22:36 06.04.2019
Ապրիլի 6-ին պաշտոնական այցով Կիգալիում գտնվող ԱԳ նախարար Զոհրաբ Մնացականյանը հանդիպում ունեցավ Ռուանդայի Հանրապետության արտաքին գործերի և համագործակցության նախարար Ռիչարդ Սեզիբերայի հետ:
Ռուանդայի արտաքին գործերի և համագործակցության նախարարը հատկանշական համարեց, որ Հայաստանի ԱԳ նախարարի պաշտոնական այցն իրականանում է Ռուանդայի ցեղասպանության ոգեկոչման 25-րդ տարելիցին նվիրված միջոցառումներին զուգահեռ:
Զոհրաբ Մնացականյանը և Ռիչարդ Սեզիբերան համակարծիք էին, որ վերջին շրջանում արձանագրված շփումների և հանդիպումների դինամիկան վկայում է երկկողմ հարաբերությունները զարգացնելու կողմերի հանձնառության մասին:
Նախարարներ Մնացականյանը և Սեզիբերան կարևորեցին քաղաքական երկխոսության, փոխայցելությունների կազմակերպման, առևտրատնտեսական կապերի, իրավապայմանագրային դաշտի ընդլայնման, մարդկանց միջև շփումների խթանման ուղղությամբ գործնական քայլերի ձեռնարկումը:
Որպես համագործակցության գերակա ուղղություններ` երկուստեք ընդգծվեցին թվային տնտեսությունը, տեղեկատվական տեխնոլոգիաների, ստեղծագործ կրթության և նորարարության ոլորտները: Այդ համատեքստում Հայաստանի արտաքին քաղաքական գերատեսչության ղեկավարն ընդգծեց, որ իր պատվիրակության կազմում տվյալ ոլորտներում հայաստանյան առաջատար ընկերությունների ներկայացուցիչների ընդգրկումը հնարավորություն է ընձեռում տեղում քննարկումներ ծավալել թվային օրակարգի, բարձր տեխնոլոգիաների և ստեղծագործ կրթության ոլորտում Հայաստանում կիրառվող լուծումների տեղայնացման հնարավորությունների շուրջ:
Երկուստեք գոհունակությամբ արձանագրվեց միջազգային հարթակներում ցեղասպանությունների կանխարգելման ուղղությամբ Հայաստանի և Ռուանդայի միջև առկա համագործակցությունը: Ցեղասպանությունների և մարդկության դեմ հանցագործությունների վաղ կանխարգելման գործընթացում կարևորվեց իրազեկվածության բարձրացման դերը, այդ թվում՝ կրթության, թանգարանների և գիտական հաստատությունների միջև համագործակցության միջոցով: Նախարարներ Մնացականյանը և Սեզիբերան այս առումով ընդգծեցին երկկողմ պատրաստակամությունը՝ խթանելու Հայոց ցեղապսանության ինստիտուտ-թանգարանի և Ռուանդայի ցեղասպանության թանգարանի միջև համագործակցությունը:
Առանձնահատուկ կարևորելով ցեղասպանություն վերապրած ժողովուրդների միջև համերաշխության ձևավորումը՝ նախարար Մնացականյանը կարևորեց ցեղասպանության ժխտման դեմ պայքարը` որպես մարդկության դեմ նոր ոճիրների կանխարգելման գործուն միջոցի: «Մենք անցել ենք ցեղասպանության սարսափի միջով, մենք գիտենք ցեղասպանության հետևանքները: Մեր սկզբունքային դիրքորոշումն է մեկընդմիշտ ամրագել «այլևս երբեքը», որպեսզի որևէ ժողովուրդ այլևս չվերապրի այն, ինչի միջով անցել են մեր ժողովուրդները»:
Շնորհակալություն հայտնելով Ռուանդայի ժողովրդի համար կարևոր այս ոգեկոչմանը ներկա լինելու համար՝ Ռուանդային արտաքին գործերի և համագործակցության նախարար Սեզիբերան ներկայացրեց հաշտեցման գործընթացի Ռուանդայի փորձը:
13:42 15.07.2025
Լավրովը և Իրանի արտգործնախարարը բանակցություններ են սկսել ՉինաստանումՌուսաստանի արտաքին գործերի նախարար Սերգեյ Լավրովը Չինաստանում Շանհայի համագործակցության կազմակերպության (ՇՀԿ) արտաքին գործերի նախարարների հանդիպման շրջանակներում բանակցություններ է վարում Իրանի արտաքին գործերի նախարար Աբբաս Արաղչիի հետ։ «Մենք հնարավորություն ունենք քննարկելու որոշ հարցեր, որոնք շատ արագ են զարգանում», – հանդիպման սկզբում ասել է Լավրովը։ ...
13:35 15.07.2025
Վինիսիուսը Մբապեից շատ աշխատավարձ չի ստանաՄադրիդի «Ռեալն» ու ակումբի հարձակվող Վինիսիուս Ժունիորը նոր պայմանագրի ստորագրման հարցում ամբողջական համաձայնության չեն կարողանում հասնել։ Այս մասին հայտնում է El Chiringuito TV-ն։ Խնդիրը ֆինանսական է։ Մադրիդյան ակումբի դիրքորոշումն այն է, որ բրազիլացին Մբապեից շատ աշխատավարձ չպետք է ստանա։ Ժունիորին այս մոտեցումը դուր չի գալիս։ Ավելի վաղ հայտնի էր դարձել, որ Վինիսիուսը «Ռեալից» տարեկան 30 […] ...
13:31 15.07.2025
Զելենսկին և Թրամփը հեռախոսազրույց են ունեցելՌուկրաինայի և ԱՄՆ նախագահներ Վլադիմիր Զելենսկին և Դոնալդ Թրամփը հեռախոսազրույց են ունեցել: Այս մասին տեղեկացրել է Զելենսկին X-ի իր էջում արված գրառման մեջ: Շնորհակալություն եմ հայտնել նրան Ուկրաինային աջակցելու և սպանությունները դադարեցնելու, ինչպես նաև երկարատև ու արդար խաղաղություն հաստատելու ուղղությամբ համատեղ աշխատանքը շարունակելու պատրաստակամության համար», – նշել է Զելենսկին։ ...
13:20 15.07.2025
Վաշինգտոնն առաջարկում է 100 տարով վարձակալել Սյունիքով անցնող ճանապարհըՄիացյալ Նահանգներն առաջարկում է 100 տարով վարձակալել Հայաստանի այն հատվածը, որ Ադրբեջանի արևելյան շրջանները կապում է Նախիջևանին։ Այս մասին ուրբաթ օրը Վաշինգտոնում կայացած ասուլիսի ժամանակ հայտարարել է Թուրքիայում Միացյալ Նահանգների դեսպան Թոմաս Բարաքը։ Փոխանցում է «Ազատությունը»։ «Հայաստանն ու Ադրբեջանը վիճում են 32 կիլոմետր երկարություն ունեցող ճանապարհի շուրջ։ Մեկ տասնամյակ է վիճում են 32-կիլոմետրանոց ճանապարհի շուրջ։ […] ...
13:00 15.07.2025
Հայաստանի Համայնքների միության նախագահ է ընտրվել Երևանի քաղաքապետ Տիգրան ԱվինյանըՀՀ ՏԿԵ նախարար Դավիթ Խուդաթյանն այսօր մասնակցել է Հայաստանի Համայնքների միության վարչության նիստին։ Օրակարգային առաջին հարցով 6 ամիս ժամկետով միության նախագահ է ընտրվել Երևանի քաղաքապետ Տիգրան Ավինյանը։ Նախարարը շնորհավորել է պարոն Ավինյանին և վստահություն է հայտնել, որ նրա գլխավորությամբ Համայնքների Միությունը լավագույնս և արդյունավետ կկառավարվի։ Միությունը կդառնա այնպիսի կառույցը, որը ակտիվ դերակատարություն կունենա թե համայնքների […] ...
12:53 15.07.2025
«Ոսկե գնդակի» գլխավոր հավակնորդներըBleacher Report-ը ներկայացրել է այսօրվա դրությամբ «Ոսկե գնդակի» ի 10 հավակնորդներին: Առաջատարը ՊՍԺ-ի հարձակվող Ուսման Դեմբելեն է: 1․Ուսման Դեմբելե – ՊՍԺ 2․Ռաֆինյա – «Բարսելոնա» 3․Լամին Յամալ – «Բարսելոնա» 4․Աշրաֆ Հաքիմի – ՊՍԺ 5․Մոհամեդ Սալահ – «Լիվերպուլ» 6․Վիտինյա – ՊՍԺ 7․Խվիչա Կվարացխելիա – ՊՍԺ 8․Ֆաբիան Ռուիս – ՊՍԺ 9․Նունու Մենդեշ – ՊՍԺ 10․Կիլիան Մբապե – «Ռեալ […] ...