16:03 15.02.2019
Կառավարությունն այսօրվա նիստում քննարկեց նաև գազալցակայաններում գազի վաճառքի ու դրա հետ կապված ակցիզային հարկի վճարման նոր կանոնակարգ սահմանելու վերաբերյալ հարցը: Այն ներկայացրեց ֆինանսների նախարար Ատոմ Ջանջուղազյանը:
«Ավելի պարզ ասած՝ գազը պետք է վաճառվի քաշով, իսկ ակցիզային հարկը՝ ծավալով, առաջարկում ենք, որ Հարկային օրենսգրքում կատարվի փոփոխություն, և հաշվարկը կատարվի քաշով, պարզ փոփոխություն է: Փոխակերպումը կատարվում է`օգտագործելով այն կանոնները, ինչ որ կան, այսինքն՝ սեղմված գազը տարբեր ծավալներ կարող է ունենալ՝ կապված տարբեր գործոնների ազդեցությամբ: Այն ռիսկը, որ կապված է դրա հետ, որ խտության որոշակի գործակից կիրառելով` գազի ծավալը կարող է տարբերվել հասցվող ծավալից, գոյություն չի ունենա»,-ասաց Ջանջուղազյանը:
Այսինքն՝ գազալցակայաններում գազն այսուհետ պետք է վաճառվի կգ-ով, ինչը կնվազեցնի շահառուներին մոլորեցնելու հնարավորությունը: Վարչապետ Փաշինյանը մանրամասնեց.
«Մենք ունենք բազմաթիվ բողոքներ մարդկանցից, որ տարբեր գազալցակայաններում գազի ծավալների տարբերություններ կան, և այդ տարբերությունը, մեր ուսումնասիրություններով պարզվել է, որ խտության հետ է կապված: Գազը լցնում են ճնշումով, բայց գազի ճնշումից նույն քաշի գազը կարող է տարբեր ծավալներ ունենալ, դրա համար կգ-ով պետք է վաճառվի գազը, և կգ-ով պետք է հարաբերությունները կարգավորվեն հարկային դաշտում»:
Պաշտոնյաները վստահեցրին, որ սրանից ակցիզային հարկը չի ավելանա, միայն փոխվում է չափման միավորը: Նիկոլ Փաշինյանը ևս մեկ դիտարկում արեց:
«Հիմա հարց՝ կարո՞ղ է փոփոխությունը բերել սպառվող գազի գնի ավելացման: Եթե բերի, սրանով գազալցակայանները հայտարարում են, որ մինչ այս բոլոր սպառողներին խաբում էին: Իրենք չեն հայտարարի, գործողությունները կբերեն դրան, հարկային մարմինները պետք է ուշադրության կենտրոնում պահեն: Եթե նույնիսկ գինը բարձրանա, սպառողը չի տուժի, որովհետև ինքը հիմա վճարելով իքս գումար՝ կստանա այնքան գազ, ինչքան ենթադրում էր, որ պետք է ստանա: 1000 դրամի գազ լցնելիս քաղաքացին նույնիսկ ավելի շատ կարող է քշել, որովհետև առաջ խաբում էին, հիմա չեն կարող»,- ասաց նա:
Հարցի վերաբերյալ դիտարկում արեց Արտակ Զեյնալյանը, ով ևս կարծում է, որ այլևս գազալցակայաններում չեն կարող վարորդին խաբել, ասաց.
«Քանի որ ջերմաստիճանն ազդում է դրա վրա, ապա գազալցակայաններն ունիվերսալ չափման միավոր են դրել՝ քաշով հաշվարկման, այդտեղ դրվել է գործակից՝ փոխակերպելու ծավալի, փոխակերպման ժամանակ ջերմաստիճանի վրա խաղացել են, հիմա կարիք չի լինի ծավալը փոխել քաշի, որովհետև արդեն լցակայանը տալիս է կգ-ով»:
Նիկոլ Փաշինյանն անդրադարձավ նաև գազալցակայանների կողմից ՀԴՄ-ների չտրամադրման վերաբերյալ ահազանգերին, քաղաքացիներին կոչ արեց պահանջել կտրոնները:
Հարկային օրենսգրքում փոփոխություններ կատարելու մասին օրենքի նախագծին կառավարությունը կողմ քվեարկեց:
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
23:17 01.08.2025
Փրկարարներն ուղղել են կողաշրջված բեռնատարըՕգոստոսի 1-ին, ժամը 16։20-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Աղվանի ավտոճանապարհի 31-րդ կմ-ին բեռնատարը կողաշրջվել է, ճանապարհը դարձել է միակողմանի, տուժածներ չկան. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից և Աղվանու հենակետից մեկական մարտական հաշվարկ։ Պարզվել է, որ «KamAZ» մակնիշի բեռնատարը […] ...
