15:34 28.02.2019
ԱԺ պետաիրավական հանձնաժողովում այսօր տեղի ունեցած քննարկումների ընթացքում, որը ծավալվում էր պատգամավորներ Էդմոն Մարուքյանի և Նաիրա Զոհրաբյանի ներկայացրած նախագծերի շուրջ, կառավարությունը բացասական եզրակացություն էր տվել՝ վերջիններիս ներկայացրած օրենքի նախագծերը անընդունելի համարելով: «Իմ քայլը» խմբակցության պատգամավորները, ըստ էության, հավատարիմ մնացին կառավարության մոտեցմանը և բացասական եզրակացություն տվեցին: Այս փաստին արձագանքեց ԲՀԿ պատգամավոր Գևորգ Պետրոսյանը՝ ասելով.
«Մենք ընդունում ենք` խնդիրը եղել է, անկախ, որ իշխանության ժամանակ, բայց չենք կարողանում լուծումը գտնել, կամ եթե իսկապես ասում ենք հեղափոխական կառավարության, նման միջամտություն պիտի ունենանք: Կարծես տպավորություն է ստեղծվում, որ կառավարության որոշումը պետք է անբեկանելի լինի, մոռացել եք, որ խորհրդարանական պետությունում ենք ապրում, այդ դեպքում եկեք գրենք Սահմանադրության մեջ, որ ոչ թե ԱԺ-ն է խորհրդարանական վերահսկողություն իրականացում կառավարության նկատմամբ, այլ կառավարությունն է կառավարական վերահսկողություն իրականացնում խորհրդարանի նկատմամբ: Հարգելով կառավարությունը, այդ մոտեցումը եկեք վերանայենք»:
Պետրոսյանը հիշեց, որ օրեր առաջ էլ նման մոտեցում եղել է Մարդու իրավունքների պաշտպանության հանձնաժողովում: Նրա դիտարկմանն արձագանքեց «Իմ քայլից» Նազելի Բաղդասարյանը:
«Ես չէի ուզենա, որ պարոն Պետրոսյանի հորդորով հակառակ ստերեոտիպին գնայինք, որ ինչ է, թե կառավարությանը հակառակ չարտահայտվեինք, մենք մեր ներքին համոզմունքներին դեմ գնանք, դա էլ ճիշտ չէ»,- ասաց նա:
Պետրոսյանը կրկնեց, որ իր ասածը վերաբերում էր ոչ միայն այսօրվա նիստին, այլ ընդհանրապես այս մոտեցման պահպանման մասին էր խոսքը:
«Խնդրում եմ իմ արտահայտությունները տարածական վերլուծության չենթարկեն, հենց խոսքը չի վերաբերում այս նախագծին, պատգամավորը ղեկավարվում է իր խղճով, ասացի՝ ընդհանրապես, որ այդ մոտեցումը պետք է պահպանենք, իսկ թե կողմ կամ դեմ կքվեարկեք, գնահատականը տալիս է ժողովուրդը: Ես չեմ ասում` եկե՛ք, զինվե՛ք կառավարության դեմ, հենց նախագիծ բերեցին, դեմ քվեարկենք, խնդիրն ընդհանրական մոտեցում է պահանջում, որ կաշկանդված չլինենք կառավարության մոտեցմամբ»:
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
19:46 30.04.2025
Էրդողանն ասել է, որ պաշտպանում է Թրամփի տեսլականը Ուկրաինայի վերաբերյալԹուրքիայի նախագահ Ռեջեփ Թայիփ Էրդողանը հայտարարել է, որ «հեռախոսային դիվանագիտություն» է վարում իր ամերիկացի գործընկեր Դոնալդ Թրամփի հետ և աջակցում է Ուկրաինայի հակամարտության կարգավորման նրա տեսլականին։ «Մենք պարոն Թրամփի հետ ժամանակ առ ժամանակ շփվում ենք հեռախոսային դիվանագիտության ձևաչափով: Կարծում եմ, որ նոր շրջանում մեր երկկողմ հարաբերություններն իմ ընկեր Թրամփի հետ բոլորովին այլ խթան կստանան: Մենք […] ...
19:39 30.04.2025
ԼՂ-ից տեղահանված անձանց սոցիալական աջակցության ծրագրում լրացումներ են արվելԼՂ-ից տեղահանված անձանց առաջնային կարիքների բավարարման, կեցության և այլ ծախսերի համար նախատեսված սոցիալական աջակցության ծրագրում լրացումներ են արվել։ Այս մասին հայտնում են ՀՀ աշխատանքի և սոցիալական հարցերի նախարարությունից: Հաշվի առնելով այն, որ ԼՂ-ից բռնի տեղահանված ընտանիքների համար հաստատված սոցիալական ուղղվածություն ունեցող ծրագրերի լավարկման վերաբերյալ առաջարկների քննարկման համար կպահանջվի որոշակի ժամկետ՝ ընթացիկ ծրագրերում իրականացվել են որոշակի […] ...
19:27 30.04.2025
«Care for children» կազմակերպության և ՀՀ-ում դիվանագիտական ներկայացուցիչների մասնակցությամբ տեղի է ունեցել կլոր սեղան քննարկումԽնամատարության ինստիտուտի զարգացման ու կայացման հեռանկարի վերաբերյալ համաժողովի շրջանակում՝ Աշխատանքի և սոցիալական հարցերի նախարարության նախաձեռնությամբ տեղի է ունեցել հարակից կլոր սեղան քննարկում՝ «Care for children» կազմակերպության և ՀՀ-ում գործունեություն իրականացնող դիվանագիտական ներկայացուցիչների մասնակցությամբ։ Հանդիպման շրջանակում դեսպաններին ներկայացվել է պետության խնամքին ապրող երեխաների համար որպես խնամքի այլընտրանքային ինստիտուտի՝ խնամատարության վերաբերյալ ՀՀ-ում այս պահին առկա պատկերը, ոլորտային […] ...
