13:24 17.01.2019
ԱԺ «Լուսավոր Հայաստան» խմբակցության ղեկավար Էդմոն Մարուքյանը, ԱԺ պաշտպանության և անվտանգության հարցերի հանձնաժողովի նախագահի թեկնածու Անդրանիկ Քոչարյանին դիմելով՝ հայտարարեց.
«Դուք ասացիք, որ Մարտի 1-ի դեպքերը` բոլորիս համար հայտնի, առ այն, որ Զինված ուժերն օգտագործվեցին, ինչն այն ժամանակվա ավտորիտար ռեժիմի արդյունք էր նաև, բայց չնշեցիք, որ բնականաբար կիրառվել էին թե՛ ԱԱԾ-ն, թե՛ ոստիկանությունը և ամբողջ անվտանգության սեկտորը ներքաշված է եղել ներքաղաքական գործընթացների մեջ, հիմա էլ ԶՈւ-ն գտնվում է քաղաքացիական ու նաև խորհրդարանական վերահսկողության ներքո: Ես աշխատել եմ այդ հանձնաժողովում, լավ համագործակցություն է եղել, սակայն ԱԱԾ-ն և ոստիկանությունը չեն գտնվում խորհրդարանական վերահսկողության ներքո»:
Մարուքյանը հետաքրքրվեց` ի՞նչ կարծիքի է Քոչարյանը իր այն պնդման վերաբերյալ, որ ԶՈւ հետ ԱԱԾ-ն և ոստիկանությունը պիտի նախարարությունների կարգավիճակով ներառվեն կառավարության կառուցվածքի մեջ ու վերադառնան խորհրդարանական վերահսկողություն, նա հիշեցրեց, որ 2006թ. ՀՀ երկրորդ նախագահ Ռոբերտ Քոչարյանն է փոխել կարգը՝ դրանք խորհրդարանական վերահսկողությունից դուրս հանելով:
Հանձնաժողովի նախագահի թեկնածուն նշեց, որ Ռոբերտ Քոչարյանը դա արել էր կոնկրետ նպատակի համար՝ հոկտեմբերի 27-ից հետո:
«Նա, նաև խախտելով Սահմանադրությունը, հեռացրեց Վաղարշակ Հարությունյանին: Ռոբերտ Քոչարյանին, որպես Սահմանադրության խախտման մասնագետի, քննարկելու խնդիր չկա, գուցե կա այդ անհրաժեշտությունը, որ ԱԱԾ-ն և ոստիկանությունը լինեն նախարարության կարգավիճակով, ավելի վերահսկելի լինեն, մինչ այդ մեր և այլ հանձնաժողովներ կարող են բավական մեծ վերահսկողության խնդիրներ լուծել ու կարգավորել այն խնդիրը, որ նախկինում չի լուծվել:
Ինչո՞ւ չի եղել. դրա համար էլ մեր երկիրը դարձել էր ավտորիտար, այսօր նոր Հայաստանում ենք, ավտորիտարիզմն էր պատճառը, որ Հայաստանը կանգնած էր փոփոխությունների շեմին, հիմա այս փոփոխությունը տեղի ունեցավ, պարտավոր ենք ճիշտ գնահատական տալ, կառույցները ճիշտ դասավորել, որ արդյունավետությունը բարձր լինի»,- ասաց նա:
Մարուքյանը նշեց, որ իրենք առաջարկում են` ավտորիտարիզմի հենքը քանդվի, որևէ իշխանության բարի կամքին չսպասեն վերահսկողության իմաստով, այլ ինստիտուցիոնալ փոփոխություն լինի: Նա հիշեցրեց` երբ 2015 թ. Սահմանադրությունը փոփոխության էր ենթարկվում, իշխանությունները և այն մասնագետները, որ ներառված էին, խաբեցին բոլորին, քանի որ ասում էին, որ այս Սահմանադրությամբ այս մարմինները գործադիրի մեջ էին և հետագայում կլինեն կառուցվածքում:
Ըստ Մարուքյանի` սուպերվարչապետական համակարգը ստեղծվել է այլ օրենքներով, իսկ Սահմանադրությունը թույլ է տալիս դրանք վերադարձնել կառավարության կառուցվածք, այս օրենքի փոփոխությամբ այն կարող է վերադարձվել այն տեսքին, որ եղել է մինչև Ռոբերտ Քոչարյանը:
14:46 16.06.2025
Հնդկաստանում կամուրջը փլուզվել է սելֆի անող զբոսաշրջիկների ծանրությունիցՀնդկաստանում ոստիկանությունը շարունակում է որոնողական աշխատանքները Պունե շրջանում՝ Ինդրայանի գետի վրա գտնվող 32 տարվա երկաթե կամրջի փլուզման վայրում, որի հետևանքով 4 մարդ է զոհվել, ևս 18-ը՝ ծանր վիրավորվել։ «Արմենպրես»-ի փոխանցմամբ՝ այս մասին հայտնում է The New Indian Express-ը։ «Չնայած չկա որևէ մեկի անհետ կորելու հավանականություն, սակայն որպես նախազգուշական միջոցառում մենք շարունակում ենք որոնողական աշխատանքները տեղական […] ...
14:38 16.06.2025
Ինչպիսի՞ եղանակ է սպասվում առաջիկա օրերինՀանրապետության տարածքում հունիսի 16-ին և 21-ին կեսօրից հետո, 17-18-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հունիսի 17-ին կեսօրից հետո հյուսիսային առանձին շրջաններում անձրևները կլինեն հորդառատ։ Հունիսի 19-20-ին սպասվում է առանց տեղումների եղանակ։ Քամին՝ հարավարևմտյան՝ 4-8 մ/վ, ամպրոպի ժամանակ սպասվում է քամու ուժգնացում՝ 20-24 մ/վ արագությամբ։ […] ...
14:29 16.06.2025
Երևանի այգիներից մեկի հարակից շինությունում հայտնաբերվել է տղամարդու մարմինԱյսօր՝ հունիսի 16-ին, առեղծվածային ու ողբերգական դեպք է տեղի ունեցել Երևանում: Ժամը 12:00-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժնում օպերատիվ տեղեկություններ են ստացվել, որ Գայի պողոտա 19/30 հասցեի տարածքում գտնվող այգուն հարակից շինությունում կախված դի կա: Ինչպես հայտնում է shamshyan.com-ը, ոստիկաններն ու պարեկները նշված վայրում պարանով կախված վիճակում […] ...
14:18 16.06.2025
Տարադրամի փոխարժեքները հունիսի 16-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 440 դրամ, վաճառքի նվազագույն արժեքը՝ 447 դրամ: Ռուսական ռուբլու առքի առավելագույն արժեքն է 4․83 դրամ, վաճառքի նվազագույն արժեքը՝ 4․92 դրամ: ...
14:10 16.06.2025
Հետախուզվում էր թմրամիջոցի ապօրինի շրջանառության մեղադրանքովՀամայնքային ոստիկանության Մուշի բաժնի ծառայողների ձեռնարկած օպերատիվ-հետախուզական միջոցառումների շնորհիվ հունիսի 12-ին Շիրակի մարզի Ջրափի գյուղում հայտնաբերվել և բաժին է ներկայացվել Երևանի բնակիչ 40-ամյա մի տղամարդ: Նա հունիսի 9-ից հետախուզվում էր առանց իրացնելու նպատակի խոշոր չափերով թմրամիջոցներ ապօրինի շրջանառելու մեղադրանքով, խափանման միջոցը` կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա […] ...
14:00 16.06.2025
Ներկայացվել է ՊԵԿ-ի 2024 թ. գործունեության մասին հաղորդումը2024 թվականին հարկատուներին հետ է վերադարձվել 392 մլրդ դրամ գումար, որը 2023 թվականի համեմատ ավելի է 8,1 տոկոսով: Այս մասին ասել է ՀՀ պետական եկամուտների կոմիտեի նախագահ Էդուարդ Հակոբյանը՝ ԱԺ տնտեսական հարցերի մշտական հանձնաժողովի՝ հունիսի 16-ի արտահերթ նիստի ժամանակ ներկայացնելով ՀՀ ՊԵԿ-ի 2024 թվականի գործունեության մասին հաղորդումը: Էդուարդ Հակոբյանն անդրադարձել է հաշվետու տարվա ընթացքում իրականացրած […] ...
