Ասանժի ձերբակալությունից հետո բոլորը մտահոգված են նրա՝ փողկապով կատվի ճակատագրով

Ջուլիան Ասանժի կատուն Լոնդոնում Էկվադորի դեսպանատանը մնացել է ընդամնեը 2 տարի, բայց այդ ընթացքում արդեն հասցրել է հայտնի դառնալ: Նա համացանցում օգտահաշիվ ուներ և շատ լուսանկարիչների սիրելին է դարձել: Դեպանատան մոտ կանգնած լուսանկարիչների մոտ կատուն հաճախ էր երևում, սակայն Ասանժին ձերբակալելուց ամիսներ առաջ կորել է, լուսանկարիչներն այդ ամիսների ընթացքում չեն նկատել կատվին:

Հիմա լրատվականները հետաքրքրված են կատվի ճակատագրով:

«Բոլորը մեզ զանգում են և կատվից են հարցնում: Դա ինչ որ մոլուցք է դարձե՞լ»,- BBC-ին հաղորդել են Էկվադորի դեսպանատան մամուլի ծառայությունից:

Համացանցի օգտատերերը նույնպես հետաքրքրված են, թե հիմա որտեղ է գտնվում Ասանժի հայտնի կատուն:

«Հենց իմացա, որ Ասանժին ձերբակալել են, միանգամից մտածեցի, թե կատուն ինչպես է, ուր է»,- Twitter-ի միկրոբլոգում գրել է օգտատերերից մեկը:

Do you know, that was my first thought when I heard about his arrest? Where’s the poor cat? Priorities.

— Penny Ewles-Bergeron (@ABroadBrush) April 11, 2019

Կատուն Ասանժի հետ է 2016 թվականից: Հայտնում են, որ WikiLeaks-ի հիմնադրի երեխաներն են հորը նվիրել, որպեսզի նա բացարձակ միայնության մեջ չլինի: Սակայն ավելի վաղ տեղեկացրել են, որ կատուն պատահական է հայտնվել Ասանժի մոտ, և մամուլում տարածված այդ լուրն ուղղակի գեղեցիկ, բայց մտացածին պատմություն է:

Կատուն Twitter-ում միկրոբլոգ ունի  @EmbassyCat (դեսպանատան կատու) անունով: Հետագայում լրագրողներն իմացել են, որ կատվի անունը Ջեյմս է:

New home! I've arrived! pic.twitter.com/N7PeuSti4I

— Embassy Cat (@EmbassyCat) May 9, 2016

Կատուն իր փողկապների շնորհիվ արդեն ոճային հայտնի կատուների շարքին է սկսել դասվել: Դեսպանատան մոտ հերթապահող լրագրողները լուսանկարում էին և քննարկում կատվի փողկապները, քանի որ դրանց գույներն ամեն օր, ըստ Ասանժի տրամադրության ու գործերի հաջող կամ անհաջող ընթացքի, փոխվում էին:

Ջեյմսը հասցրել է նաև նկարվել Ասանժի մոտ այցելող հայտնի մարդկանց հետ։ Ասում են՝ կատուն վատ հայացքով էր նայում դեսպանատան մոտ կայանող ոստիկանական մեքենաներին և թռնում էր հեռուստացույցի էկրանին, երբ ցույց էին տալիս Դոնալդ Թրամփին ու Հիլարի Քլինթոնին դեբատների ժամանակ:

"Una ilusión
una sombra
una ficción
y el mayor bien es pequeño
que toda la vida es sueño
y los sueños, sueños son." pic.twitter.com/nBYuLXKihK

— Embassy Cat (@EmbassyCat) May 27, 2016

Ժամանակի ընթացքում Ասանժի կարգավիճակը չէր փոխվում, բայց կատուն գնալով ավելի հայտնի էր դառնում: WikiLeaks-ի խանութում կատվի նկարներով շապիկիներ սկսեցին վաճառել:

Սակայն անցած տարվա հոկտեմբերից դեսպանատանը հավանաբար հոգնել են կատվից ու սկսել են վատ վերաբերվել: Ավելին՝ այդ շրջանում Էկվադորի իշխանություններին սկսել էր անհանգստացնել այն, որ Ասանժը, փաստացի գտնվելով իր հարկի տակ, քննադատություններ էր հնչեցնում միջազգային քաղաքականության հետ կապված:

2018-ի հոկտեմբերին դեսպանատանը մի քանի ներքին հարցեր վերանայեցին ու Ասանժի ազատությունը սահմանափակեցին, ընդհուպ ցանկանում էին վերջինիս զրկել համացանցից: Այդ սահմանափակումների պատճառներից մեկը նաև հենց կատուն էր: Ասանժից պահանջեցին նաև հավաքել ու կարգուկանոն պահպանել իրեն տրամադրված սենյակում, ինչպես նաև հորդորեցին քաղաքական բովանդակության գրառումները սահմանափակել:

«Էկվադորի դեսպանատանը սպառնացել են նաև, որ կատվին կհանձնեն կենդանիների պահպանման կենտրոն: Այդ սպառնալիքը Ասանժին մտահոգել է և վերջինս իր փաստաբանին խնդրել է կատվին դեսպանատնից տեղափոխել անվտանգ վայր, և նրանք կրկին կտեսնվեն արդեն ազատության մեջ»,- գրել է Ջուլիան Ասանժի փաստաբան Հաննա Յոհանսոնը Twitter-ի իր միկրոբոլգում:

Meow-ning everybody! What a nice sleep! 😸💢 pic.twitter.com/vAtZS7ccnp

— Embassy Cat (@EmbassyCat) May 11, 2016

Հավանաբար կատվին դեսպանատնից տեղափոխել են դեսպանատան սահմանած նոր կարգուկանոնից առաջ: Էկվադորի դեսպանատնից տեղեկացրել են նաև, որ կատվին վերցրել են Ասանժի հարազատները, սակայն լրագրողները կարծում են, որ դա հավաստի ինֆորմացիա չէ: WikiLeaks-ի հիմնադրի ընտանիքի անդամների ու հարազատների մասին շատ քիչ ինֆորմացիա կա և առհասարակ լրագրողական հանրությունը չի կարող կապվել նրանց հետ: Հենց այս պատճառով կատվի վերջնական ճակատագրի մասին ոչ մի ինֆորմացիա չկա: