19:44 04.12.2018
SHANTNEWS.am-ն արդեն հայտնել է, որ «Մենք» դաշինքի ներկայացուցիչ Արամ Սարգսյանը, անդրադառնալով Հայաստանի համար առաջնային 3 հիմնական խնդիրներին, ասել է, որ սովորաբար, երբ խոսում է դրանց մասին, հարցնում են՝ փողը որտեղի՞ց:
«Պետք է մեր բնական ռեսուրսները, նկատի ունեմ լեռնամետալուրգիական ռեսուրսները՝ սկսած Ամուլսարից, վերջացրած Ագարակի պղնձի կոմբինատով, Չարենցավանի սև մետաղների կոմբինատներով, վերջացրած ջրային ռեսուրսների խնդրով, դրանց կառավարման խնդիրը փորձենք լուծել, դրանք արտադրական և արդյունաբերական հենքի վրա դնել, փորձենք հումք արտահանող երկրից դառնալ իրական ապրանք առաջարկող երկիր»,- ասել է Սարգսյանը:
SHANTNEWS.am-ի դիտարկմանը, թե քաղաքական գործիչն իր խոսքում նշել է նաև Ամուլսարի մասին, արդյո՞ք դա նշանակում է, որ նա կողմ է հանքի շահագործմանը՝ չնայած նրան, որ շատ է խոսվում հանքի շահագործման վտանգավորության մասին։
«Գիտեք, էդ պատրվակը, որ էնտեղ թիթեռ կա, ոզնիանման ինչ-որ խոտ, ինձ համար լուրջ չէ: Ես էլ եմ թիթեռ սիրում, ծիտ էլ եմ սիրում, ծառ էլ եմ սիրում, բայց ինձ համար գերկարևոր է սահմանին կանգնած զինվորի անվտանգությունը, նրան ժամանակակից զենքով ապահովելու հնարավորությունը, նրա համար ապահով ինժեներական կառույցներ դնելու հնարավորությունը: Ես վստահում եմ էն բանկերին, որոնք Ամուլսարին փող են տվել: Իսկ էդ բանկերը գումար վճարում են միայն էն դեպքում, երբ նախագիծը կանաչ է լինում: Էդ բանկերը երբեք գումար չեն տալիս այն ընկերություններին, որոնք էկոլոգիա են աղտոտում»,- ասել է Սարգսյանը:
Հիշեցմանը, թե խոսքը Հայաստանի ջրային ողջ ավազանը վտանգի տակ դնելու մասին է, Արամ Սարգսյանը հետևյալ կերպ է արձագանքել.
«Ես արդեն 20 տարի է՝ լսում եմ, թե որ խնդիրների շուրջ էկոլոգներն ինչ են ասում և էդ առումով, ընդհանուր առմամբ, ամեն ինչ չափազանցված եմ տեսնում: Կարող եմ ասել, որ էկոլոգիային ամենամեծ վնասը տալիս է գյուղատնտեսությունը՝ ջրելով ստորգետնյա ջրերի մակարդակն են բարձրացնում: Քիմիական նյութերը, որոնք օգտագործում ենք բուժման համար, ամենածանր մետաղներ պարունակող քիմիական նյութերն են:
Չկա պետություն, որն իր բնական ռեսուրսները չօգտագործի, Ադրբեջանը, որ նավթ է արտահանում, էդտեղ էլ վտանգ կա ջրային ռեսուրսները աղտոտելու, բայց արտահանում է ու Բելառուսից «Պոլոնեզ» է առնում, իսկ մենք էստեղ թիթեռ ենք պահում ու ոզնիանման խոտ»:
22:55 30.04.2025
«Լիվերպուլը» դեմ չէ իր աստղին վաճառել «Ռեալին»Մադրիդի «Ռեալը» շարունակում է լրջորեն հետաքրքրվել «Լիվերպուլի» արգենտինացի կիսապաշտպան Ալեքսիս Մակ Ալիստերի ծառայություններով։ Ակումբը պատրաստ է բաց թողնել արգենտինացի ֆուտբոլիստին, եթե ստանա 100 միլիոն եվրոյի առաջարկ։ Նշվում է, որ «Ռեալը» բարձր է գնահատում Մակ Ալիստերի խաղային որակները, սակայն պահանջվող գումարը համարում է չափազանց բարձր։ Ընթացիկ մրցաշրջանում 26-ամյա կիսապաշտպանը «Լիվերպուլի» կազմում մասնակցել է 47 հանդիպման՝ դառնալով […] ...
22:42 30.04.2025
Կոտայքի մարզում «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը հայտնվել է զառիթափ լանջին և բախվել հաստաբուն ծառինԱպրիլի 30-ին, ավտովթար է տեղի ունեցել Կոտայքի մարզում։ Ժամը 11։25-ի սահմաններում Քանաքեռավան գյուղում, ժողովրդին հայտնի «Կորեայի ձոր»-ում Երևանի բնակիչ 40-ամյա Գոռ Վ․-ն իր վարած «Mitsubishi Pickup» մակնիշի ավտոմեքենայով բախվել է կայանված վիճակում գտնվող «Mercedes ML 350» մակնիշի ավտոմեքենային, ինչի հետևանքով վերջինը հայտնվել է զառիթափ լանջին և բախվել ծառին։ Ինչպես հայտնում է shamshyan.com-ը, վթարի հետևանքով, ըստ […] ...
22:31 30.04.2025
ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը ՄԱԿ մարդու իրավունքների բարձր հանձնակատարի հետԱպրիլի 30-ին Ժնևում՝ ՄԱԿ Համընդհանուր պարբերական դիտարկման (ՀՊԴ) 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ՄԱԿ մարդու իրավունքների բարձր հանձնակատար Վոլկեր Տյուրկի հետ: Այս մասին հայտնել են ԱԳՆ-ից: Հանդիպմանն անդրադարձ է կատարվել Հայաստանի ու ՄԱԿ մարդու իրավունքների բարձր հանձնակատարի գրասենյակի միջև փոխգործակցության հարցերին: Երկուստեք ընդգծվել է […] ...
22:19 30.04.2025
Կարող է ձևավորվել Ադրբեջան-ԱՄՆ-Իսրայել տանդեմ. ի՞նչ հետևանքներ կարող է սա ունենալ. զրույց Վարդան Ոսկանյանի հետԱրդյո՞ք Իրանի նախագահի Ադրբեջան այցելությունից հետո կթուլանա երկու երկրների միջև լարվածությունը և որո՞նք էին Մասուդ Փեզեշքիանի գլխավոր ուղերձները Բաքվում. այս և այլ հարցերի «Հեռանկար»-ի տաղավարում անդրադարձել է իրանագետ Վարդան Ոսկանյանը: Նա խոսել է նաև հնարավոր զարգացումների մասին, որոնց արդյունքում կարող է ձևավորվել Ադրբեջան-ԱՄՆ-Իսրայել տանդեմ: Հարցազրույցն ամբողջությամբ՝ տեսանյութում: ...
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
