16:04 16.03.2019
Կենցաղային ու շինարարական աղբ, իսկ ամենաշատը` պլաստիկե շշեր: Սա այն ամենն է, ինչ կարելի է գտնել Գյումրի գետակում: Հեղեղատարը վաղուց նաև աղբատար է դարձել: Վիճակն ավելի է վատանում գարնանը՝ ձնհալի ժամանակ, երբ հեղեղատարը վարարում է, իր հետ տիղմ ու աղբ բերում և կուտակում դժվարանցանելի հատվածներում, ինչի հետևանքով գետակի հարևանությամբ գտնվող տներում խոնավություն ու նստվածքներ են առաջացել:
Գյումրի գետակը հոսում է Գյումրիի ավտոկայանի Բանավան և Սլաբոտկա թաղամասերի մեջտեղով, որոնց միացնում է մի կամուրջ: Ինչ թափվում ու հայտնվում է Գյումրի գետակում, կուտակվում է այս հատվածում, որովհետև կամուրջը ջրից շատ բարձր չէ:
Ջրում պլաստիկե շշերի բազմազանություն է, այնտեղ կարելի է տեսնել նույնիսկ անկողնային պարագաներ: Մեկի անպետք բարձն է գետում հայտնվել, մյուսի` ներքնակը: Տեսարանը տարվա բոլոր եղանակներին անփոփոխ է: Առնետները հարակից տների նկուղներն են լցվում, իսկ խոնավությունը հիմքերն է քայքայում: Գետակի հարևանությամբ գտնվող տներում նստվածքներ են առաջացել: Գետի հունը բարձր է, ձնհալի ու անձրևի ջրերը տներն են լցվում: Ձեռքի աշխատուժին ձկնորսական հարմարանքներն են օգնում: Գյումրիի կոմունալ տնտեսության տնօրենի ժամանակավոր պաշտոնակատարը ձկնորսական ցանց է ձեռք բերել, ասում է` սիրում է ձկնորսություն, բայց սա ոչ թե ձուկ, այլ պլաստիկե շշեր որսալու համար է:
«Տարին մի քանի անգամ պլաստիկե շշերից մաքրում ենք, որ տեղումներից հետո խնդիրներ չառաջանան: Շատ տեղամասերում տեխնիկա չի կարող աշխատել, ձեռքով ենք մաքրում: Սա առաջին խնդիրն է, որ առաջացել է մեր մոտ: Բնակիչներն ալարում են հասնել աղբամանի մոտ, աղբը նետում են գետակը: Ձկնորսական ցանց ենք գնել, հարմարեցրել: Դրանով շշերն ենք հանում գետից»,- Shantnews-ին ասել է Գյումրիի քաղաքապետարանի կոմունալ ծառայության տնօրենի ժամանակավոր պաշտոնակատար Վարդգես Սամսոնյանը:
Ցանցն օգտագործելու են պլաստիկե շշերը գետից դուրս հանելու համար, իսկ ընդհանուր առմամբ գետի հունը մաքրելու անհրաժեշտություն կա, որն անցած տարի կատարվել է գետակի երկու հատվածներում՝ Գերցենի և Վազգեն Սարգսյան փողոցներում: Սա փողոցաշինական մեծ ծրագրի շրջանակներում էր: Շինարարները մայթներն ու փողոցները չհասցրեցին հիմնանորոգել, բայց Գյումրի գետակի առանձին հատվածների հունը գոնե մաքրեցին ու լայնացրին: Ամբողջ գետակի հունը մաքրելու համար քաղաքապետարանը սպասում է տեխնիկայի ձեռքբերմանը: Գյումրի գետակի մաքրությունը սուբվենցիոն հայտ կազմելու առիթ է դարձել: Գյումրիի քաղաքապետարանի սուբվենցիոն 4 հայտերից մեկը Գյումրի գետակը մաքրելու համար էքսկավատոր ձեռք բերելու մասին առաջարկն է: Հայտերը դեռ քննարկվելու են կառավարության կողմից:
08:30 03.05.2025
Պարույր Հովհաննիսյանը և Անտոնիո Գուտերեշն անդրադարձ են կատարել տարածաշրջանային և միջազգային օրակարգի մի շարք հարցերիՄայիսի 2-ին Միավորված ազգերի կազմակերպությունում Հայաստանի Հանրապետության մշտական ներկայացուցիչ Պարույր Հովհաննիսյանն իր հավատարմագրերն է հանձնել ՄԱԿ-ի Գլխավոր քարտուղար Անտոնիո Գուտերեշին: Հավատարմագրերի հանձնման պաշտոնական արարողությանը հաջորդած ՄԱԿ-ի ԳՔ հետ ունեցած առանձնազրույցի ընթացքում, կարևորելով ՄԱԿ-ի հետ հարաբերությունների հետևողական ընդլայնումը, դեսպան Հովհաննիսյանը ներկայացրել է ՄԱԿ Կենսաբանական բազմազանության մասին կոնվենցիայի կողմերի 17-րդ համաժողովը (COP17) 2026թ. Հայաստանում հյուրընկալելու կապակցությամբ ՀՀ […] ...
23:59 02.05.2025
Կիբեռմարտահրավեր․ 5G թարմացում․ զգուշացե՛ք, խարդախություն էՁեզ զանգահարել և առաջարկե՞լ են 5G թարմացում․ այս շաբաթ Կիբեռմարտահրավերի եթերում ներկայացվել է, թե ինչպես են հանցագործները այս պատրվակով քաղաքացիներին առաջարկում տեղադրել «հատուկ ծրագիր», որի միջոցով ստանում են հասանելիություն նրանց հեռախոսին ու ֆինանսական տվյալներին։ Եթե դարձել եք հանցագործության զոհ, ապա զանգահարեք ՆԳՆ ինտերնետային խարդախություններով թեժ գծի հեռախոսահամարին՝ 011 52 52 52 (թեժ գիծը գործում է […] ...
23:57 02.05.2025
70 տարի չհիմնանորոգված «Երևան» բժշկագիտական կենտրոնը հիմնանորոգվում և արդիականացվում է70 տարի չհիմնանորոգված «Երևան» բժշկագիտական կենտրոնը հիմնանորոգվում և արդիականացվում է: Այս մասին ֆեյսբուքի իր էջում գրել է Երևանի քաղաքապետ Տիգրան Ավինյանը։ «Առողջության առաջնային պահպանման օղակն ամենակարևոր շերտերից է առողջապահական համակարգում։ Երբ այն լավ է զարգացած, հնարավոր է ժամանակին արձագանքել, կանխել բարդացումները և շատ դեպքերում՝ խուսափել հիվանդության զարգացման հետագա փուլերից։ Սա է պատճառը, որ Երևանի քաղաքապետարանը […] ...
23:54 02.05.2025
Ստավրոպոլի երկրամասում բարձր պատրաստության ռեժիմ են սահմանել՝ վատ եղանակի պատճառովՍտավրոպոլի երկրամասում ուժեղ անձրևների, կարկուտի և մինչև 23 մ/վ արագությամբ քամու պատճառով հայտարարվել է բարձր պատրաստության ռեժիմ: Այս մասին նշվում է նահանգապետ Վլադիմիր Վլադիմիրովի հրամանագրի մեջ։ Ստավրոպոլի հիդրոօդերևութաբանության կենտրոնի տվյալներով՝ տարածաշրջանում վատ եղանակ է կպահպանվի մինչև մայիսի 3-ը: ...
23:50 02.05.2025
Վարչապետը ծանոթացել է Լոռու մարզում իրականացված և ընթացքի մեջ գտնվող ծրագրերինՎարչապետ Նիկոլ Փաշինյանն այցելել է Լոռու մարզ՝ ծանոթացել իրականացված և ընթացիկ ծրագրերին: Նիկոլ Փաշինյանին նախ ներկայացվել է Վանաձորի Սանկտ Պետերբուրգ փողոցի հիմնանորոգված ճանապարհը: Աշխատանքների ընդհանուր արժեքը կազմել է շուրջ 553 մլն դրամ, որը հատկացվել է պետբյուջեից։ Ծրագրի արդյունքում իրականացվել են 1.8 կմ ճանապարհի հիմնանորոգման աշխատանքներ: Հաջորդիվ՝ վարչապետն այցելել է Վանաձորի Խ.Աբովյանի անվան N9 հիմնական դպրոց, […] ...
23:44 02.05.2025
Մասնավոր ընկերության կողմից 8 մլն դոլարի ներդրումային ծրագիր է իրականացվում Փամբակ բնակավայրում․ Նիկոլ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է. «Փամբակ բնակավայրում մասնավորի կողմից իրականացված ներդրումային ծրագրով կառուցվել է «ՄաունթրիMounthree» հյուրանոցը: Ներդրումային ծրագիրը կազմել է 8 մլն դոլար»: Մանրամասները՝ տեսանյութում: ...
