Բիթքոյնի գաղտնիքները

Բիթքոյն- (հայերեն՝ կրիպտոարժույթ)-էլեկտրոնային արժույթ:

Սա հաստատուն միավոր է, որով թվային հարթակներում կարելի է կատարել ամենատարբեր գործարքներ, ինչպես օրինակ՝ Բիզնես գործարքներից մինչև փոքրիկ զարդատուփ գնելը:

Որքան էլ տարօրինակ է, այն գոյություն ունի միայն թվային հարթակում, ֆիզիկապես դրամական միավոր չէ, և հետևաբար, շոշափել հնարավոր չէ:

Այս անտեսանելի ու չշոշափվող արժույթի կոնցեպտն առաջին անգամ հանրությանը ներկայացվել է 2008 թվականին՝ Սատոշի Նակամոտոյի կողմից, ում մասին դեռևս որևէ տեղեկություն պարզված չի: Հայտնի չէ՝ արդյոք դա անհա՞տ է, թե անհայտ անձանց խմբի անվանում:

Այդուհանդերձ, տերմինը հասարակության լայն շրջանակներ սկսեց ներթափանցել 2013 թվականին և անցած մի քանի տարիների ընթացքում ստացավ գործարքներ իրականացնելու նպատակով ամենագործածվող միջոցներից մեկը:

Պարզենք, թե ինչպես է այս արժույթը դրվում շրջանառության մեջ, և ինչի արդյունքում է դարձել այդքան պահանջված:

Բիթքոյնի համակարգը իսկական սարդոստայն է հիշեցնում: Այստեղ յուրաքանչյուր գործարք պարունակում է ինֆորմացիա՝ նախկինում կատարված գործարքի մասին: Այսինքն, տվյալ պահին համակարգից օգտվող ֆիզիկական անձը հնարավորություն ունի շղթայական համակարգով տեղեկանալու նախկինում կատարված գործարքների՝ այսպես ասած, պատմությանը:

Գործարքների համակարգը կառավարվում է «Բլոկչեյն» (բլոկների շղթա) անվանումը կրող առցանց գրանցամատյանի միջոցով: Սա թվային տեխնոլոգիա է, որի միջոցով գրանցվում ու հաստատվում են բիթքոյնով կատարված առցանց գործարքները:

Առցանց գնումների ու այլ գործարքների անվտանգության առումով, այս համակարգը մի քանի առավելություններ ունի:

1. Համակարգում կատարվող բոլոր գործողություններն իրականացվում են գաղտնիության բոլոր կանոնների պահպանմամբ, այսինքն, այստեղ գործարքն իրականացնող անձի մասին որևէ տեղեկություն գտնել հնարավոր չէ:
2. Համակարգը հնարավորություն է տալիս կատարել առցանց գնումներ, միևնույն ժամանակ զերծ մնալ կեղծարարություններից: (Հաշվի առնելով այն փաստը, որ կատարված բոլոր գործողությունները գրանցվում են հատուկ համակարգում):
3. Բացառվում է թվային գումարներին հատուկ ևս մեկ խնդիր՝ արժույթի միևնույն միավորի կրկնակի օգտագործումը:

Կրիպտոարժույթը պահվում է հատուկ թվային դրամապանակներում, որոնք հնարավոր է ստեղծել Blackchain ծառայության միջոցով՝ ընդամենը մի քանի րոպեում:

Դրա համար անհրաժեշտ է մուտքագրել էլեկտրոնային հասցեն և լավ գաղտնաբառ մտածել: Այս գործընթացը կոչվում է մայնինգ: Գրանցվելուց հետո, որպես պարգևատրություն ստանում եք բիթքոյն: Ի դեպ, դրանք անսահմանափակ չեն. մեկ  օգտատերը կարող է ստեղծել առավելագույնը 21 միլիոն բիթքոյն:

Համակարգն ունի նաև իր՝ այնպես ասած, «բաց» կողմերը.

 1.Մեխանիզմների բացակայության պատճառով որևէ կերպ չի երաշխավորվում ստեղծված դրամապանակների պահպանությունը: Դրամապանակի տվյալների կորստի դեպքում դուք ցանկացած պահի կարող եք կորցնել ձեր խնայողությունները:

 2.Էլեկտրական արժույթների փոխարժեքի անկայունություն:

 3.Երբեմն անփորձ շահառուները կարող են մեծ վնասներ կրել, եթե չեն տիրապետում համակարգի բոլոր կանոններին:

Այնուամենայնիվ, վիճակագրությունը ցույց է տալիս, որ առցանց գնումների հանդեպ հետաքրքրության մեծացմանը զուգահեռ, աշխարհի մի շարք երկրներում, ինչպիսիք են ԱՄՆ-ը և Չինաստանը,  մեծանում է նաև Կրիպտոարժեքի/Բիթքոյնի հանդեպ հետաքրքրվողների շրջանակը:

Մեր երկրում այս համակարգը դեռ չի գործում: Հայաստանի ԿԲ-ի ներկայացուցիչները խորհուրդ են տալիս դեռևս ձեռնպահ մնալ թվային արժույթներից օգտվելուց, քանի դեռ մեր երկրում չեն գործարկվել համապատասխան մեխանիզմներ:

Մինչև 2017 թվականը բիթքոյնի փոխարժեքը կազմում էր 3000 ԱՄՆ դոլար: Մեկ ամիս առաջ այն հասել էր 5000 դոլարի: Bitfinex բորսայի տվյալներով, այժմ բիթքոյնի արժեքն հատել է 6000 դոլարի սահմանը: