14:31 01.04.2019
«Լուսավոր Հայաստան» խմբակցության ղեկավար Էդմոն Մարուքյանն այսօր ԱԺ-ում ճեպազրույցների ժամանակ անդրադարձել է Փաշինյան-Ալիև հանդիպմանը՝ նշելով, որ իրենք ևս դրական են գնահատում այն: Ասել է, որ կան հարցեր, որոնց վերաբերյալ պատասխաններ են ակնկալում:
«Մենք մի քանի հարց ունենք, որոնք, կարծում եմ, հրապարակային պատասխանները չեն տրվել, խոսքը հայկական օրակարգի մասին է, երեք սկզբունքների, 6 տարրերի մեկնաբանությունները, մնացած մասով դրական արձագանքներ կան, և մենք ևս կարծում ենք, դրական է, որ բանակցությունները շարունակվեն, չեմ բացառում, որ կփորձենք գաղտնիության ռեժիմով տեղեկատվություն ստանալ, որովհետև գոնե խորհրդարանում գտնվող ուժերն իրավունք ունեն տեղեկություններ ստանալու»,- ասել է Մարուքյանը:
Նա հավելել է, որ տեղեկություն չունի՝ արդյո՞ք հին փաստաթղթի շուրջ բանակցում են, հետևաբար` չի կարող նոր փաստաթուղթ առաջ քաշելու մասին խոսել:
«Այն, որ պետք է գնալ նոր մեկնաբանությունների արձանագրման, միանշանակ կարելի է և պետք է այդպես անել, բայց չպետք է մոռանալ, որ հիմնված են Հելսինկյան միջազգային ակտի վրա, այս առումով մեկնաբանությունների հարց է: Ով ուժեղ է, մեկնաբանվում է ի շահ նրան, և խնդիրները լուծվում են, բայց պետք է որպես նոր իշխանություն փորձեն նոր մոտեցումներ բերել, փորձում են, հեշտ չի լինելու, դրա համար բանակցություններ կան, որոնք ընթանում են: Կողմերն իրենց շահերից բխող մեկնաբանություններ չանեն, ավելին, այսպես կոչված, սկզբունքային ձևով Արցախի պնդումը, բանակցությունների սեղան վերադարձը և այլ հարցեր, որոնք միգուցե չգիտենք, պրոցեսը նորացվում է, որովհետև նոր մոտեցումներ են բերվում, և չի կարող ազդեցություն չունենալ բանակցությունների վրա»,- հայտարարել է Մարուքյանը:
Հարցին, որ համանախագահները նշել են, որ կողմերը պետք է հումանիտար ոլորտում աշխատանքներ իրականացնեն, ինչպե՞ս է դա հնարավոր, Մարուքյանը պատասխանել է, որ նախկինում հնարավոր էր լինում Ադրբեջանից հրավիրել փորձագետներ, իրավաբաններ ու այլ մասնագետներ և երկխոսել նրանց հետ, սակայն վերջին 10 տարում դա անհնար է դարձել Ադրբեջանի անհանդուրժողականության հետևանքով:
«Հայատյացության մակարդակը բարձր է Ադրբեջանում: Ովքեր գալիս են Հայաստան, հետապնդվում են, այս պայմաններում հնարավոր չէ խոսել կոնֆլիկտի լուծման մասին: Վաղն Ապրիլյան պատերազմի տարելիցն է, թարմ հետքերը, մարդկային կորուստները, թարմ բարբարոսություններն իրենց ազդեցությունն ունենում են: Մինչ Ապրիլյան պատերազմը, Հայաստանում կային ՀԿ-ներ, որոնք խաղաղասիրական աշխատանք էին տանում, դա էլ է դադարել»:
Նա հնարավոր է համարում երկխոսությունը, եթե շփման գծում երկարատև խաղաղություն լինի: Խոսելով տարածքներ խաղաղության դիմաց թեզի մասին` ասել է.
«Տարածքներ խաղաղության դիմաց բանաձևը մեր բանաձևը չի եղել, Ադրբեջանինն է, մենք ասում ենք, որ նոր բանաձևը կարելի է այսպես ձևակերպել, ոչ թե մենք պետք է վախենանք, որ մեր վրա հարձակվեք, ինչ-որ բաներ կորցնենք, այլ դուք վախեցեք, որ կարող է հարձակվեք ու դուք որևէ բան կորցնեք»:
22:55 30.04.2025
«Լիվերպուլը» դեմ չէ իր աստղին վաճառել «Ռեալին»
22:42 30.04.2025
Կոտայքի մարզում «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը հայտնվել է զառիթափ լանջին և բախվել հաստաբուն ծառինԱպրիլի 30-ին, ավտովթար է տեղի ունեցել Կոտայքի մարզում։ Ժամը 11։25-ի սահմաններում Քանաքեռավան գյուղում, ժողովրդին հայտնի «Կորեայի ձոր»-ում Երևանի բնակիչ 40-ամյա Գոռ Վ․-ն իր վարած «Mitsubishi Pickup» մակնիշի ավտոմեքենայով բախվել է կայանված վիճակում գտնվող «Mercedes ML 350» մակնիշի ավտոմեքենային, ինչի հետևանքով վերջինը հայտնվել է զառիթափ լանջին և բախվել ծառին։ Ինչպես հայտնում է shamshyan.com-ը, վթարի հետևանքով, ըստ […] ...
22:31 30.04.2025
ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը ՄԱԿ մարդու իրավունքների բարձր հանձնակատարի հետԱպրիլի 30-ին Ժնևում՝ ՄԱԿ Համընդհանուր պարբերական դիտարկման (ՀՊԴ) 4-րդ շրջանի ՀՀ ազգային զեկույցի քննարկման շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ՄԱԿ մարդու իրավունքների բարձր հանձնակատար Վոլկեր Տյուրկի հետ: Այս մասին հայտնել են ԱԳՆ-ից: Հանդիպմանն անդրադարձ է կատարվել Հայաստանի ու ՄԱԿ մարդու իրավունքների բարձր հանձնակատարի գրասենյակի միջև փոխգործակցության հարցերին: Երկուստեք ընդգծվել է […] ...
22:19 30.04.2025
Կարող է ձևավորվել Ադրբեջան-ԱՄՆ-Իսրայել տանդեմ. ի՞նչ հետևանքներ կարող է սա ունենալ. զրույց Վարդան Ոսկանյանի հետԱրդյո՞ք Իրանի նախագահի Ադրբեջան այցելությունից հետո կթուլանա երկու երկրների միջև լարվածությունը և որո՞նք էին Մասուդ Փեզեշքիանի գլխավոր ուղերձները Բաքվում. այս և այլ հարցերի «Հեռանկար»-ի տաղավարում անդրադարձել է իրանագետ Վարդան Ոսկանյանը: Նա խոսել է նաև հնարավոր զարգացումների մասին, որոնց արդյունքում կարող է ձևավորվել Ադրբեջան-ԱՄՆ-Իսրայել տանդեմ: Հարցազրույցն ամբողջությամբ՝ տեսանյութում: ...
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
21:54 30.04.2025
Անահիտ Ավանեսյանն այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասինԱռողջապահության նախարար Անահիտ Ավանեսյանը Ֆեյսբուքի իր էջում հայտնել է, որ երեկ այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասին: «Նախ շնորհակալ եմ մեր քաղաքացիներին անկեղծ ու կառուցողական մոտեցման և պատրաստակամության համար: Այս ծրագրի նպատակը մարդկանց ընտրության հնարավորություն տալն է, որ ոչ թե մենք մի տեսակի դեղ գնենք մրցույթով և […] ...
