15:12 15.01.2019
Որոշ ժամանակ առաջ Երևանի քաղաքապետարանից ասվեց, որ Օպերայի հարակից կանաչ գոտին վերականգնվում է: Հայտարարությունը տարատեսակ մեկնաբանությունների պատճառ է դարձել, այդ թվում՝ կապված այն շշուկների հետ, որ կանաչապատումն իրականացվում է հատուկ «Ջազվե» և «Րիչ» սրճարանները քանդելու համար:
Երևանի քաղաքապետ Հայկ Մարությանն այսօր լրագրողների հետ զրույցի ժամանակ անդրադարձել է տարածված լուրերին.
«Այդ պնդումների հետ համաձայն չեմ, նման միտում չկա ընդհանրապես: Ձեր ասած սրճարաններն այլ տեղերում էլ կան, և եթե ինչ-որ որոշում լիներ հենց էդ սրճարանների հետ կապված, գործողություններ կարվեր, բայց Հայաստանում ոչ մի գործողություն չի արվում ինչ-որ մեկի դեմ, կամ ինչ-որ կազմակերպության դեմ, եթե այդ կազմակերպությունը գործում է օրենքի սահմաններում»,- ասել է Մարությանը:
Ըստ քաղաքապետի՝ նպատակն է վերջ տալ այն խոսակցությունների, թե Օպերայի տարածքը գրավել են.
«Վերջապես եկել է մի իշխանություն, որի ձեռքերն ազատ են, կապված չէ ոչ մի բանից ու ոչ մեկից, և նա կարողանում է իրագործել երևանցիների ցանկությունը: Եթե մենք նայենք ամբողջ աշխարհի օպերայի շենքերին, էսպիսի բան գոյություն չունի»,- ասել է Մարությանը:
Լրագրողները հիշեցրել են քաղաքապետին, որ տնտեսվարողները երկար տարիներ ներդրումներ են արել, բիզնես գործունեություն ծավալել՝ հարկեր վերցնելով: Փոխհատուցման հարց քննարկվե՞լ է, թե՞ ոչ.
«Բոլոր տնտեսվարողներն ունեն պայմանագիր քաղաքապետարանի հետ և իրենց գործունեությունը ծավալում են այդ պայմանագրի ներքո: Մենք այդ պայմանագրից երբեք ու երբեք դուրս չենք գալիս, և մեր գործողությունները միայն այս պայմանագրի ներքո են: Այնպես որ, այստեղ հարցերն ինձ համար անհասկանալի են: Մենք շարժվելու ենք միայն օրենքին համապատասխան: Ես պարտավոր չեմ բոլոր բիզնեսմենների խնդիրներին ծանոթանալ: Ես պարտավոր եմ միայն մեր հարաբերություններին ու այն պայմանագրին ծանոթ լինել, որում նկարագրվում են հարաբերությունները»,- ասել է Երևանի քաղաքապետը:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
