22:48 11.01.2019
Ալ. Սպենդիարյանի անվան օպերայի և բալետի ազգային ակադեմիական թատրոնն իր այսօրվա հասցեում գործում է արդեն 80 տարի: Թամանյանական նախագծով կառուցված շենքն ուներ հարակից այգի, որտեղ հանդիսատեսը ներկայացման ընդմիջումներին պետք է դուրս կգար, զբոսներ ճեմուղիներում: Մայրաքաղաքի այցեքարտերից համարվող Օպերայի շենքը տարիներ անց շրջափակվեց սրճարաններով: Երևույթ, որ չկա աշխարհի ամենահայտնի մշակութային կենտրոնների շրջակայքում:
«Եթե նայենք, թե ինչ է կատարվում այլ երկրների մշակութային կենտրոնների շրջակայքում, դա այնքան էլ այն չէ, ինչ կարելի է մեզ մոտ տեսնել: Հիմա փոքր-ինչ այլ տրամադրություն է շրջակայքում՝ աշխույժ աղմուկ… Գուցե այդ ամենը կարող է տեղ ունենալ մի քիչ հեռու՝ ոչ թե անմիջապես երկրի գլխավոր թատրոնի մուտքի առաջ: Հասկանում եմ, որ սա բարդ, դժվար գործ է, շատ մարդիկ այդ ամենի մեջ բավական մեծ փողեր են ներդրել: Մենք գիտեք, որ թատրոնի ներքևում զվարճանքի ակումբ էլ ունենք, այնպես որ, տարածքները մաս առ մաս են վերցրել: Այնպես որ, լավ կլինի այդ ամենը նոր դիտանկյունից քննարկել. ոչ թե աղքատ, հետսովետական հանրապետության դիտանկյունից, այլ արդեն նոր Հայաստանի դիրքերից, որը զբաղվելու է մեծ մշակույթով, մեծ գործերով՝ ձգտելով մնալ միջազգային մակարդակի»,- նշում է թատրոնի տնօրեն Կոնստանտին Օրբելյանը:
Տարվա սկզբից քաղաքապետարանը ձեռնարկել է Երևանի կանաչ տարածքների վերականգնման և զարգացման գործընթացը: Առաջինն Օպերայի հարևանությամբ՝ Ազատության հրապարակին անմիջապես հարող հատվածն է: Քաղաքի սեփականություն հանդիսացող հողամասերը տարիներ շարունակ վարձակալած տնտեսվարողները ծանուցվել են՝ հրաժարվել վարձակալության իրավունքով տրամադրված հողամասերի մի մասից:
Պայմանագրերի համաձայն՝ քաղաքապետարանն իրավունք ունի ցանկացած պահի վարձակալությամբ տրամադրված տարածքն ազատելու պահանջ ներկայացնել՝ 30 օր առաջ ծանուցելու պայմանով:
Ի դեպ, կանաչապատման ենթակա տարածքում գործող սրճարանները, բացառությամբ մեկի, սրճարանային տարածք ունեն նաև հարակից հատվածներում: Ստացվում է, որ կանաչապատվելու է նրանց տնօրինած տարածքների միայն մի մասը:
Փոխահատուցում տնտեսվարողներին, ըստ պայմանագրի նախատեսված չէ, սակայն քաղաքային իշխանությունը, կարևորելով ձեռնարկատիրությունը խթանելու քաղաքականությունը, առաջարկում է շարունակել գործունեությունը քաղաքի այլ՝ ավելի պատշաճ հատվածներում:
Արդեն գարնանը, նախագծի համաձայն, տարածքները կբարեկարգվեն և կկանաչապատվեն, կվերականգնվի դրանց երբեմնի նշանակությունն ու տեսքը:
Օպերայի տարածքից բացի Երևանի քաղաքապետարանը նախատեսում է ազատել նաև հանգստի համար նախատեսված քաղաքի կանաչապատ մյուս գոտիները:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
