինքնաթիռներ ու ավիացիոն ռումբեր, Ֆրանսիայից՝ հակաօդային պաշտպանության համակարգեր։ Այս տեղեկությունները տարածել է ռազմական թեմատիկայով ադրբեջանական կայքերից մեկը, որն էլ հղում է անում վաճառող ընկերությունների ներկայացուցիչներին, տեղեկությունները հայտնում է ոչ հաստատաբար, բայց կասկած ու աղմուկ է ստեղծում, որն էլ տիրաժավորվելով դառնում է հաստատական տեղեկություն։ Ադրբեջանագետ Տարոն Հովհաննիսյանն ամենօրյա ռեժիմով ուսումնասիրում է այսպիսի լուրերն ու «հալած յուղի» տեղ չի ընդունում սրանք։

«[Պակիստանից գնվելիք] ուսումնամարտական ինքնաթիռների մասով նշվում էր, որ արդեն մատակարարվել է 5 միավոր։ Եվ 5 միավորը պետք է մատակարարեն։ Իրականում անցյալ տարի արդեն հայտնի էր դարձել, որ պայմանագիրը ստորագրվել է, և այստեղ չենք կարող բացառել, որ կարող են մատակարարած լինել, թեև Ադրբեջանում չենք տեսել այդ համակարգերը, և առայժմ միակ հայտարարությունը սա է եղել»,- SHANTNEWS.am-ի հետ զրույցում նշեց Հովհաննիսյանը։

Ադրբեջանական կողմը տեղեկություններ էր տարածել, թե Պակիստանից գնելու են ոչ միայն այդ ինքնաթիռները, այլև ուսումնամարտական ինքնաթիռներ ու ավիացիոն գերճշգրիտ ռումբեր։ Ադրբեջանագետի խոսքերով՝ այդ ինքնաթիռներն ընդհանրապես չեն օգտագործվի պատերազմական պայմաններում, քանի որ հենց ոչ այնքան մարտերի, որքան հենց ուսումնական նպատակին են ծառայելու։

«Ուսումնամարտական ինքնաթիռները չեն կարող օգտագործվել, եթե Երկրորդ համաշխարհային պատերազմը չէ, այսինքն՝ անխելքություն էլ կլինի դրանք օգտագործելը։ Դրանք վերցնում են օդաչուներին պատրաստելու նպատակով»,- ասաց Հովհաննիսյանը։

Իսկ ավիառումբերի գնման մասին տեղեկությունները կասկածելի են ոչ միայն այն պատճառով, որ դրանք թողարկել է մեկ՝ միակ ադրբեջանական աղբյուր, այլ նաև կասկածի տակ է դրանց կիրառելիությունը։

«Եթե դատենք զուտ իրենց տրամադրած մարտավարատեխնիկական բնութագրերից, բավական էֆեկտիվ ռումբ է երևում, բայց խնդիրն այն է, որ մինչ օրս նույնիսկ Պակիստանում դա չեն փորձարկել։ Եվ մյուս խնդիրը. նույն տեսքի, նույն նշանակության ավիացիոն ռումբերի մշակումների մասին ադրբեջանական կողմն ինքն էլ է հայտնում 2014 թվականից սկսած»,- ասաց Հովհաննիսյանը։

Այսինքն՝ եթե ունեն սեփական մշակումներ այդ ոլորտում, ապա դժվար թե դիմեին Պակիստանին, այնտեղից այդպիսի ռումբեր գնելու համար, հետևաբար, այս տեղեկությունները կասկածի տեղիք են տալիս կա՛մ գնման մասով, կա՛մ տեղական արտադրության։

Իսկ հակաօդային պաշտպանության համակարգեր Ադրբեջանը հաստատ չի գնում, ու այս պարագայում ավելի տրամաբանական էր հենց այդպիսի համակարգերի գնումը՝ հատկապես հայկական բանակի «Իսկանդերներից» եկող վտանգը չեզոքացնելու համար։ Ու ադրբեջանական նույն աղբյուրն այսօր արդեն տեղեկություններ է տարածել նման համակարգ գնելու հնարավորության մասին։

Կայքը գրում է, որ ֆրանսիական MBDA Systems ընկերությունից իրենց հայտնել են, որ ունեն Ֆրանսիայի իշխանությունների արտոնագիրը իրենց արտադրանքը Ադրբեջանին վաճառելու համար։ Խոսքը «Aster 30 SMP» և «VL Mica» հակաօդային պաշտպանության համակարգերի մասին է, որոնք ունեն միջին հեռահարություն։ Արտադրողի հրապարակած բնութագրերի համաձայն՝ դրանցից առաջինը կարող է որսալ նույնիսկ բալիստիկ հրթիռներ, ինչպիսին է «Իսկանդերը»։

«Ցանկացած համակարգի շուրջ կարող են բանակցել, բայց բնականաբար մի բան է Պակիստանը, մի բան է Ֆրանսիան, որի դեպքում անթույլատրելի կլինի նման համակարգերի վաճառքը կամ առհասարակ [վաճառքի] արտոնագրի տրամադրումը Ադրբեջանին»,- ասաց Հովհաննիսյանը։

Նա նշում է, որ «Aster 30 SMP» համակարգը (գլխավոր լուսանկարում) բավական հզոր զինատեսակ է, ու այն համեմատում են ամերիկյան «Patriot» համակարգերի հետ։ Մյուս կողմից, թեև այն ունի ավելի փոքր հեռահարություն, բայց ավելի թանկ է, քան ռուսական Ս-400 համակարգերը։

«[Ֆրանսիական արտադրող ընկերության] պաշտոնական կայքի տրամադրած տեղեկատվության հիման վրա, այն կարող է որսալ մարտավարական բալիստիկ հրթիռներ, իսկ «Իսկանդերը» այդ շրջանակներում է։ Մարտավարատեխնիկական տվյալներով՝ կարող է [որսալ], բայց իրականում կարող է, թե ոչ, դեռ ոչ մի փորձով չի ապացուցվել և չի հաստատվել»,- ասաց Հովհաննիսյանը։

Ադրբեջանագետի խոսքերով՝ այս հնարավոր գործարքների մասին ինֆորմացիոն սպրդումները կարող են նաև հատուկ արվել։ Մասնավորապես Ֆրանսիայի դեպքում դա կարող է ուղղված լինել ԵԱՀԿ Միսնկի խմբի համանախագահ երկրի վարկը գցելուն։ Պատճառն այն է, որ ադրբեջանցիները վաղուց ուզում են փոխել բանակցային ձևաչափը, իսկ եթե Ֆրանսիան զենք է վաճառում Ադրբեջանին, ապա դրանով կասկածի տակ է դնում բանակցային ձևաչափի արդյունավետությունն ու անաչառությունը։

Բոլոր լուրերը

Կապակցված լուրեր

Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածը

23:59 16.06.2025

Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածը

Մ-2 միջպետական ճանապարհի՝ Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածը։ Այս մասին հայտնել են «Ճանապարհային դեպարտամենտ» հիմնադրամից: Մանրամասները՝ տեսանյութում: ...

Tasnim. Իրանը հրթիռների նոր ալիք է արձակել Իսրայելի ուղղությամբ

23:55 16.06.2025

Tasnim. Իրանը հրթիռների նոր ալիք է արձակել Իսրայելի ուղղությամբ

Իրանի զինված ուժերը սկսել են նոր հրթիռային հարվածներ հասցնել Իսրայելում գտնվող թիրախներին, հաղորդում է իրանական Tasnim լրատվական գործակալությունը։ Հրեական պետության ուղղությամբ արձակված հրթիռների ճշգրիտ թիվը չի նշվում։ ...

Սա գիտակրթական ներուժի զարգացման կարևոր քայլ է․ Տիգրան Ավինյան

23:49 16.06.2025

Սա գիտակրթական ներուժի զարգացման կարևոր քայլ է․ Տիգրան Ավինյան

Երևանի քաղաքապետ Տիգրան Ավինյանը Ֆոյսբուքի իր էջում գրել է. «Որպես Հայաստանի ազգային պոլիտեխնիկական համալսարանի Հոգաբարձուների խորհրդի նախագահ՝ ցանկանում եմ կիսվել մի կարևոր նախաձեռնությամբ։ ՀԱՊՀ-ում հիմնադրվել է «Ինտեգրալ սխեմաների նախագծման և մոդելավորման ուսումնական ու գիտահետազոտական լաբորատորիա»։ Պարզեցված ձևակերպմամբ՝ սա լաբորատոր միջավայր է, որտեղ կիրականացվի միկրոչիպերի և էլեկտրոնային համակարգերի նախագծում և փորձարկում՝ ժամանակակից ծրագրային ապահովման, բարձր ճշգրտությամբ […] ...

Ավան վարչական շրջանում շարունակվում են բարեկարգման աշխատանքները

23:44 16.06.2025

Ավան վարչական շրջանում շարունակվում են բարեկարգման աշխատանքները

Ավան վարչական շրջանում շարունակվում են բարեկարգման աշխատանքները։ Այս մասին հայտնել են Երևանի քաղաքապետարանից: 2025-ին նախատեսվում է կառուցել և բարեկարգել 12 բակային տարածք՝ ավանցիների համար ստեղծելով ավելի հարմարավետ ու կանաչ միջավայր։ Մանրամասները՝ տեսանյութում: ...

Ագրոօդերևութաբանական տեղեկատվություն. հունիսի 9-15-ը

23:37 16.06.2025

Ագրոօդերևութաբանական տեղեկատվություն. հունիսի 9-15-ը

Հանրապետությունում շարունակվել է գյուղատնտեսական մշակաբույսերի աճն ու զարգացումը։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Հովտային շրջաններում սկսվել է ծիրանի հասունացումը և շաքարանյութի կուտակումը, կատարվել է ընտրովի բերքահավաք։ ՀԱշնանացան ցորենը շարունակել է գտնվել կաթնային հասունացման փուլում։ Բանջարանոցային մշակաբույսերի մոտ սկսվել է ծաղիկների թառամումը։ Նախալեռնային և լեռնային շրջաններում շարունակվել է պտղատուների պտղի ձևավորումը, կարտոֆիլի […] ...

Աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր

23:30 16.06.2025

Աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր

Լոնդոնում անցկացված 2025 թվականի աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր: Այս մասին հայտնել են Հայաստանի շախմատի ֆեդերացիայից։ Թիմի անդամներն են. Վիշվանաթան Անանդ (Հնդկաստան) Լե Քուանգ Լիեմ (Վիետնամ) Սամուել Սևյան (ԱՄՆ) Ռաուֆ Մամեդով (Ադրբեջան) Հայկ Մարտիրոսյան (Հայաստան) Ալեքսեյ Սարանա (Սերբիա) Աննա Մուզիչուկ (Ուկրաինա) Թեոդորա Ինյաց (Սերբիա) Սարբարթո […] ...

BACK_TO_TOP